[ad_1]
ଗ୍ବାଲିୟର: ମଧ୍ୟପ୍ରଦେଶର ଗ୍ୱାଲିଅରରେ ଜଣେ ବିଜେପି ନେତାଙ୍କୁ ତାଙ୍କ ଘରେ ପଶି ନିସ୍ତୁକ ଚପଲ ମାଡ଼ ହୋଇଛି। ପାର୍କିଂକୁ ନେଇ ଏହି ବିବାଦ ହୋଇଛି। ବିଜେପି ନେତା ତାଙ୍କ କାର ହଟାଇ ନ ଥିବାରୁ ତାଙ୍କୁ ଚପଲରେ ପିଟାଯାଇଛି। ଆକ୍ରମଣର ଏହି ସମ୍ପୂର୍ଣ୍ଣ ଘଟଣା ସିସିଟିଭି କ୍ୟାମେରାରେ କଏଦ ହୋଇଛି।
Sambad is now on WhatsApp
Join and get latest news updates delivered to you via WhatsApp
ମହାରାଜପୁର ପୋଲିସ ଷ୍ଟେସନ ଅଞ୍ଚଳର ଜନକପୁରୀରେ ଏହି ଘଟଣା ଘଟିଛି। ରବିବାର ରାତିରେ ସହ-କୋଷାଧ୍ୟକ୍ଷ ରାଜା ଭୈୟା ଗୁର୍ଜରଙ୍କ ଡ୍ରାଇଭର ତାଙ୍କ କାରକୁ ଏକ ଘର ଆଗରେ ପାର୍କିଂ କରୁଥିଲେ। ଏହି ସମୟରେ ପୂର୍ବତନ ସେନା କର୍ମଚାରୀ ଶୈଳେନ୍ଦ୍ର ସିଂ ତୋମର ମଧ୍ୟ ତାଙ୍କ କାର ସହିତ ଛିଡା ହୋଇଥିଲେ।
ଯେତେବେଳେ ଡ୍ରାଇଭର ଶୈଳେନ୍ଦ୍ର ସିଂଙ୍କୁ ତାଙ୍କ କାରକୁ ସାଇଡ୍ କରିବାକୁ କହିଲେ, ସେତେବେଳେ ସେ ରାଗି ଯାଇଥିଲେ ଏବଂ ଉଭୟଙ୍କ ମଧ୍ୟରେ କଥାବାର୍ତ୍ତାରୁ ଝଗଡା ମଧ୍ୟରେ ବଢ଼ିଯାଇଥିଲା। ଶୈଳେନ୍ଦ୍ର ସିଂ ତୋମାର ପ୍ରଥମେ ବିଜେପି ନେତାଙ୍କ ଡ୍ରାଇଭରଙ୍କୁ ମାଡ ମାରିବା ପରେ ଘରେ ପଶି ରାଜ ଭାୟା ଗୁର୍ଜରଙ୍କୁ ଚପଲରେ ନିସ୍ତୁକ ପିଟିଥିବା ଅଭିଯୋଗ ହୋଇଛି।
ग्वालियर में भाजपा नेता राजा भैया गुर्जर से मारपीट का वीडियो वायरल। गाड़ी खड़ी करने को लेकर विवाद हुआ था, जिसके बाद सिंह साहब ने घर में घुसकर पिटाई कर दी। pic.twitter.com/xMCHoZwg2W
— sonelal.kushwaha (@KushwahaK45286) April 22, 2024
ଘଟଣାସ୍ଥଳରେ ଉପସ୍ଥିତ ଥିବା ଲୋକମାନେ କୌଣସି ପ୍ରକାରେ ମାମଲାକୁ ଶାନ୍ତ କରାଇଥିଲେ। ଏହି ପୂରା ଘଟଣା ବିଜେପି ନେତାଙ୍କ ଘରେ ଏବଂ ବାହାରେ ସ୍ଥାପିତ ସିସିଟିଭି କ୍ୟାମେରାରେ ରେକର୍ଡ ହୋଇଛି। ଏହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଏହା ପରେ ରାଜା ଭୈୟା ମହାରାଜପୁର ପୁଲିସ ଷ୍ଟେସନରେ ପହଞ୍ଚି ଏଫଆଇଆର ଦାଖଲ କରିଥିଲେ।
ଶୈଳେନ୍ଦ୍ରଙ୍କ ବିରୋଧରେ ପୁଲିସ ଏକ ମାମଲା ରୁଜୁ କରିଛି। ଏହି ପ୍ରସଙ୍ଗରେ ଅତିରିକ୍ତ ଏସପି ନିରଞ୍ଜନ ଶର୍ମା ସୂଚନା ଦେଇଛନ୍ତି, କାର ପାର୍କିଂକୁ ନେଇ ଏହି ବିବାଦ ଘଟିଛି। ଅଭିଯୋଗରେ ଚାରି ଜଣଙ୍କ ବିରୋଧରେ ଅପରାଧ ପଞ୍ଜିକୃତ ହୋଇଛି। ବର୍ତ୍ତମାନ ଘଟଣାର ତଦନ୍ତ ଚାଲିଛି।
[ad_2]
