[ad_1]
ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ ହରିୟାଣାବାସୀଙ୍କୁ ନୂଆ ମୁଖ୍ୟମନ୍ତ୍ରୀ ମିଳିଛି। ବିଜେପି ରାଜ୍ୟ ସଭାପତି ନୟାବ ସିଂ ସାଇନି ମଙ୍ଗଳବାର ସନ୍ଧ୍ୟାରେ ହରିୟାଣାର ରାଜଭବନରେ ହରିୟାଣାର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ସେ ଶପଥ ନେବା ସମୟରେ ପୂର୍ବ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ । ନୟାବ ସିଂହ ଓବିସି ସମ୍ପ୍ରଦାୟର ଏବଂ କୁରୁକ୍ଷେତ୍ରରୁ ସାଂସଦ ଅଛନ୍ତି। ଆଜି ପୂର୍ବାହ୍ଣରେ ମନୋହର ଲାଲ ଖଟ୍ଟର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଏହି ସମୟରେ କନୱର ପାଲ ଗୁର୍ଜର ମନ୍ତ୍ରୀ ଓ ଗୋପନୀୟତାର ଶପଥ ମଧ୍ୟ ନେଇଥିଲେ । କନୱର ପାଲ ଗୁର୍ଜର ଖଟ୍ଟର ସରକାରରେ ଶିକ୍ଷାମନ୍ତ୍ରୀ ଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହି ଶପଥ ଗ୍ରହଣ ଉତ୍ସବରେ ଦୁଷ୍ୟନ୍ତ ଚୌଟାଲାଙ୍କ ଦଳ ଜେଜେପିର ୪ ଜଣ ବିଧାୟକ ଦେବେନ୍ଦ୍ର ବବଲି, ଈଶ୍ୱର ସିଂହ, ଯୋଗୀରାମ ଓ ରାମ ନିବାସ ମଧ୍ୟ ଯୋଗ ଦେଇଥିଲେ। ତେବେ ଅନୀଲ ଭିଜ ଏହି କାର୍ଯ୍ୟକ୍ରମରେ ସାମିଲ ହୋଇନଥିଲେ । ସେ ଦଳୀୟ ହାଇକମାଣ୍ଡଙ୍କୁ ସ୍ପଷ୍ଟ ଭାବେ କହିଛନ୍ତି ଯେ ସେ ତାଙ୍କ ଜୁନିଅରମାନଙ୍କ ସହ କାମ କରିପାରିବେ ନାହିଁ। ଏହା ପୂର୍ବରୁ ନୟାବ ସିଂହ ସାଇନିବିଧାୟକ ଦଳର ନେତା ନିର୍ବାଚିତ ହୋଇଥିଲେ। ପରେ ସେ ରାଜ୍ୟପାଳଙ୍କୁ ଭେଟି ସରକାର ଗଠନ ପାଇଁ ଦାବି ଉପସ୍ଥାପନ କରିଥିଲେ।
[ad_2]
