[ad_1]
ସୁଜୁକା (ଜାପାନ), ୭/୪: ବିଶ୍ବ ବିଜେତା ରେଡ୍ବୁଲ୍ ଚାଳକ ମ୍ୟାକ୍ସ ଭର୍ସ୍ତାପେନ ରବିବାର ବିଜୟ ଧାରାକୁ ଫେରିଛନ୍ତି। ସ୍ଥାନୀୟ ସୁଜୁକା ସର୍କିଟ୍ରେ ଆୟୋଜିତ ଜାପାନିଜ୍ ଫର୍ମୁଲା ୱାନ୍ ଗ୍ରାଁ ପ୍ରିରେ ସେ ପ୍ରଥମ ସ୍ଥାନରେ ରହି ବିଜେତା ହୋଇଛନ୍ତି। ତାଙ୍କ ଦଳୀୟ ସାଥୀ ସର୍ଜିଓ ପେରେଜ୍ ଦ୍ବିତୀୟ ସ୍ଥାନରେ ରହି ରେଡ୍ବୁଲ୍କୁ ୧-୨ ସଫଳତା ଦେଇଛନ୍ତି। ମେଲ୍ବର୍ଣ୍ଣରେ ରିଟାୟରମେଣ୍ଟ୍ ହୋଇ ଦୌଡ଼ରୁ ବାଦ୍ ପଡ଼ିଥିବା ନେଦରଲାଣ୍ଡ୍ସ ଚାଳକ ଭର୍ସ୍ତାପେନ ଚଳିତ ଋତୁରେ ଚତୁର୍ଥ ରେସ୍ରୁ ତୃତୀୟ ମୁକୁଟ କରାୟତ୍ତ କରିଛନ୍ତି। ଦୁଇ ସପ୍ତାହ ତଳେ ଅଷ୍ଟ୍ରେଲିଆନ୍ ଗ୍ରାଁ ପ୍ରି ଜିତିଥିବା ସ୍ପେନ୍ର ଫେରାରି ଚାଳକ କାର୍ଲୋସ ସୈଞ୍ଜ ତୃତୀୟ ସ୍ଥାନରେ ରହି ପୋଡିୟମ୍ ଫିନିସ୍ କରିଛନ୍ତି। ସୈଞ୍ଜଙ୍କ ଦଳୀୟ ସାଥୀ ଚାର୍ଲସ ଲେକ୍ଲର୍କ ଚତୁର୍ଥ ଏବଂ ମ୍ୟାକ୍ଲରେନ୍ର ଲାଣ୍ଡୋ ନୋରିସ ପଞ୍ଚମରେ ରହିଥିଲା ବେଳେ ୭ ଥରର ବିଶ୍ବ ବିଜେତା ମର୍ସିଡିଜ୍ ଚାଳକ ଲୁଇସ ହାମିଲଟନ୍ ନବମ ସ୍ଥାନରେ ରହି ଅଭିଯାନ ଶେଷ କରିଛନ୍ତି।
[ad_2]
