ସାଇବର୍ ଅପରାଧୀଙ୍କ ନିର୍ବାଚନ ଅସ୍ତ୍ର: ହ୍ବାଟସଆପ୍ରେ ବୁଲୁଛି ୩ ମାସିଆ ଫ୍ରି ରିଚାର୍ଜ ମେସେଜ୍ – Kalinga News
[ad_1]
ଲିଙ୍କ୍କୁ କ୍ଲିକ୍ କଲେ ବ୍ୟକ୍ତିଗତ ତଥ୍ୟ ଚୋରି କରି ଲୁଟୁଛନ୍ତି ଠକ
ଜଗତସିଂହପୁର: ସାଧାରଣ ନିର୍ବାଚନକୁ ଆଳ କରି ଜାଲ ବିଛାଇଲେଣି ସାଇବର ଅପରାଧୀ। ସାଧାରଣ ନିର୍ବାଚନ ପୂର୍ବରୁ ଶହ ଶହ କୋଟି ଟଙ୍କା ଠକି ନେବାର ବ୍ଲୁ ପ୍ରିଣ୍ଟ ପ୍ରସ୍ତୁତ କରି ସାରିଲେଣି। ଟାଟା, ଫୋନ୍ ପେ ନାଁରେ ଆକାଉଣ୍ଟକୁ ଟଙ୍କା ଯାଉଥିବା ଅଫର ଦେଇ ଠକେଇ କରୁଥିବା ବେଳେ ଏବେ ନିର୍ବାଚନ ପାଇଁ ବିଜେପି ୩ ମାସ ଲାଗି ଫ୍ରି ରିଚାର୍ଜ ଯୋଜନା କରିଥିବା ପୋଷ୍ଟ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି। ତଳେ ନୀଳ ରଙ୍ଗର ଲିଙ୍କ୍ ଦିଆଯାଇଛି। ସେହି ଲିଙ୍କକୁ କ୍ଲିକ୍ କରିବା ପରେ ଆସୁଥିବା ନିର୍ଦ୍ଦେଶକୁ ପାଳନ କଲେ ତିନି ମାସ ଲାଗି ମୋବାଇଲ ଫୋନରେ ଫ୍ରି ରିଚାର୍ଜ ହୋଇଯିବ ବୋଲି ମେସେଜରେ କୁହାଯାଉଛି। କିନ୍ତୁ ବାସ୍ତବରେ ଏହା ସାଇବର ଅପରାଧୀଙ୍କ କାମ ବୋଲି ଜଣାପଡ଼ିଛି। ସାରା ଦେଶରେ ଏହି ମେସେଜ୍ ବିଜୁଳି ବେଗରେ ଭାଇରାଲ୍ ହେବାରେ ଲାଗିଛି। ସାଇବର ଅପରାଧୀମାନେ ଏହାକୁ ‘ବିଜେପି ଫ୍ରି ରିଚାର୍ଜ ଯୋଜନା’ ବୋଲି ଦର୍ଶାଇଛନ୍ତି। ମୋଦି ସରକାର ଭାରତୀୟ ମୋବାଇଲ ଫୋନ୍ ବ୍ୟବହାରକାରୀଙ୍କ ପାଇଁ ଏହି ଅଫର ଆଣିବା ସହ ଆଗାମୀ ନିର୍ବାଚନରେ ବିଜେପି ଅଧିକରୁ ଅଧିକ ଭୋଟ ପାଇବା ଲାଗି ଯୋଜନା କରାଯାଇଥିବା ମେସେଜରେ କୁହାଯାଇଛି। ଚଳିତବର୍ଷ ଅକ୍ଟୋବର ୧୫ ତାରିଖ ପର୍ଯ୍ୟନ୍ତ ଏହି ଅଫର ରହିଥିବା ମେସେଜରେ ଉଲ୍ଲେଖ ରହିଛି।
Sambad is now on WhatsApp
Join and get latest news updates delivered to you via WhatsApp
ମେସେଜର ତଳେ ଦିଆଯାଇଥିବା ନୀଳ ରଙ୍ଗର ଲିଙ୍କକୁ କ୍ଲିକ କଲା ପରେ ଯାଇ ଫ୍ରି ରିଚାର୍ଜ କରିହେବ ବୋଲି କୁହାଯାଇଛି। କିନ୍ତୁ ସେହି ଲିଙ୍କକୁ କ୍ଲିକ କଲା ପରେ ସେଥିରେ ବ୍ୟକ୍ତିଗତ ତଥ୍ୟ ଭରିବା ପାଇଁ କୁହାଯାଉଛି। ଯେମିତି କି ନାଁ, ଜନ୍ମ ତାରିଖ, ଆଧାର ନମ୍ବର, ମୋବାଇଲ ଫୋନ୍ ନମ୍ବର ଇତ୍ୟାଦି। ଏହା ପରେ ମୋବାଇଲ ଫୋନକୁ ଏକ ଓଟିପି ଆସୁଛି। ସାଇବର ଅପରାଧୀମାନେ ସେହି ଓଟିପିକୁ କୌଶଳକ୍ରମେ ମାଗି ନେଇଯିବେ। ଏହା ପରେ ସାଇବର ଅପରାଧୀମାନେ ଟଙ୍କା ଲୁଟିବା ସହ ଫୋନରେ ଥିବା ସମସ୍ତ ବ୍ୟକ୍ତିଗତ ତଥ୍ୟ ଚୋରି କରି ନେବେ ବୋଲି କହିଛନ୍ତି ସାଇବର ବିଶେଷଜ୍ଞ। ଆଗକୁ ନିର୍ବାଚନ ଥିବା ବେଳେ ସମସ୍ତଙ୍କ ମନରେ ଉତ୍ସୁକତା ଥିବାରୁ ସାଇବର ଅପରାଧୀମାନେ ଏହାକୁ ଅସ୍ତ୍ର କରିଛନ୍ତି। ନୂଆ ନୂଆ ତରିକାରେ ଲୋକଙ୍କୁ ନିଜ ଜାଲରେ ଫସାଇ ଲୁଟୁଛନ୍ତି। ଆଗକୁ ଆହୁରି ନୂଆ ନୂଆ ଧରଣର କୌଶଳ ଗ୍ରହଣ କରିବାକୁ ଥିବାରୁ ଏଥିପ୍ରତି ସତର୍କ ରହିବାକୁ ସାଇବର୍ ବିଶେଷଜ୍ଞମାନେ ପରାମର୍ଶ ଦେଇଛନ୍ତି।
[ad_2]
