ଏମଭି-୮ ଗ୍ରାମର ହତ୍ୟା ଘଟଣାରେ ଅଭିଯୁକ୍ତ ଗିରଫ

ସୂଚନା ଅନୁଯାୟୀ ହତ୍ୟାକାରୀ ବିଭାନ ମଣ୍ଡଳ ଏବଂ ମୃତ ମିଲନ ମଜୁମଦାର ଗତ ୧୫ ଦିନ ତଳେ ଦୁହେଁ ମିଶି ମଦ ପିଇବା ସହ ବିଭାନର ପତ୍ନୀ ସଂପର୍କରେ ମିଲନ କିଛି ଅପଶଦ୍ଦ ବ୍ୟବହାର କରିବା ସହ ସେମାନଙ୍କ ମଧ୍ୟରେ କିଛି ସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା। ପୁଣି କିଛି ପରେ ହତ୍ୟାକାରୀ ବିଭାନର ଘର ପାଖରେ ମିଲନ ଲୁଚିଥିବା ବିଭାନ ଦେଖିଥିଲା। ସେ ସେତେବେଳେ ସଂଦେହ କରିଥିଲା ଯେ ସେ ତାର ପତ୍ନୀ ସହ ଶାରିରୀକ ସଂପର୍କ ରଖିବାକୁ ଆସିଛି। ସେହି ଦିନ ହିଁ ବିଭାନ ମିଲନକୁ ହତ୍ୟା କରିବାର ଯୋଜନା କଲା।

ଗତ ୧୪ ତାରିଖ ଦିନ ରାତିରେ ମିଲନକୁ ମଦ ପିଇବା ପାଇଁ ଡାକିଲା। ଏକ ପଡିଆରେ ପସି ଦୁହେଁ ମଦ ପିଇଥିଲେ।ପରେ ବିଭାନ ଏକ ଧାରୁଆ ଅସ୍ତ୍ର ଆଣି ମିଲନକୁ ହତ୍ୟା କରିଥିଲା।ସେଠାରୁ ସେ ତାର ମୁଦି ଇତ୍ୟାଦି ନେଇଯାଇଥିଲା।ମଲନର ମୋବାଇଲକୁ ପଖୋରୀରେ ଫିଙ୍ଗି ଦେଇଥିଲା।ଏଥିସହ ହତ୍ୟା କରିଥିବା ଅସ୍ତ୍ରକୁ ଲୁଚାଇ ଦେଇଥିଲା।ପୁଲିସ ଏହି ଘଟଣାକୁ ନେଇ ତଦନ୍ତ କରିବା ପରେ ବିଭାନକୁ ଗିରଫ କରି ପଚରାଉଚରା କରିଥିଲା।ଆଜି ବିଭାନକୁ ହତ୍ୟା କେଶରେ କୋର୍ଟ ଚାଲାଣ କରାଯାଇଥିବା ଆଇଆଇସି ରିଗାନ କିଣ୍ଡୋ ପ୍ରକାଶ କରିଛନ୍ତି।