[ad_1]
ଓଲିଉଡ୍ର ଜଣାଶୁଣା ନାୟିକା ସୁପ୍ରିୟା ପ୍ରଥମ ଥର ଲାଗି ନୂଆ ସିନେମା ‘ସିନ୍ଦୂରା’ରେ ଦ୍ବୈତ ଭୂମିକାରେ ଅଭିନୟ କରିଛନ୍ତି । ଏଥିରେ ତାଙ୍କର ଗୋଟିଏ ଚରିତ୍ରର ନାଆଁ ହେଲା ଭୂମି ଓ ଆରଟି ଭୂମିକା। ତେବେ କାହିଁକି ତାଙ୍କୁ ଭୂମିରୁ ଭୂମିକା ହେବାକୁ ପଡ଼ିଛି ବା କ’ଣ ପାଇଁ ତାଙ୍କର ଏଥିରେ ଦ୍ବୈତ ଭୂମିକା ରହିଛି, ତାହା ସିନେମା ରିଲିଜ୍ ହେବା ପରେ ଜଣାପଡ଼ିବ। ଏହି ସିନେମାରେ ସୁପ୍ରିୟାଙ୍କ ନାୟକ ହେଲେ ଅଭିଷେକ ଗିରି। ଅନ୍ୟମାନଙ୍କ ମଧ୍ୟରେ ପ୍ରମୋଦ ରଥ, ପୃଥ୍ବୀରାଜ, ଶଙ୍କର, ପ୍ରଦୀପ ସାହୁ ଓ ଜୀବନ ପଣ୍ଡା ପ୍ରମୁଖଙ୍କୁ ‘ସିନ୍ଦୂରା’ରେ ଦେଖିବାକୁ ମିଳିବ। ଦିଲୀପ ଦାଶଙ୍କ ନିବେଦିତ ବିରଞ୍ଚି ନାରାୟଣ ପଣ୍ଡା ଏହି ଫିଲ୍ମର କାହାଣୀକାର ଓ ନିର୍ଦ୍ଦେଶକ। ରାସେଶ୍ବରୀ ଏଣ୍ଟର୍ଟେନ୍ମେଣ୍ଟ୍ ବ୍ୟାନର୍ରେ ନିର୍ମିତ ଏହି ସିନେମାର ସଂଳାପକାର ହେଲେ ନାଟ୍ୟକାର ବିଜୟ ଦାସ। ଏହାର ସଙ୍ଗୀତକାର ପ୍ରେମ ଆନନ୍ଦ। ପୂର୍ବରୁ ଏହି ସିନେମା ଟାଇଟଲ୍ ଥିଲା ‘ସପନର ସାଥେ ସାଥେ’।
[ad_2]
