ଖଣ୍ଡପଡ଼ା, ୨୬/୧୦ : ପ୍ରେମୀ ଯୁଗଳଙ୍କୁ ଜଙ୍ଗଲ ଭିତରେ ଦୁର୍ବ୍ୟବହାର ଓ ଅସଦାଚରଣ କରି ଭିଡିଓ ଭାଇରାଲ ଅଭିଯୋଗ। ଗତ ରବିବାର ଦିନ ଫତେଗଡ଼ ପିଠା ଖାଇ ଜଙ୍ଗଲରେ ଏଭଳି ଘଟଣା ଘଟିଛି। ଫତେଗଡ଼ ପୋଲିସ ଏହି ଘଟଣାରେ ୩ ଜଣ ଅସାମାଜିକ ଯୁବକଙ୍କୁ ଅଟକ ରଖି ତଦନ୍ତ କରୁଛି।
ସୂଚନାନୁଯାୟୀ, ଗତ ରବିବାର ଦିନ ଭୁବନେଶ୍ୱରରୁ ୨ ଜଣ ଯୁବକ ଓ ଯୁବତୀ ଫତେଗଡ଼ ରାମ ମନ୍ଦିର ଦର୍ଶନ ସାରି ଫେରୁଥିବା ସମୟରେ ସ୍ଥାନୀୟ ପିଠା ଖାଇ ଜଙ୍ଗଲ ଠାରେ କିଛି ଆସାମାଜିକଙ୍କ ହାବୁଡ଼ରେ ପଡି ଯାଇଥିଲେ।
ଉକ୍ତ ଆସାମାଜିକ ଯୁବକମାନେ ଯୁବତୀଙ୍କୁ ଅସଦାଚରଣ କରିବା ସହ ତାଙ୍କର ଭିଡିଓ ଭାଇରାଲ କରିଥିବା ଯୁବତୀ ଜଣଙ୍କ ଭୁବନେଶ୍ୱର ଥାନାରେ ଅଭିଯୋଗ କରିଛନ୍ତି। ଯୁବତୀଙ୍କ ଅଭିଯୋଗ କ୍ରମେ ଫତେଗଡ଼ ଥାନା ପୋଲିସ ୩ଜଣ ଆସାମାଜିକ ଯୁବକଙ୍କୁ ଅଟକ ରଖିବା ସହ ଅଧିକ ତଦନ୍ତ ଚଲାଇଥିବା ଜଣାପଡିଛି। ତେବେ ଏ ବାବଦରେ ପୀଡିତା ଯୁବତୀ ଜଣଙ୍କ କ୍ୟାମେରା ସାମ୍ନାରେ କିଛି କହିବା ପାଇଁ ମନା କରି ଦେଇଛନ୍ତି।
