ବିଜେପିର ବରିଷ୍ଠ ନେତା ଏବଂ ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟଲୀ ଗତକାଲି ଦିଲ୍ଲୀ ଏମ୍ସରେ ୬୬ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଜେଟଲୀ ଗତ କିଛିଦିନ ହେବ ଏମ୍ସରେ ଭର୍ତ୍ତି ହୋଇଥିଲେ । ତାଙ୍କର କିଡ଼ନୀ ଟ୍ରାନ୍ସପ୍ଲାଣ୍ଟ ମଧ୍ୟ ହୋଇଥିଲା । ଗତ ୧୮ ମାସ ଧରି ତାଙ୍କର ସ୍ୱାସ୍ଥ୍ୟବସ୍ଥା ଖରାପ ଥିଲା । ରିପୋର୍ଟ ଅନୁଯାୟୀ ଅରୁଣ ଜେଟଲୀଙ୍କ ମୃତ୍ୟୁ ଟିସୁ କ୍ୟାନସର କାରଣରୁ ହୋଇଥିଲା । ଜାଣନ୍ତୁ କଣ ଏହି ଟିସୁ କ୍ୟାନସର ।
ସାର୍କୋମା ବା ଟିସୁ କ୍ୟାନସର ଏକ ପ୍ରକାର କ୍ୟାନସର ଅଟେ ଯାହା ହାଡ଼ ବା ମାଂସପେଶୀ ଭଳି ଟିସୁରୁ ଉତ୍ପନ୍ନ ହୋଇଥାଏ । ହାଡ଼ ଏବଂ କୋମଳ ଟିସୁ ସାର୍କୋମାର ମୁଖ୍ୟ ପ୍ରକାର ଅଟେ । ସଫ୍ଟ ଟିସୁ ସାର୍କୋମା ବସା ମାଂସପେଶୀ, ଶିରା, ଫାଇବ୍ରସ ଟିସୁ, ରକ୍ତ ବାହିକା ଏବଂ ଗଭୀର ତ୍ୱଚାର ଟିସୁ ଭଳି ସଫ୍ଟ ଟିସୁ ଗୁଡିକରେ ଉତ୍ପନ୍ନ ହୋଇଥାଏ ।ଏହା ଶରୀରରର ଯେକୌଣସି ଅଂଶରେବି ଦେଖାଯାଇପାରେ ।
ଲକ୍ଷଣ
ଏକ ନରମ ଟିସୁ ସାର୍କୋମାର ପ୍ରଥମ ଅବସ୍ଥାରେ କୌଣସି ସଂକେତ ବା ଲକ୍ଷଣ ଦେଖାଯାଇ ନଥାଏ । ଯେତେବେଳେ ଟ୍ୟୁମର ବଢିବା ଆରମ୍ଭ କରେ ସେତେବେଳେ ଏହାର ଲକ୍ଷଣ ଦେଖାଯାଇଥାଏ ।
– ଗଣ୍ଠି ବା ଫୁଲା
– ଶିରା କିମ୍ବା ମାଂସପେଶୀରେ ହୋଇଥିବା ଟ୍ୟୁମର ପାଇଁ ଯନ୍ତ୍ରଣା ହେବା
କେତେବେଳେ ନେବେ ଡାକ୍ତରଙ୍କ ପରାମର୍ଶ ?
– ଯଦି ସେହି ଗଣ୍ଠି ବା ଆବୁଟି ଆକାରରେ ବଢୁଛି ଏବଂ ତା ସହିତ ଯନ୍ତ୍ରଣା ହେଉଛି
-ଯେକୌଣସି ଆକାରର ଗଣ୍ଠି ଯାହାକି ମାଂସପେଶୀର ଭିତରେ ହୋଇଥାଏ
– ହଟାଇ ଦିଆଯାଇଥିବା ଗଣ୍ଠିର ପୁନରାବୃତ୍ତି ହେବା
କାରଣ
ଅଧିକାଂଶ ଘଟଣାରେ ଏହା ଜଣା ପଡ଼ିନଥାଏ ଯେ ଏହି ନରମ ଟିସୁ କେଉଁ କାରଣରୁ ସାର୍କୋମାରେ ପରିଣତ ହୋଇଥାଏ । ଅନେକ ସମୟରେ ଏହା କ୍ୟାନସରର ରୂପ ସେତେବେଳେ ନେଇଥାଏ ଯେତେବେଳେ ଡିଏନଏରେ କୋଷିକା ସମ୍ଵନ୍ଧିତ କୌଣସି ସମସ୍ୟା ଆସିଥାଏ । ଏହି ସମସ୍ୟା ଗୁଡିକ କୋଷ ଭିତରେ ବୃଦ୍ଧି ପାଇଥାଏ ଏବଂ ଏହା ନିୟନ୍ତ୍ରଣରୁ ବାହାର ହୋଇଯାଇଥାଏ । ତାପରେ ସଂଚିତ ଥିବା ଅସାମାନ୍ୟ କୋଷ ଗୁଡିକ ଏକ ଟ୍ୟୁମରରେ ପରିଣତ ହୋଇଥାନ୍ତି । ଯାହାକି ଆଖପାଖର ସଂରଚନା ଦ୍ୱାରା ବୃଦ୍ଧି ପାଇଥାଏ ଏବଂ ଏହି ଅସାମାନ୍ୟ କୋଷ ଗୁଡିକ ଶରୀରର ଅନ୍ୟ ଭାଗକୁ ମଧ୍ୟ ବିସ୍ତାର ହୋଇଯାଇଥାନ୍ତି ।
