[ad_1]
ବେଙ୍ଗାଲୁରୁ: ଅନେକ ମହିଳାଙ୍କୁ ଯୌନ ନିର୍ଯାତନା ଦେଇଥିବା ଅଭିଯୋଗରେ ଜନତା ଦଳ (ସେକ୍ୟୁଲାର) ଦଳର ସାଂସଦ ପ୍ରଜ୍ୱଲ ରେଭାନ୍ନାଙ୍କୁ ବହିଷ୍କାର କରିପାରେ। ଆସନ୍ତାକାଲି (ଏପ୍ରିଲ ୩୦) ପୂର୍ବାହ୍ନ ୧୦ଟାରେ କର୍ଣ୍ଣାଟକର ହୁବଲିରେ ହେବାକୁ ଥିବା ଜେଡିଏସ୍ କୋର କମିଟି ବୈଠକରେ ଏହି ନିଷ୍ପତ୍ତି ନିଆଯିବାର ସମ୍ଭାବନା ରହିଛି।
କର୍ଣ୍ଣାଟକର ହାସନ ଲୋକସଭା ଆସନରୁ ବିଜେପି-ଜେଡିଏସ୍ ମେଣ୍ଟର ପ୍ରାର୍ଥୀ ହେଉଛନ୍ତି ପ୍ରଜ୍ୱଲ ରେଭନ୍ନା, ଯେଉଁଠାରେ ଏପ୍ରିଲ ୨୬ରେ ଦ୍ୱିତୀୟ ପର୍ଯ୍ୟାୟରେ ମତଦାନ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ନିକଟରେ ପ୍ରଜ୍ୱାଲ ରେବନ୍ନା ଶହ ଶହ ମହିଳାଙ୍କ ସହ ଯୌନ ଶୋଷଣ କରୁଥିବାର ଅନେକ ଭିଡିଓ ସାମ୍ନାକୁ ଆସିଛି ଏବଂ ସୋସିଆଲ ମିଡିଆରେ ବ୍ୟାପକ ଭାବରେ ପ୍ରସାରିତ ହେଉଛି। କର୍ଣ୍ଣାଟକରେ ପ୍ରଥମ ପର୍ଯ୍ୟାୟ ଲୋକସଭା ନିର୍ବାଚନର ମାତ୍ର ଦୁଇ ଦିନ ପୂର୍ବରୁ ଏହି ଅଶ୍ଳୀଳ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲାଯ। ଜେଡିଏସ୍ ସାଂସଦ ହାସନ ଲୋକସଭା ଆସନରୁ ଦ୍ୱିତୀୟ ଥର ପାଇଁ ନିର୍ବାଚନ ଲଢୁଛନ୍ତି।
୩୩ ବର୍ଷୀୟ ପ୍ରଜ୍ୱଲ ରେଭାନ୍ନା ଜଣେ ବିଧାୟକ ତଥା ପୂର୍ବତନ ମନ୍ତ୍ରୀ ଏଚଡି ରେଭାନ୍ନାଙ୍କ ପୁଅ ଏବଂ ପୂର୍ବତନ ପ୍ରଧାନମନ୍ତ୍ରୀ ତଥା ଜେଡିଏସ୍ର ପ୍ରତିଷ୍ଠାତା ଏଚଡି ଦେବେଗୌଡ଼ାଙ୍କ ବଡ଼ ନାତି।
ଅନ୍ୟପକ୍ଷରେ କର୍ଣ୍ଣାଟକ ଜେଡିଏସ୍ ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଏଚ୍ ଡି କୁମାରସ୍ୱାମୀ କହିଛନ୍ତି ଯେ ତାଙ୍କ ବିରୋଧରେ ଆସିଥିବା ଯୌନ ନିର୍ଯାତନା ଅଭିଯୋଗକୁ ନେଇ ତାଙ୍କ ପୁତୁରା ପ୍ରଜ୍ୱାଲ ରେଭାନ୍ନାଙ୍କ ପକ୍ଷ ରଖିବାର ପ୍ରଶ୍ନ ଉଠୁନାହିଁ ଏବଂ ସ୍ୱତନ୍ତ୍ର ତଦନ୍ତକାରୀ ଦଳ ତଦନ୍ତରେ ଅଭିଯୋଗ ପ୍ରମାଣିତ ହେଲେ ଦଳ ତାଙ୍କ ପ୍ରତି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ।
ଏହି ମାମଲାର ତଦନ୍ତ ପାଇଁ ଏସଆଇଟି ଗଠନ କରାଯାଇଛି, ଯଦି ତଦନ୍ତରେ ଅପରାଧ ପ୍ରମାଣିତ ହୁଏ, ତେବେ ଯିଏ ବି ଏଥିରେ ସମ୍ପୃକ୍ତ ଥିବ ତାଙ୍କୁ ଦଣ୍ଡ ଭୋଗିବାକୁ ପଡ଼ିବ। ଯିଏ ଭୁଲ୍ କରିଛି, ତାକୁ ଦେଶର ଆଇନ ଅନୁଯାୟୀ ଦଣ୍ଡ ଭୋଗିବାକୁ ପଡ଼ିବ। ତାଙ୍କୁ ରକ୍ଷା କରିବାର ପ୍ରଶ୍ନ ଉଠୁନାହିଁ ବୋଲି କୁମାରସ୍ୱାମୀ କହିଛନ୍ତି।
କଂଗ୍ରେସ ନେତୃତ୍ୱାଧୀନ କର୍ଣ୍ଣାଟକ ସରକାର ସାଂସଦଙ୍କ ଦ୍ୱାରା ଶହ ଶହ ମହିଳାଙ୍କୁ ଯୌନ ନିର୍ଯାତନା ଅଭିଯୋଗର ତଦନ୍ତ ପାଇଁ ଏକ ଏସଆଇଟି ଗଠନ କରିଛନ୍ତି। ଅନ୍ୟପକ୍ଷରେ ପ୍ରଜ୍ୱାଲ ରେଭନ୍ନା ଏହି ଅଭିଯୋଗକୁ ଅସ୍ୱୀକାର କରିଛନ୍ତି ଏବଂ କହିଛନ୍ତି ଯେ ଭିଡିଓଗୁଡିକ ‘ବିକୃତ’ କକରାଯାଇ ତାଙ୍କ ବିରୋଧରେ ବ୍ୟବହାର କରାଯାଇଛି।
[ad_2]
