[ad_1]
ମୁମ୍ବାଇ: ଭାରତୀୟ କ୍ରିକେଟ୍ର ନୂଆ ନାୟକ ଭାବେ ଉଭା ହୋଇଥିବା ଯୁବ ୱିକେଟ୍ରକ୍ଷକ ଧ୍ରୁବ ଜୁରେଲ ଆବେଗପୂର୍ଣ୍ଣ ଲେଖା ଲେଖି ମାତା-ପିତାଙ୍କୁ କୃତଜ୍ଞତା ଜଣାଇଛନ୍ତି। ଇଂଲଣ୍ଡ ବିପକ୍ଷ ଘରୋଇ ଟେଷ୍ଟ୍ ଶୃଙ୍ଖଳାରେ ପ୍ରଥମଥର ଭାରତୀୟ ଦଳରେ ସାମିଲ ହୋଇ ରାଜକୋଟ ଟେଷ୍ଟ୍ରେ ଶ୍ରେଷ୍ଠ ଖେଳାଳି ପୁରସ୍କାର ଲାଭ କରିବା ପରେ ବହୁ ପୂର୍ବତନ କ୍ରିକେଟର୍ ତାଙ୍କୁ ପ୍ରଶଂସାରେ ପୋତି ଦେଇଛନ୍ତି। ଏପରିକି ଜୁରେଲଙ୍କ ପାଖରେ ମହାନ ଅଧିନାୟକ ଓ ୱିକେଟ୍ରକ୍ଷକ ମହେନ୍ଦ୍ର ସିଂହ ଧୋନିଙ୍କ ଝଲକ ଦେଖିବାକୁ ମିଳୁଛି ବୋଲି କହିଥିଲେ। ଏଭଳି ପ୍ରଶଂସା ଓ ସଫଳତାର ଶ୍ରେୟ ଜୁରେଲ ନିଜ ମାତା-ପିତାଙ୍କୁ ଦେଇଛନ୍ତି। ସେମାନଙ୍କୁ ନିଜ କ୍ରିକେଟିଂ ଯାତ୍ରାର ସ୍ତମ୍ଭ ଭାବେ ବର୍ଣ୍ଣନା କରି ‘ଏକ୍ସ’ ପୃଷ୍ଠାରେ ଜୁରେଲ ଲେଖିଛନ୍ତି, ମୁଁ ଆପଣମାନଙ୍କୁ କଥା ଦେଉଛି, ଏହା କେବଳ ଆରମ୍ଭ ମାତ୍ର। ମମ୍ମି, ପାପ୍ପା ଆପଣମାନେ ମୋ ଦୁନିଆ। ଆଗକୁ ଆହୁରି ବହୁତ କାମ କରିବାର ଅଛି।
[ad_2]
