[ad_1]
ଲକ୍ଷ୍ନୌ: ଆଇପିଏଲ୍ର ୨୧ତମ ମ୍ୟାଚ୍ରେ ଲକ୍ଷ୍ନୌ ସୁପର୍ ଜାଏଣ୍ଟସ୍ ୩୩ ରନ୍ରେ ଗୁଜରାଟ ଟାଇଟନ୍ସକୁ ପରାସ୍ତ କରିଛି। ପରାଜୟରୁ ଅଭିଯାନ ଆରମ୍ଭ କରିଥିବା କେଏଲ୍ ରାହୁଲଙ୍କ ଦଳ ଏବେ ହ୍ୟାଟ୍ରିକ୍ ବିଜୟ ସହ ତୃ୍ତୀୟ ସ୍ଥାନକୁ ଉନ୍ନୀତ ହୋଇଛି। ମାର୍କସ ଷ୍ଟୋଇନିସ୍ଙ୍କ ଦାୟିତ୍ବପୂର୍ଣ୍ଣ ଅର୍ଦ୍ଧଶତକ ପରେ ୟଶ ଠାକୁରଙ୍କ ୫ ୱିକେଟ୍ ସଫଳତା ଲକ୍ଷ୍ନୌକୁ ଘରୋଇ ମାଟିରେ ଏହି ସହଜ ବିଜୟ ଦେଇଛି। ଘରୋଇ ଦଳ ମାତ୍ର ୧୬୩ ରନ୍ କରିଥିଲେ ମଧ୍ୟ ଠାକୁରଙ୍କ ପ୍ରଭାବୀ ପେସ୍ ବୋଲିଂ କାରଣରୁ ଶୁବମନ ଗିଲ୍ଙ୍କ ଦଳ ୧୩୦ ରନ୍ରେ ସମସ୍ତ ୱିକେଟ୍ ହରାଇ ଦେଇଥିଲା। ପାୱାର ପ୍ଲେରୁ ୫୪ ରନ୍ ଆଦାୟ କରିବା ପରେ ମାତ୍ର ୭ ରନ୍ ଭିତରେ ୪ ୱିକେଟ୍ ହରାଇ ଗୁଜରାଟ ସୁଯୋଗ ହାତଛଡ଼ା କରିଥିଲା। ଚଳିତ ଋତୁର ପ୍ରଥମ ୫ ୱିକେଟ୍ ସଫଳତା ପାଇଥିବା ୟଶ ଠାକୁର (୩.୫-୧-୩୦-୫) ମ୍ୟାଚ୍ର ଶ୍ରେଷ୍ଠ ଖେଳାଳି ପୁରସ୍କାର ପାଇଛନ୍ତି। କ୍ରୁନାଲ ପାଣ୍ଡ୍ୟା ମଧ୍ୟ ଚମତ୍କାର ବୋଲିଂ ଚିତ୍ର (୪-୦-୧୧-୩) ସହ ଗୁଜରାଟକୁ ରୋକିଥିଲେ।
Sambad is now on WhatsApp
Join and get latest news updates delivered to you via WhatsApp
ଭାରତ ରତ୍ନ ଶ୍ରୀ ଅଟଳ ବିହାରୀ ବାଜପେୟୀ ଏକନା କ୍ରିକେଟ୍ ଷ୍ଟାଡିୟମ୍ରେ ଅନୁଷ୍ଠିତ ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରିଥିବା ଲକ୍ଷ୍ନୌ ଦଳ ଅଢ଼େଇ ଓଭର ଭିତରେ ଦୁଇ ପ୍ରାରମ୍ଭିକ ବ୍ୟାଟର୍ କ୍ବିଣ୍ଟନ୍ ଡି’କକ୍ ଓ ଦେବୀଦତ୍ତ ପଡ଼ିକଲଙ୍କୁ ହରାଇବାରୁ ବିସ୍ଫୋରକ ଆରମ୍ଭ ପାଇନଥିଲା। କେଏଲ୍ ରାହୁଲ (୩୩ ରନ୍) ଓ ମାର୍କସ ଷ୍ଟୋଇନିସ୍ (୫୮ ରନ୍) ୭୩ ରନ୍ ଭାଗୀଦାରି କରି ପାଳି ଗଢ଼ିଥିଲେ। ଶେଷ ଭାଗରେ ନିକୋଲାସ୍ ପୂରନ (୨୨ ବଲ୍ରୁ ୩୨* ରନ୍) ଏବଂ ଆୟୁଷ ବଦୋନୀ (୧୧ ବଲ୍ରୁ ୨୦ ରନ୍) କିଛିଟା ଆକ୍ରମଣାତ୍ମକ ଖେଳିବାରୁ ଦଳ ସମ୍ମାନଜନକ ସ୍କୋର୍ କରିପାରିଥିଲା।
ସଂକ୍ଷିପ୍ତ ସ୍କୋର: ଲକ୍ଷ୍ନୌ ସୁପର୍ ଜାଏଣ୍ଟ୍ସ ୨୦ ଓଭରରେ ୧୬୩/୫ (ମାର୍କସ ଷ୍ଟୋଇନିସ୍-୫୮, କେଏଲ୍ ରାହୁଲ-୩୩, ନିକୋଲାସ ପୂରନ-୩୨*, ଆୟୁଷ ବଦୋନୀ-୨୦, ଦର୍ଶନ ନଲକଣ୍ଡେ-୨/୨୧, ଉମେଶ ଯାଦବ-୨/୨୨, ରସିଦ୍ ଖାନ୍-୧/୨୮)। ଗୁଜରାଟ ଜାଏଣ୍ଟସ୍ ୧୮.୫ ଓଭରରେ ୧୩୦/୧୦ (ସାଇ ସୁଦର୍ଶନ-୩୧, ରାହୁଲ ତିୱାତିଆ-୩୦, ଶୁବମନ ଗିଲ୍-୧୯, ୟଶ ଠାକୁର-୫/୩୦, କ୍ରୁନାଲ ପାଣ୍ଡ୍ୟା-୩/୧୧, ରବି ବିଷ୍ଣୋଇ-୧/୮, ନବୀନ ଉଲ୍ ହକ୍-୧/୩୭)।
[ad_2]
