[ad_1]
ନିଖୋଜ ଭାରତୀୟ ଛାତ୍ରୀ ଉଦ୍ଧାର
ୱାସିଂଟନ: ଅନେକ ଭାରତୀୟ ଛାତ୍ରଛାତ୍ରୀ ଆମେରିକାରେ ପାଠ ପଢ଼ିବା ସ୍ୱପ୍ନ ଦେଖନ୍ତି। ତେବେ ଏମିତି କିଛି କାରଣ ରହିଛି ଯାହା ସେମାନଙ୍କ ପାଇଁ ଆମେରିକୀୟ ସ୍ୱପ୍ନକୁ ଦୁଃସ୍ୱପ୍ନରେ ପରିଣତ କରିପାରେ। ଆମେରିକାରେ ଭାରତୀୟ ଓ ଭାରତୀୟ ବଂଶୋଦ୍ଭବ ଛାତ୍ରଛାତ୍ରୀଙ୍କ ମୃତ୍ୟୁସଂଖ୍ୟା ବୃଦ୍ଧି ଏହି ବିପଦକୁ ଦର୍ଶାଉଛି। ଏକ ମାସ ଧରି ନିଖୋଜ ଥିବା ଜଣେ ଭାରତୀୟ ବଂଶୋଦ୍ଭବ ଛାତ୍ରଙ୍କ ମୃତଦେହ ମଙ୍ଗଳବାର (ଏପ୍ରିଲ ୯) ଓହିଓରୁ ମିଳିଥିଲା। ଏହାକୁ ମିଶାଇ ୨୦୨୪ରେ ୪ ମାସ ଭିତରେ ଆମେରିକାରେ ଭାରତୀୟ ଓ ଭାରତୀୟ ବଂଶୋଦ୍ଭବ ଛାତ୍ରଛାତ୍ରୀଙ୍କ ମୃତ୍ୟୁସଂଖ୍ୟା ୧୧ରେ ପହଞ୍ଚିଛି।
Sambad is now on WhatsApp
Join and get latest news updates delivered to you via WhatsApp
ବିଦେଶରେ, ବିଶେଷ କରି ଆମେରିକାରେ ଶିକ୍ଷା ପାଇଁ ଭାରତୀୟମାନଙ୍କ ମଧ୍ୟରେ ପ୍ରବଳ ଆଗ୍ରହ ରହିଛି। ଏହା ମଧ୍ୟ ଆମେରିକୀୟ ବିଶ୍ୱବିଦ୍ୟାଳୟଗୁଡ଼ିକପାଇଁ ଆଶୀର୍ବାଦ ପାଲଟିଛି। ପୂର୍ବ ବର୍ଷ ତୁଳନାରେ ୨୦୨୨-୨୩ ଶିକ୍ଷାବର୍ଷରେ ନାମଲେଖାରେ ୩୫% ବୃଦ୍ଧି ଘଟିଛି। ଓପନ୍ ଡୋର୍ ରିପୋର୍ଟ ଅନୁଯାୟୀ, ଆମେରିକାରେ ଭାରତୀୟ ବଂଶୋଦ୍ଭବ ଛାତ୍ରଛାତ୍ରୀଙ୍କ ସଂଖ୍ୟା ପ୍ରାୟ ୨,୭୫,୦୦୦ ଯାହା ମୋଟ ବିଦେଶୀ ଛାତ୍ରଛାତ୍ରୀ ସଂଖ୍ୟାର ୨୫ ପ୍ରତିଶତ। ଏହା ଫଳରେ ଫି’ ଏବଂ ଖର୍ଚ୍ଚ ଦୃଷ୍ଟିରୁ ଆମେରିକା ବାର୍ଷିକ ୯ ବିଲିୟନ ଡଲାର ରୋଜଗାର କରୁଛି। ଭାରତୀୟ ଛାତ୍ରମାନେ ବିଶ୍ୱାସ କରନ୍ତି ଯେ ଆମେରିକାର ଡିଗ୍ରି ଅଧିକ ଦରମାରେ ଚାକିରି ପାଇଁ ଦ୍ୱାର ଖୋଲିଥାଏ। କିନ୍ତୁ ନିକଟରେ ଆମେରିକାରେ କେତେକ ଭାରତୀୟ ଛାତ୍ରଙ୍କ ମୃତ୍ୟୁ ସୁରକ୍ଷା ଚିନ୍ତା ବଢ଼ାଇ ଦେଇଛି। ୨୦୨୪ ମସିହା ଆରମ୍ଭରୁ ଭାରତୀୟ ଛାତ୍ରଛାତ୍ରୀଙ୍କ ମୃତ୍ୟୁ ଖବର ତୀବ୍ର ହେବାରେ ଲାଗିଛି। ଟଙ୍କା ପାଇଁ ହେଉ କିମ୍ବା ବ୍ୟକ୍ତିଗତ କାରଣରୁ ଭାରତୀୟ ଛାତ୍ରମାନେ ହିଂସାତ୍ମକ ଆକ୍ରମଣର ଶିକାର ହେଉଛନ୍ତି। ଆମେରିକାରେ ଭାରତୀୟ ବଂଶୋଦ୍ଭବ ଛାତ୍ରଛାତ୍ରୀଙ୍କ ମୃତ୍ୟୁ ବୃଦ୍ଧିକୁ ରୋକିବା ଦିଗରେ କାର୍ଯ୍ୟ କରିବାକୁ ଆମେରିକା ସରକାର, ବିଶ୍ୱବିଦ୍ୟାଳୟ ଓ ଛାତ୍ର ସଙ୍ଗଠନର ବିଭିନ୍ନ ଏଜେନ୍ସିକୁ ଏକ ପ୍ରମୁଖ ପ୍ରବାସୀ ସଙ୍ଗଠନ ଅନୁରୋଧ କରିଛି। ୧୦ରୁ ଅଧିକ ଛାତ୍ରଙ୍କ ମୃତ୍ୟୁ ସମ୍ପର୍କିତ ତଥ୍ୟ ସଂଗ୍ରହ କରିଥିବା ବୋଷ୍ଟନର ଲକ୍ଷ୍ମୀ ଥାଲାଙ୍କି କହିଛନ୍ତି, ଭାରତୀୟ ଛାତ୍ରଛାତ୍ରୀଙ୍କ ମଧ୍ୟରେ ହଠାତ୍ ମୃତ୍ୟୁସଂଖ୍ୟା ବୃଦ୍ଧି ଚିନ୍ତାଜନକ ଏବଂ ସନ୍ଦେହଜନକ।
ଫାଉଣ୍ଡେସନ ଫର ଇଣ୍ଡିଆ ଆଣ୍ଡ ଇଣ୍ଡିଆନ ଡାୟାସ୍ପୋରା ଷ୍ଟଡିଜ୍ (ଏଫ୍ଆଇଆଇଡିଏସ୍)ର ଏକ ବିଶ୍ଳେଷଣରୁ ଜଣାପଡିଛି ଯେ ଏହି ଘଟଣାର କାରଣ ସନ୍ଦେହଜନକ ଗୁଳିକାଣ୍ଡ/ଅପହରଣ, ନିରାପତ୍ତା ଜ୍ଞାନର ଅଭାବରୁ ମୃତ୍ୟୁ (ମୋନୋକ୍ସାଇଡ୍ ବିଷକ୍ରିୟା, ହାଇପୋଥର୍ମିଆ), ଆତ୍ମହତ୍ୟା ପାଇଁ ଦାୟୀ ମାନସିକ ସମସ୍ୟା ଏବଂ ଏପରିକି ସନ୍ଦେହଜନକ ଦୁର୍ଘଟଣାଠାରୁ ଆରମ୍ଭ କରି ହିଂସାତ୍ମକ ଅପରାଧ ପର୍ଯ୍ୟନ୍ତ ରହିଛି। ସନ୍ଦେହଜନକ ମୃତ୍ୟୁ ସଂଖ୍ୟା ହଠାତ୍ ବୃଦ୍ଧି ପାଇବା ପରଠାରୁ ଭାରତୀୟ-ଆମେରିକୀୟ ସମୁଦାୟରେ ସମ୍ଭାବ୍ୟ ଘୃଣ୍ୟ ଅପରାଧ ବିଷୟରେ ଗୁଜବ ପ୍ରସାରିତ ହେଉଛି। ବିଶେଷକରି ଓହିଓର କ୍ଲିଭଲ୍ୟାଣ୍ଡ, ଇଲିନୋଇସ୍ ଏବଂ ଇଣ୍ଡିଆନାରେ ଅନେକ ମୃତ୍ୟୁ ହେଉଛି। ଏହି ମୃତ୍ୟୁ ଆମେରିକାରେ ରହୁଥିବା ଭାରତୀୟ ଛାତ୍ରଛାତ୍ରୀଙ୍କ ସୁରକ୍ଷା ଏବଂ କଲ୍ୟାଣ ଉପରେ ଉଦ୍ବେଗ ସୃଷ୍ଟି କରିଛି। ଏହି ମୃତ୍ୟୁ ବ୍ୟତୀତ ଭାରତୀୟ ଛାତ୍ରମାନେ ପକ୍ଷପାତଜନିତ ଘଟଣାର ମଧ୍ୟ ସମ୍ମୁଖୀନ ହୋଇପାରନ୍ତି। ଘୃଣାଜନିତ ଅପରାଧ, ଜାତିଗତ ଗାଳିଗୁଲଜ ଏବଂ ଭଙ୍ଗାରୁଜା ସମେତ ଭେଦଭାବମୂଳକ କାର୍ଯ୍ୟ ଚିନ୍ତାର ବିଷୟ ହୋଇପାରେ। ଆମେରିକାରେ ବନ୍ଧୁକ ହିଂସା ମଧ୍ୟ ଛାତ୍ରଛାତ୍ରୀଙ୍କ ପାଇଁ ଚିନ୍ତାର କାରଣ ହୋଇପାରେ। ଆମେରିକାରେ ହିନ୍ଦୁଫୋବିଆ ବୃଦ୍ଧି ପାଉଥିବା ଜଣାପଡ଼ିଛି। ଯଦିଓ ଛାତ୍ରଛାତ୍ରୀଙ୍କ ମୃତ୍ୟୁକୁ ଭେଦଭାବ ସହ ଯୋଡ଼ିବାର କୌଣସି ପ୍ରମାଣ ନାହିଁ, ତଥାପି ସେମାନଙ୍କ ମଧ୍ୟରୁ କେତେକ ଘୃଣାଜନିତ ଅପରାଧ ହୋଇପାରେ ବୋଲି ସନ୍ଦେହ ପ୍ରକାଶ ପାଇଛି।
ନିଖୋଜ ଭାରତୀୟ ଛାତ୍ରୀ ଉଦ୍ଧାର
ୱାସିଂଟନ: ଆମେରିକାରେ ଗତ ୮ ତାରିଖରୁ ନିଖୋଜ ହୋଇଥିବା ଜଣେ ଭାରତୀୟ-ଆମେରିକୀୟ ଛାତ୍ରୀଙ୍କୁ ଆଜି ପୁଲିସ ଠାବ କରିଛି। ୧୭ ବର୍ଷୀୟା ଇସିକା ଠାକୁର ସୋମବାର ଫ୍ରିସ୍କୋରେ ନିଖୋଜ ହୋଇଯାଇଥିଲେ। ଫ୍ରିସ୍କୋ ପୁଲିସ ଗତକାଲି ବିଳମ୍ବିତ ସନ୍ଧ୍ୟାରେ ଇସିକା ଠାକୁରଙ୍କୁ ଖୋଜିବା ପାଇଁ ଜନସାଧାରଣଙ୍କ ସହାୟତା ଲୋଡ଼ିଥିଲା। ଫ୍ରିସ୍କୋର ବ୍ରାଉନଉଡ୍ ବ୍ଲକ୍ରୁ ଇସିକା ଅତ୍ୟନ୍ତ ରହସ୍ୟମୟ ଭାବେ ନିଖୋଜ ହେବାପରେ ଆତଙ୍କ ଖେଳିଯାଇଥିଲା। ସ୍ଥାନୀୟ ଲୋକଙ୍କ ସହାୟତାରେ ପୁଲିସ ବଡ଼ ଧରଣର ତଲାସୀ ଅଭିଯାନ ଚଳାଇଥିବା ବେଳେ ଗତରାତିରେ ତାଙ୍କୁ ଠାବ କରାଯାଇଛି। ତେବେ ଅପହରକାରୀଙ୍କ ବାବଦରେ ପୁଲିସ କୌଣସି ସୂଚନା ପ୍ରଦାନ କରିନାହିଁ। ସୂଚନାଯୋଗ୍ୟ, ଚଳିତ ବର୍ଷ ବହୁ ସଂଖ୍ୟାରେ ଭାରତୀୟ-ଆମେରିକୀୟ ଛାତ୍ରଙ୍କ ଆମେରିକାରେ ମୃତ୍ୟୁ ଘଟିଛି। ଭାରତୀୟ ଛାତ୍ରଛାତ୍ରୀଙ୍କ ସୁରକ୍ଷା ନେଇ ଅଧିକ ସତର୍କତା ଅବଲମ୍ବନ ନିମନ୍ତେ ପୁଲିସ ପ୍ରଶାସନକୁ ପରାମର୍ଶ ଦିଆଯାଇଛି।
[ad_2]
