କାଶୀପୁର – କାଶୀପୁର ପୋଲିସ ଓ ଅବକାରୀ ବିଭାଗ ପକ୍ଷରୁ ମଦ ଭାଟି ଉପରେ ଚଢାଉ। ଆଜି ( ଶୁକ୍ରବାର) ମାଣ୍ଡିବିଶି ପଞ୍ଚାୟତ ଅନ୍ତର୍ଗତ ବାହାର ପଦାମାଜି ଏବଂ ଆଖପାଖ ଅଞ୍ଚଳରେ ଥିବା ବେଆଇନ ମଦ ଭାଟି ଉପରେ ଚଢଉ କରାଯାଇଛି। ଉକ୍ତ ମିଳିତ ଚଢ଼ଉ ବେଳେ ୧୫୫୦ ଲିଟରରୁ ଅଧିକ ମହୁଲ ପୋଚ ନଷ୍ଟ କରିବା ସହ୪୦ଲିଟର ମଦ ଜବତ କରାଯାଇଛି।
ବେଆଇନ କାରବାରରେ ଜଡିତ ତିନି ମହିଳାଙ୍କ ବିରୋଧରେ ମାମଲା ରୁଜୁ କରି ନୋଟିସ ଦେଇ ଛଡା ଯାଇଛି।
ଏହି ଘଟଣାରେ କାଶୀପୁର ଥାନାର କେସ ନଂ ୨୨୯/୨୩୦/୨୩୧ ରେ ତିନୋଟି ମାମଲା ରୁଜୁ କରାଯାଇ ଥିବାର କାଶୀପୁର ଥାନା ଅଧିକାରୀ ସୂର୍ଯ୍ୟ ପ୍ରକାଶ ନାୟକ କହିଛନ୍ତି।
ସେହିପରି କାଶୀପୁର ଅବକାରୀ ଫାଣ୍ଡି ଓ ଜିଲ୍ଲା ଅବକାରୀ ମୋବାଇଲ ଟିମର ମିଳିତ ଚଢଉ କରାଯାଇ ଥିଲା। ଅବକାରୀ ବିଭାଗ ପକ୍ଷରୁ ଅଲଗା ଭାବେ ମାମଲା ରୁଜୁ କରାଯାଇ ସାତ ଜଣକୁ ଗିରଫ କରାଯାଇ ଥିବା ଜଣାପଡିଛି।
ସୂଚନାଯୋଗ୍ୟ, ପଦାମାଜି ଗ୍ରାମରେ ବେଆଇନ ମଦ କାରବାର ବୃଦ୍ଧି ପାଉଥିବା ନେଇ ଗ୍ରାମର ମହିଳା ମାନେ ଗତ ଦିନରେ କାଶୀପୁର ପୁଲିସ ଓ ଅବକାରୀ ବିଭାଗକୁ ଅବଗତ କରାଇ ଥିଲେ। ଏହା ପରେ ଚଢାଉ ଅଭିଯାନ ପାଇଁ ପ୍ଲାନିଂ ହୋଇଥିଲା।
