ଅଜଣା ଗାଡ଼ି ଧକ୍କାରେ ବୁଲେଟ ଆରୋହୀ ଯୁବକ ଗୁରୁତର

ହରିଶ୍ଚନ୍ଦ୍ର ଦାସ ଚିତ୍ରଡାସ୍ଥିତ ଏକ ଦୋକାନରେ କାମ କରୁଥିବାବେଳେ ଘରୁ ବାହାରି ଚିତ୍ରଡା ଅଭିମୁଖେ ଯାଉଥିବା ସମୟରେ ବୈଶିଙ୍ଗା ଅତିକ୍ରମ କରିବା ପରେ ଅଜାଡିହ ଛକ ନିକଟରେ ବିପରୀତ ଦିଗରୁ ଭୁଲ ରାସ୍ତାରେ ଆସୁଥିବା ଏକ ଅଜଣାଗାଡି ତାଙ୍କୁ ଧକ୍କା ଦେଇ ଫେରାର ଘଟଣାସ୍ଥଳରୁ ଫେରାର ହୋଇଯାଇଥିଲା।

ଦୁର୍ଘଟଣାରେ ଗୁରୁତର ହରିଶ୍ଚନ୍ଦ୍ରଙ୍କୁ ସ୍ଥାନୀୟ ଲୋକ ଉଦ୍ଧାରକରି ବୈଶିଙ୍ଗା ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଅବସ୍ଥା ଅତ୍ୟନ୍ତ ଶଙ୍କଟାପନ୍ନ ଥିବାରୁ ପ୍ରାଥମିକ ଚିକିତ୍ସା ପରେ ପରିବାରଲୋକେ ତାଙ୍କୁ ତୁରନ୍ତ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତରିତ କରିଛନ୍ତି। ଖବର ପାଇ ବୈଶିଙ୍ଗା ପୁଲିସ ହରିଶ୍ଚନ୍ଦ୍ରଙ୍କ ଦୁର୍ଘଟଣାଗ୍ରସ୍ତ ବୁଲ୍ଲେଟକୁ ଜବତ କରିବା ସହିତ ଧକ୍କା ଦେଇ ଚମ୍ପଟ ମାରିଥିବା ଅଜଣାଗାଡିକୁ ଧରିବାପାଇଁ ଉଦ୍ୟମ ଆରମ୍ଭ କରିଛି।