ଡିସେମ୍ବର ୫ରେ ରିଲିଜ୍ ହେବ ହେବ ‘ପୁଷ୍ପା ୨’ ଦି ରୁଲ୍, ଖାଲି ଭାରତ ନୁହେଁ ଆମେରିକାରେ ୮ଶହରୁ ଅଧିକ ସ୍ଥାନରେ ଟିକେଟ୍ ବିକ୍ରି..
ମୁମ୍ବାଇ : ଆଉ ଅଳ୍ପ ଦିନ ବାକି । ଶେଷ ହେବ ଦର୍ଶକଙ୍କ ଅପେକ୍ଷା । ବଡ ପରଦାରେ ରିଲିଜ୍ ହେବ ‘ପୁଷ୍ପା ୨ ଦି ରୁଲ୍’ । ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫିଲ୍ମ ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ‘ପୁଷ୍ପା ୨’ ଗୋଟିଏ। ଏହି ଫିଲ୍ମକୁ ଦର୍ଶକ ବେଶ ଉତ୍କଣ୍ଠାର ସହ ଅପେକ୍ଷା କରିଛନ୍ତି ।
ଡିସେମ୍ବର ୫ ତାରିଖରେ ଏହି ଚଳଚ୍ଚିତ୍ର ସାରା ବିଶ୍ୱରେ ମୁକ୍ତିଲାଭ କରିବ । ପୂର୍ବରୁ ଏହି ଚଳଚ୍ଚିତ୍ର ପାଇଁ ଦର୍ଶକ ଅନେକ ଦିନରୁ ଅପେକ୍ଷା କରିଥିବା ବେଳେ ‘ପୁଷ୍ପା ୨ ଦି ରୁଲ୍’ ର ଏକ ନୂଆ ପୋଷ୍ଟର ରିଲିଜ୍ ହୋଇଛି । ଏହାର ପ୍ରିମିୟର୍ ଶୋ’ ପାଇଁ ୮ ଶହରୁ ଅଧିକ ସ୍ଥାନରେ ୨୦,୦୦୦ ଟିକେଟ୍ ବିକ୍ରି ହୋଇଛି । ଯାହାର ମୂଲ୍ୟ ୪.୫ କୋଟିରୁ ମଧ୍ୟ ଅଧିକ।
୧୫ ନଭେମ୍ବରରେ ଶନି ଚଳନ ; ଏହି ୫ ରାଶିଙ୍କ ଖୋଲିବ ବନ୍ଦ ଭାଗ୍ୟର ତାଲା..
ସୁକୁମାରଙ୍କ ନିର୍ଦ୍ଦେଶିତ ଏହି ଫିଲ୍ମ ପ୍ରାୟ ୫୦୦ କୋଟି ଟଙ୍କା ବଜେଟରେ ‘ପୁଷ୍ପା ୨ ଦି ରୁଲ୍’କୁ ତିଆରି କରାଯାଇଛି ଏବଂ ଏହି ଚଳଚ୍ଚିତ୍ରରେ ସୁପରଷ୍ଟାର ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ଓ ଫରଦ ଫାସିଲ ମୁଖ୍ୟ ଭୂମିକାରେ ନଜର ଆସିବେ। ଚଳିତ ବର୍ଷ ରିଲିଜ୍ ହେବାକୁ ଥିବା ଏହା ସବୁଠାରୁ ବଡ ଚଳଚ୍ଚିତ୍ର ବୋଲି କୁହାଯାଉଛି।
ନଭେମ୍ବର ୨୪ରେ ଏମାନଙ୍କୁ ମିଳିବ ‘ସୁଭଦ୍ରା’ ଟଙ୍କା- ଉପମୁଖ୍ୟମନ୍ତ୍ରୀ
ନିକଟରେ ଫିଲ୍ମ’ପୁଷ୍ପା ୨ ଦି ରୁଲ୍’ର ନୂଆ ପୋଷ୍ଟର ରିଲିଜ୍ ହୋଇଥିଲା। ନୂଆ ପୋଷ୍ଟରରେ ଅଭିନେତା ଅଲ୍ଲୁ ଅର୍ଜୁନ୍ ନିଜର ସିଗ୍ନେଚର୍ ପୁଷ୍ପା ଲୁକ୍ରେ ନଜର ଆସିଛନ୍ତି। ନୂଆ ପୋଷ୍ଟରରେ ଅଲ୍ଲୁ ଅର୍ଜୁନ୍ ନିଜର ‘ପୁଷ୍ପା’ ଲୁକ୍ରେ ଖୁବ୍ ଗମ୍ଭୀର, ବିଦ୍ରୋହୀ ଓ ଭରପୁର ଆତ୍ମବିଶ୍ୱାସ ସହ ବସିଥିବା ଦେଖାଯାଉଛନ୍ତି । ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା -ପାର୍ଟ୧କୁ ଦର୍ଶକଙ୍କ ଖୁବ୍ ଭଲପାଇବା ମିଳିଥିଲା । ପୁଷ୍ପାର ଲୋକପ୍ରିୟତା ଦେଖି ଅଲ୍ଲୁ ଅର୍ଜୁନଙ୍କ ପ୍ରଶଂସକମାନେ ଉତ୍ସାହର ସହିତ ଫିଲ୍ମର ପାର୍ଟ ୨କୁ ଅପେକ୍ଷା କରିଛନ୍ତିା
