[ad_1]
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ଆବାହକ ଅରବିନ୍ଦ କେଜ୍ରିଓ୍ଵାଲ ଆଜି ବିଜେପିକୁ କଡ଼ା ସମାଲୋଚନା କରିଛନ୍ତି। “ସେମାନେ କହୁଛନ୍ତି ବିଜେପିରେ ଯୋଗ ଦିଅ, ଆମେ ଛାଡ଼ିଦେବୁ । ମୁଁ କହିଲି ମୁଁ ଆଦୌ ବିଜେପିକୁ ଆସିବି ନାହିଁ, ମୁଁ କେବେବି ବିଜେପିକୁ ଆସିବି ନାହିଁ। ବିଜେପିରେ କାହିଁକି ଯୋଗ ଦେବି? ଯଦି ଆପଣ ବିଜେପିକୁ ଯାଆନ୍ତି, ତେବେ ଆପଣଙ୍କର ସବୁ ଅପରାଧ ମାଫ ହୋଇଯିବ।“
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀର କିରାରିରେ ୪ଟି ସରକାରୀ ବିଦ୍ୟାଳୟର ଶିଳାନ୍ୟାସ ଅବସରରେ ଅରବିନ୍ଦ କେଜ୍ରିୱାଲ ଏହା କହିଛନ୍ତି। “ସେମାନେ ଯାହା ଷଡ଼ଯନ୍ତ୍ର କଲେବି, ଆମ ବିରୋଧରେ କିଛି ହେବ ନାହିଁ। ଏବଂ ମୁଁ ମଧ୍ୟ ସେମାନଙ୍କ ବିରୋଧରେ ଛିଡ଼ା ହୋଇଛି, ମୁଁ ମଧ୍ୟ ମୁଣ୍ଡ ନୁଆଁଇବି ନାହିଁ । ଆମେ କ’ଣ ଭୁଲ କାମ କରିଛୁ? ବିଦ୍ୟାଳୟ ନିର୍ମାଣ ହେଉଛି, ଡାକ୍ତରଖାନା, ରାସ୍ତା ନିର୍ମାଣ କରାଯାଉଛି, ନର୍ଦ୍ଦମା ମରାମତି କରାଯାଉଛି।“
ଦିଲ୍ଲୀ ପୋଲିସର କ୍ରାଇମବ୍ରାଞ୍ଚ ଅରବିନ୍ଦ କେଜ୍ରିୱାଲ ଏବଂ ଦିଲ୍ଲୀ ମନ୍ତ୍ରୀ ଆତିଶୀଙ୍କୁ ନୋଟିସ ପଠାଇ ଏହି ଅଭିଯୋଗର ଜବାବ ଦେବାକୁ କହିଛି । ମୁଖ୍ୟମନ୍ତ୍ରୀ କହିଛନ୍ତି ଯେ ଯଦି ତାଙ୍କୁ ଜେଲକୁ ପଠାଯାଏ, ତେବେ ଦିଲ୍ଲୀ ସରକାରଙ୍କ ଚାଲିଥିବା ସ୍କୁଲ ନିର୍ମାଣ ଏବଂ ଲୋକଙ୍କୁ ମାଗଣା ଚିକିତ୍ସା ଯୋଗାଇବା ଭଳି ଉନ୍ନୟନମୂଳକ କାର୍ଯ୍ୟ ବନ୍ଦ ହେବ ନାହିଁ। ମନୀଷ ସିସୋଦିଆ ସ୍କୁଲ ନିର୍ମାଣ କରିଥିବାରୁ ତାଙ୍କୁ ଜେଲରେ ରଖାଯାଇଛି। ସତ୍ୟେନ୍ଦ୍ର ଜୈନ ମୋହଲ୍ଲା କ୍ଲିନିକ୍ ନିର୍ମାଣ କରିଥିବାରୁ ତାଙ୍କୁ ଜେଲ୍ ପଠାଇ ଦିଆଯାଇଥିଲା।
[ad_2]
