[ad_1]
୫୦ ହଜାର ଟଙ୍କା, ସୁନା ଚେନ୍ ଓ କାର୍ ଜବତ
ରାଉରକେଲା: ଲୋକୋପାଇଲଟ୍ ନିହାର ସରକାର ଅପହରଣ ଓ ଲୁଟ୍ ଘଟଣାରେ ୩ ଅପହରଣକାରୀଙ୍କୁ ଭୁବନେଶ୍ବରରୁ ଗିରଫ କରିଛି ରାଉରକେଲା ପୁଲିସ। ଗିରଫ ଅଭିଯୁକ୍ତମାନେ ହେଲେ; ଖୋର୍ଦ୍ଧା ଏୟାରଫିଲ୍ଡ ଥାନା ଅନ୍ତର୍ଗତ ବତଣ୍ଡାର ସଂଗ୍ରାମ କେଶରୀ ପଟ୍ଟନାୟକ ଓରଫ୍ ସୋନୁ (୨୭), ବଳଭଦ୍ରପୁରର ସ୍ମୃତିରଞ୍ଜନ ପାଇକରାୟ ଓରଫ୍ ବୁବୁ (୩୫) ଓ ବି-୪ କଲ୍ୟାଣୀ ପ୍ଲାଜାର ସତ୍ୟପ୍ରକାଶ ପ୍ରଧାନ ଓରଫ୍ ବଣ୍ଟି (୨୪)। ଏମାନଙ୍କ ନିକଟରୁ ସୁନା ଚେନ୍, ନଗଦ ୫୦ ହଜାର ଟଙ୍କା, ହୁଣ୍ଡାଇ କାର୍ (ଓଡ଼ି ୩୩ ଏଜେ୍-୮୬୭୫) ଆଦି ଜବତ କରିଛି। ଆଜି ରାଉରକେଲା ପୁଲିସ ମୁଖ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏସ୍ପି ବ୍ରିଜେଶ ରାୟ ଏହି ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏସ୍ପି ଶ୍ରୀ ରାୟଙ୍କ ସୂଚନା ଅନୁସାରେ, ଲୋକୋପାଇଲଟ୍ ନିହାରଙ୍କ ଲିଖିତ ଏତଲା ଆଧାରରେ ଅତିରିକ୍ତ ଏସ୍ପିଙ୍କ ନେତୃତ୍ବରେ ସ୍ବତନ୍ତ୍ର ଟିମ୍ ଗଠନ କରାଯାଇଥିଲା। ତଦନ୍ତରୁ ତିନି ଅପହରଣକାରୀ ପେଟିଏମ୍ ଓ ଫୋନ୍ ପେ’ ଜରିଆରେ ନିହାରଙ୍କ କାନାରା ବ୍ୟାଙ୍କ, ଏସ୍ବିଆଇ ଆକାଉଣ୍ଟରୁ ୧ ଲକ୍ଷ ୨୪ ହଜାର ଟଙ୍କା ଉଠାଇ ନେଇଥିବା ଜଣାପଡ଼ିଥିଲା। ପରେ ତିନି ଅପହରଣକାରୀ ଭୁବନେଶ୍ବର ଏୟାର ଫିଲ୍ଡ ଥାନା ଅଞ୍ଚଳର ବୋଲି ଜଣାପଡ଼ିବା ପରେ ଅତିରିକ୍ତ ଏସ୍ପିଙ୍କ ନେତୃତ୍ବରେ ସ୍ବତନ୍ତ୍ର ଟିମ୍ ଭୁବନେଶ୍ବର ଯାଇଥିଲା। ରାଜଧାନୀର କମିସନରେଟ୍ ପୁଲିସ ସହାୟତାରେ ତିନି ଅପହରଣକାରୀକୁ ଗିରଫ କରିଥିଲା। ଗିରଫ ଅହପହରଣକାରୀଙ୍କ ଗ୍ୟାଙ୍ଗରେ ଅନ୍ୟ କେଉଁମାନେ ଅଛନ୍ତି, ଏମାନଙ୍କ ନାଁରେ ପୂର୍ବରୁ ଅପରାଧିକ ମାମଲା ରହିଛି କି ନାହିଁ, ତା’ର ତଦନ୍ତ କରାଯାଉଥିବା ସେ କହିଛନ୍ତି।
ଏଠାରେ ଉଲ୍ଲେଖଯୋଗ୍ୟ ଯେ ଗତ ୨୨ ତାରିଖ ରାତି ପ୍ରାୟ ୯ଟା ୪୦ ମିନିଟ୍ରେ ଲୋକୋପାଇଲଟ୍ ନିହାର ସରକାର ରାଉରକେଲାର ଛେଣ୍ଡକଲୋନିସ୍ଥ ତାଙ୍କ ଘର ଆଗରେ ଛିଡ଼ା ହୋଇଥିଲେ। ଗିରଫ ଅପହରଣକାରୀ ଏକ କାର୍ରେ ସେଠାରେ ପହଞ୍ଚିଥିଲେ। କିଛିବାଟ ନେବାପରେ ନିସ୍ତୁକ ମାଡ଼ ମାରି ମୋବାଇଲ୍, ସିମ୍ କାର୍ଡ ଓ ୟୁପିଆଇ ପିନ୍ ନେଇଯାଇଥିଲେ। ଏଥିସହ ସୁନା ଚେନ୍, ହାତଘଣ୍ଟା ନେବାପରେ ଛାଡ଼ିଦେଇ ଫେରାର ହୋଇଯାଇଥିଲେ। ତାଙ୍କୁ ପିସିଆର୍ ଭ୍ୟାନ୍ ଉଦ୍ଧାର କରି ଛେଣ୍ଡକଲୋନିସ୍ଥ ଘରେ ଛାଡ଼ିଥିଲା।
[ad_2]
