[ad_1]
ଜୟପୁର: ରାଜସ୍ଥାନର ଭରତପୁର ଜିଲ୍ଲାର ଭୁସାୱାର ଅଞ୍ଚଳରେ ପ୍ରେମ ସମ୍ପର୍କରେ ବାଧା ସୃଷ୍ଟି କରୁଥିବା ଶ୍ୱଶୁରଙ୍କୁ ବୋହୂ ନିଜର ପ୍ରେମିକଙ୍କ ସହିତ ମିଶି ହତ୍ୟା କରିଥିଲେ। ଆଜି ପୁଲିସ ହତ୍ୟାକାଣ୍ଡର ଖୁଲାସା କରି ଅଭିଯୁକ୍ତ ବୋହୂ ଏବଂ ତାଙ୍କ ପ୍ରେମିକଙ୍କୁ ଗିରଫ କରିଛି। ବାସ୍ତବରେ ଭରତପୁରର ଖାନପୁର ଗ୍ରାମ ନିବାସୀ ୭୨ ବର୍ଷୀୟ ରଘୁନାଥ ସିଂ ଜୁନ୍ ୧୫ରେ ବାଇକରେ ପଡୋଶୀ ଗ୍ରାମ ବିଜୱାରୀକୁ ଯାଇଥିଲେ, କିନ୍ତୁ ନିଜ ଗାଁକୁ ଫେରିନଥିଲେ। ଜୁନ୍ ୧୬ ରାସ୍ତା କଡ଼ରେ ତାଙ୍କ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଯାହାର ସୂଚନା ପୁଲିସକୁ ଦିଆଯାଇଥିଲା। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ପରେ ମୃତଦେହକୁ ପରିବାର ସଦସ୍ୟଙ୍କୁ ହସ୍ତାନ୍ତର କରିଥିଲା।
Sambad is now on WhatsApp
Join and get latest news updates delivered to you via WhatsApp
ମୃତକଙ୍କ ଭଣଜା ପୁଲିସ ନିକଟରେ ତାଙ୍କ ମାମୁଁଙ୍କୁ ହତ୍ୟା କରିଥିବା ଅଭିଯୋଗ କରିଥିଲେ | ଅଭିଯୋଗ ପଞ୍ଜୀକୃତ ହେବା ପରେ ପୁଲିସ ଏକ ଟିମ୍ ଗଠନ କରି ହତ୍ୟା ରହସ୍ୟର ଖୁଲାସା କରିଥିଲା। ପୁଲିସର ସୂଚନା ମୁତାବକ ମୃତକଙ୍କ ବୋହୂ ୪୦ ବର୍ଷୀୟ ପୁଷ୍ପା ଦେବୀ ପରକୀୟା ପ୍ରୀତିରେ ଲିପ୍ତ ଥିଲେ | ତାଙ୍କ ଶ୍ୱଶୁର ରଘୁନାଥ ଏନେଇ ଆଭାସ ପାଇସାରିଥିଲେ | ଏହା ପରେ ରଘୁନାଥ ସିଂ ବୋହୂ ପୁଷ୍ପାଙ୍କ ଉପରେ ନଜର ରଖିବା ଆରମ୍ଭ କରିଦେଇଥିଲେ | ପୁଷ୍ପାଙ୍କ ପ୍ରେମ ସମ୍ପର୍କରେ ବାଧା ସୃଷ୍ଟି ହେବାରୁ ଶ୍ୱଶୁର ରଘୁନାଥଙ୍କୁ ହତ୍ୟା କରିବାକୁ ଯୋଜନା କରିଥିଲେ। ପୁଷ୍ପା ତାଙ୍କ ପ୍ରେମିକ ବିକ୍ରମଙ୍କୁ ତାଙ୍କ ଶ୍ୱଶୁରଙ୍କୁ ରାସ୍ତାରୁ ହଟାଇବାକୁ କହିଥିଲେ। ଏହାପରେ ବିକ୍ରମ ତାଙ୍କ ବନ୍ଧୁଙ୍କ ସହ ମିଶି ରଘୁନାଥଙ୍କୁ ହତ୍ୟା କରି ମୃତଦେହକୁ ଜଙ୍ଗଲରେ ଫିଙ୍ଗି ଦେଇ ପଳାଇ ଯାଇଥିଲେ। ଏହି ଘଟଣାର ତଦନ୍ତ ବେଳେ ପୁଲିସ ପୁଷ୍ପା ଦେବୀ ଏବଂ ତାଙ୍କ ପ୍ରେମୀ ବିକ୍ରମ ସିଂ ଓ ଭାନୁ ପ୍ରତାପ ସିଂଙ୍କୁ ଗିରଫ କରିଥିଲା।
[ad_2]
