[ad_1]
ଚଣ୍ଡିଗଡ଼ : ଚଣ୍ଡିଗଡ଼ ମେୟର ନିର୍ବାଚନରେ ବିଜେପି ବିଜୟୀ ହୋଇଛି। ଏହି ନିର୍ବାଚନରେ ବିଜେପି ପ୍ରାର୍ଥୀ ମନୋଜ ସୋନକର ବିଜୟୀ ହୋଇଛନ୍ତି। ମନୋଜ ସୋନକରଙ୍କ ବିପକ୍ଷରେ ଆମ୍ ଆଦମୀ ପାର୍ଟି ପ୍ରାର୍ଥୀ କୁଲଦୀପ କୁମାର ପ୍ରତିଦ୍ୱନ୍ଦ୍ୱିତା କରିଥିଲେ। ଗତ ୮ ବର୍ଷ ଧରି ବିଜେପି ମେୟର ପଦରେ ରହିଆସୁଛି। ପଞ୍ଜାବ ଓ ହରିୟାଣା ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଆଜି ଚଣ୍ଡିଗଡ଼ରେ ମେୟର ନିର୍ବାଚନ ଅନୁଷ୍ଠିତ ହୋଇଥିଲା। ଏହି ନିର୍ବାଚନରେ କଂଗ୍ରେସ-ଆମ୍ ଆଦମୀ ପାର୍ଟି (ଆପ୍) ମେଣ୍ଟ ଓ ବିଜେପି ମଧ୍ୟରେ ସିଧାସଳଖ ମୁକାବିଲା ହୋଇଥିଲା। ରାଷ୍ଟ୍ରୀୟ ଜନତା ଦଳ (ଆରଜେଡି) ସହ ପ୍ରଥମ ମୁକାବିଲାରେ ଇଣ୍ଡିଆ ମେଣ୍ଟ ପରାଜିତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ପୂର୍ବାହ୍ନ ପ୍ରାୟ ୧୦ଟା ୪୦ରେ ପ୍ରିଜାଇଡିଂ ଅଫିସର ଅନିଲ ମସିହ ମେୟର ପଦ ପାଇଁ ମତଦାନ ପ୍ରକ୍ରିୟା ଆରମ୍ଭ କରିଥିଲେ। ଚଣ୍ଡିଗଡ଼ ସାଂସଦ କିରଣ ଖେର ପ୍ରଥମେ ଭୋଟ୍ ଦେଇଥିଲେ। ପୂର୍ବାହ୍ନ ପ୍ରାୟ ୧୧ଟା ୧୫ରେ ସେ ପୌର ଭବନରେ ଭୋଟ୍ ଦେଇଥିଲେ। ଚଣ୍ଡିଗଡ଼ ମ୍ୟୁନିସିପାଲିଟି କର୍ପୋରେସନର ପଦସ୍ଥ ସଦସ୍ୟ ଭାବେ ତାଙ୍କର ମତଦାନ ଅଧିକାର ରହିଛି। ମେୟର ଭୋଟ୍ ଗଣତି ପରେ ଏବେ ବରିଷ୍ଠ ଡେପୁଟି ମେୟର ଓ ଡେପୁଟି ମେୟର ପଦ ପାଇଁ ନିର୍ବାଚନ ହେବ।
ମେୟର ନିର୍ବାଚନ ଜିତିବା ପରେ ମନୋଜ ସୋନକର କହିଛନ୍ତି ଯେ ସେ ତାଙ୍କ ଦଳ, ଜେପି ନଡ୍ଡା, ଅମିତ ଶାହା, ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି। ମୁଁ ଦଳର ଜଣେ ଛୋଟ କର୍ମୀ । କଂଗ୍ରେସ ହାଇକୋର୍ଟ ଯିବା ଉପରେ ମେୟର ମନୋଜ କହିଥିଲେ ଯେ ତାହା ସେମାନଙ୍କ ଅଧିକାର ।
[ad_2]
