ଗର୍ଭବତୀ ହେବା ପ୍ରତ୍ୟକ ମହିଳାଙ୍କର ଜୀବନରେ ଏକ ସୁଖଦାୟକ ସମୟ ଅଟେ। କିନ୍ତୁ ଏହି ସମୟ 9 ମାସ ଧରି ଚାଲିଥାଏ। ଏହି ସମୟରେ ମହିଳାଙ୍କ ଓଜନ ବୃଦ୍ଧି ସହ ଅନେକ କାର୍ଯ୍ୟ କରିବାକୁ ଅସମର୍ଥ ମଧ୍ୟ ହୋଇଯାନ୍ତି। ପ୍ରଥମ ଥର ଗର୍ଭବତୀ ହେଉଥିବା ମହିଳାଙ୍କ ମନରେ ଅନେକ ପ୍ରଶ୍ନ ଆସିଥାଏ ଯେପରିକି ଗର୍ଭାବସ୍ଥାରେ କେଉଁସବୁ କାର୍ଯ୍ୟରୁ ଦୁରେଇରହିବା ଉଚିତ, କଣ ଖାଇବା ଉଚିତ ଏବଂ କଣ ନଖାଇବା ଉଚିତ। ତେବେ ଆସନ୍ତୁ ଜାଣିବା।
ପ୍ରଥମ କଥା ହେଉଛି ଗର୍ଭାବସ୍ଥାରେ ଓଜନିଆ ଜିନିଷ ଉଠାନ୍ତୁ ନାହିଁ। ଓଜନିଆ ଜିନିଷ ଯେପରିକି ଲୁଗାପଟା ବ୍ୟାଗ, ଘର ଫର୍ନିଚର ଆଫି ଉଠାନ୍ତୁ ନାହିଁ। କାରଣ ଏପରି କଲେ ପେଟ ଉପରେ ଚାପ ପଡ଼ିଥାଏ ଯାହା ପେଟରେ ଥିବା ପିଲା ପାଇଁ ଭଲ ନୁହେଁ।
ଦ୍ଵିତୀୟଟି ହେଉଛି କୌଣସି ଉଚାସ୍ଥାନରେ ଚଢନ୍ତୁ ନାହିଁ। କାରଣ ଆପଣ ଯଦି ଉଚାସ୍ଥାନରେ ଚଢ଼ିବେ ତେବେ ଶରୀର ଓଜନ ଅଧିକ ହେବା କାରଣରୁ ନିଜକୁ ସନ୍ତୁଳିତ ରଖିବାରେ ସମସ୍ୟା ଦେଖାଦେଇପାରେ ଏବଂ ଆପଣ ପଡିଯାଇପାରନ୍ତି। ସେଥିପାଇଁ ଆପଣ ଟେବୁଲୁ ଉପରେ ଚଢ଼ି ପଙ୍ଖା ସଫା କରିବା , ଝରକରେ ପରଦା ଲଗାଇବା, ବାରମ୍ବାର ସିଡିରେ ଚଢ଼ିବା ଏବଂ ଓଲ୍ହାଇବା ପରି ଆଦି କାମ କରିବା ଅନୁଚିତ।
ତୃତୀୟଟି ହେଉଛି ଗୃହପାଳିତ ପଶୁମାନଙ୍କ ମଳମୂତ୍ର ସଫା କରନ୍ତୁ ନାହିଁ। ଯଦି ଆପଣଙ୍କ ଘରେ ଖାସକରି ବିଲେଇ ଅଛି ତେବେ ତାହାର ମଳମୂତ୍ର ସଫା କରନ୍ତୁ ନାହିଁ କାରଣ ତାହାର ମଳରେ ଟକସୋ ପ୍ଲାସ୍ମା ନାମକ ପରଜୀବୀ ଥାଏ ଯାହା ଉଭୟ ମାଆ ଏବଂ ଶିଶୁ ପାଇଁ କ୍ଷ-ତିକାରକ ଅଟେ।
ଚତୁର୍ଥଟି ହେଉଛି ପେଷ୍ଟିସାଇଡ଼ସ୍ ର ବ୍ୟବହାର କରନ୍ତୁ ନାହିଁ। ଘରେ ଅସରପା ଏବଂ ମଶା ମାରିବା ପାଇଁ ପେଷ୍ଟିସାଇଡସ୍ ର ବ୍ୟବହାର କରାଯାଏ କିନ୍ତୁ ଯଦି ଆପଣ ଗର୍ଭବତୀ ଅଟନ୍ତି ତେବେ ଆପଣ ଏଥିରୁ ଦୁରେଇରୁହନ୍ତୁ କାରଣ ଏହା ଛୁଆ ଉପରେ ଖରାପ ପ୍ରଭାବ ପକାଇଥାଏ।
ପଞ୍ଚମଟି ହେଉଛି ଘର ରଙ୍ଗ କରାନ୍ତୁ ନାହିଁ। ଯଦି ଆପଣ ଗର୍ଭବତୀ ଅଛନ୍ତି ତେବେ ଆପଣ ଘରେ ରଙ୍ଗ କରାନ୍ତୁ ନାହିଁ କାରଣ ରଙ୍ଗରେ ଏକ ପ୍ରକାର କେମିକାଲ ଥାଏ ଯାହା ମାଆ ଏବଂ ଶିଶୁର ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଏ।
ଷଷ୍ଠଟି ହେଉଛି ସିଡ଼ି ଚଢନ୍ତୁ ନାହିଁ। ଯଦି ଆପଣ ଉପର ମହଲାରେ ରହୁଛନ୍ତି ତେବେ ଧୀରେ ଧୀରେ ସିଡ଼ି ଚଢ଼ନ୍ତୁ ନଚେତ ଏହା ପେଟ ଉପରେ ଚାପ ପକାଇବ ଏବଂ ଆପଣଙ୍କ ସନ୍ତୁଳନ ମଧ୍ୟ ରହିନପାରେ।
ସପ୍ତମଟି ହେଉଛି ବାଥରୁମ ସଫା କରନ୍ତୁ ନାହିଁ। ବାଥରୁମ ସଫା ପାଇଁ ବ୍ୟବହାର କରାଯାଉଥିବା ଜିନିଷରେ ବହୁତ ବିଷାକ୍ତ କେମିକାଲ ଥାଏ ଯାହା ଉଭୟ ପିଲା ଏବଂ ମାଆ ପାଇଁ ଭଲ ନୁହେଁ।
ଅଷ୍ଟମଟି ହେଉଛି ଅଧିକ ସମୟ ଛିଡାହେବା। ଗର୍ଭବତୀ ମହିଳା ଅଧିକ ସମୟ ଛିଡା ହୁଅନ୍ତୁ ନାହିଁ। ବାସନ ମାଜିବା ତଥା ପରିବା କାଟିବା ପରି ଆଦି କାର୍ଯ୍ୟ 20ଭମିନିଟରୁ ଅଧିକ ସମୟ ଛିଡ଼ା ହୋଇବକରନ୍ତୁ ନାହିଁ। ଏହା ସହ ନଇଁ କରି ଝାଡୁ କରନ୍ତୁ ନାହିଁ। କିନ୍ତୁ ଯଦି କରୁଛନ୍ତି ତେବେ ବଡ ଝାଡୁରେ କରନ୍ତୁ।
