[ad_1]
ଗୁଣ୍ଟୁର: ଆନ୍ଧ୍ରପ୍ରଦେଶରେ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ଚତୁର୍ଥ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ତାଙ୍କ ସହ ଜନସେନା ପାର୍ଟି ମୁଖ୍ୟ ପୱନ କଲ୍ୟାଣ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହ, ଜେପି ନଡ୍ଡା, ଚିରାଗ ପାସୱାନ, ଜିତନ ରାମ ମାଂଝୀ, ରାମ ମୋହନ ନାଇଡୁ ଏବଂ ନାରା ନାଇଡୁଙ୍କ ସମେତ ଉଭୟ ଦଳର ବହୁ ନେତା ଉପସ୍ଥିତ ଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଅନୁପସ୍ଥିତି ନେଇ ଅନେକ ପ୍ରଶ୍ନ ସୃଷ୍ଟି କରିଛି। ବିହାରର ମୁଖ୍ୟ ବିରୋଧୀ ଦଳ ଆରଜେଡି ପ୍ରଶ୍ନ ଉଠାଇ କହିଛି ନୀତୀଶ କୁମାର ଅସନ୍ତୁଷ୍ଟ ଅଛନ୍ତି ଏବଂ ଏନଡିଏରେ ଫାଟ ହୋଇଛି। ଏହାକୁ ପ୍ରତିହତ କରି ଜେଡିୟୁ କହିଛି ନ ଯିବାର ଅନେକ କାରଣ ଥାଇପାରେ। ଏହାକୁ ଭୁଲ ଭାବରେ ବ୍ୟାଖ୍ୟା କରାଯିବା ଉଚିତ୍ ନୁହେଁ।
ନୀତୀଶ କୁମାର ବିହାରରେ ଇଣ୍ଡିଆ ଆଲାଇନ୍ସ ଛାଡି ମାର୍ଚ୍ଚ ୨୦୨୪ରେ ଏନଡିଏରେ ଯୋଗ ଦେଇଥିଲେ। ତେବେ ନିର୍ବାଚନ ପୂର୍ବରୁ ନୀତୀଶଙ୍କ ଏହି ପଦକ୍ଷେପ ତାଙ୍କ ସହକର୍ମୀଙ୍କ ପାଇଁ ଆଶ୍ଚର୍ଯ୍ୟଜନକ ଥିଲା। ଏହାପୂର୍ବରୁ ସେ ଇଣ୍ଡିଆ ଆଲାଇନ୍ସର ମୂଳଦୁଆ ପକାଇଥିଲେ। ସେ ଏହାର ପ୍ରଥମ ବୈଠକ ମଧ୍ୟ ଆୟୋଜନ କରିଥିଲେ ଯେଉଁଥିରେ ୩୩ ଟି ଦଳର ନେତା ଯୋଗ ଦେଇଥିଲେ। ଆବାହକ ପଦ ନ ପାଇ ସେ ଅସନ୍ତୁଷ୍ଟ ଇଣ୍ଡିଆ ଆଲିଆନ୍ସକୁ ବିଦାୟ ଦେଇଥିଲେ। ତାଙ୍କର ପୁରୁଣା ସହଯୋଗୀ ଲାଲୁ ଯାଦବ ବୈଠକରେ ଆବାହକ ପଦ ପାଇଁ ମଲ୍ଲିକାର୍ଜୁନ ଖଡଗେଙ୍କ ନାମ ପ୍ରସ୍ତାବ ଦେଇଥିଲେ। ଏହି ଘଟଣା ପୂର୍ବରୁ ଗ୍ରାଣ୍ଡ ଆଲାଇନ୍ସରେ ସବୁକିଛି ଠିକ୍ ଚାଲିଥିଲା ।
#WATCH | Prime Minister Narendra Modi meets Jana Sena chief Pawan Kalyan, actor and Padma Vibhushan awardee Konidela Chiranjeevi, Actor Rajinikanth, Actor-politician Nandamuri Balakrishna and other Union Ministers and TDP leaders at the swearing-in ceremony of Andhra Pradesh CM N… pic.twitter.com/sM5CtDvZTp
— ANI (@ANI) June 12, 2024
ନୀତୀଶ ଏନଡିଏକୁ ଫେରିବା ଦିନଠାରୁ ତାଙ୍କ ପୁରୁଣା ସହଯୋଗୀ ଆରଜେଡି ପୁଣିଥରେ ତାଙ୍କ ପ୍ରତ୍ୟାବର୍ତ୍ତନ ବିଷୟରେ କଥାବାର୍ତ୍ତା କରିଆସୁଛି। ଆରଜେଡି କହିଛି ନୀତୀଶ କୁମାର ଏନଡିଏ ସରକାରରେ ତାଙ୍କର ସମ୍ମାନ ପାଇନାହାନ୍ତି।
ବିହାରରୁ ଜେଡିୟୁକୁ ବିଜେପି ୨ ଟି ମନ୍ତ୍ରୀ ପଦ ଦେଇଛି। ଦଳର ପୂର୍ବତନ ସଭାପତି ଲଲନ ସିଂଙ୍କୁ କ୍ୟାବିନେଟ ମନ୍ତ୍ରୀ ଏବଂ ପୂର୍ବତନ ସିଏମ କର୍ପୁରୀ ଠାକୁରଙ୍କ ପୁଅ ରାମନାଥ ଠାକୁରଙ୍କୁ ରାଷ୍ଟ୍ରମନ୍ତ୍ରୀ କରାଯାଇଛି।
[ad_2]
