[ad_1]
ନୂଆଦିଲ୍ଲୀ: କିଛିଦିନର ଅନିଶ୍ଚିତତା ପରେ ନୀତୀଶ କୁମାର ବିରୋଧୀ ଇଣ୍ଡିଆ ମେଣ୍ଟ ସହ ସମ୍ପର୍କ ଛିନ୍ନ କରି ପୁଣିଥରେ ବିଜେପି ସହ ହାତ ମିଳାଇ ୯ମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ତେବେ ସେ କାହିଁକି ମହାମେଣ୍ଟରୁ ଓହରିଲେ ସେ ନେଇ ତାଙ୍କରି ଦଳର ନେତା ହିଁ ସ୍ପଷ୍ଟ କରିଛନ୍ତି। ନୀତୀଶ ଇଣ୍ଡିଆ ମେଣ୍ଟରେ ଏକ ବଡ଼ ଭୂମିକା ଚାହୁଥିଲେ। ତାଙ୍କୁ ମେଣ୍ଟର ଆବାହକ କରାଯାଇଥାନ୍ତା ଏବଂ ଆଗାମୀ ନିର୍ବାଚନ ପାଇଁ ପ୍ରଧାନମନ୍ତ୍ରୀ ଚେହେରା ଭାବେ ଉପସ୍ଥାପିତ କରାଯାଇଥାନ୍ତା ବୋଲି ନୀତୀଶ ଚାହୁଥିଲେ। ତାହା ସମ୍ଭବ ନ ହେବାରୁ ଜେଡିୟୁ ବିହାର ମହାମେଣ୍ଟ ତଥା ଇଣ୍ଡିଆ ମେଣ୍ଟରୁ ଓହରିଲା ବୋଲି ଜଣାପଡ଼ିଛି। ତେବେ ପଲ୍ଟୁରାମ ଚରିତ୍ର ସତ୍ତ୍ବେ ବିଜେପି ନିଜର ଫାଇଦା ପାଇଁ ତାଙ୍କୁ ସର୍ବକ୍ଷମା ଦେଇ ପୁଣିଥରେ କୋଳେଇ ନେଇଛି।
Sambad is now on WhatsApp
Join and get latest news updates delivered to you via WhatsApp
ନୀତୀଶ କୁମାର କହିଛନ୍ତି ଯେ ବିହାରରେ ରାଷ୍ଟ୍ରୀୟ ଜନତା ଦଳ ଏବଂ ଜାତୀୟ ସ୍ତରରେ କଂଗ୍ରେସ ସହିତ ସେ କାମ କରିବାରେ ଅସମର୍ଥ ହେଲେ। ଦଳୀୟ ସଦସ୍ୟଙ୍କ ସହ ଆଲୋଚନା ବେଳେ ମେଣ୍ଟ ଭିତରେ ଅସମ୍ଭାଳ ପରିସ୍ଥିତି ସୃଷ୍ଟି ହୋଇଥିବାରୁ ତାଙ୍କୁ ଇସ୍ତଫା ଦେବାକୁ ପରାମର୍ଶ ମିଳିଥିଲା ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି। ଜେଡିୟୁ ଆନୁଷ୍ଠାନିକ ଭାବେ କଂଗ୍ରେସ ସହ ସମ୍ପର୍କ ଛିନ୍ନ କରିବା ସହ ଇଣ୍ଡିଆ ମେଣ୍ଟ ଭାଙ୍ଗିବା ପାଇଁ କଂଗ୍ରେସକୁ ଦାୟୀ କରିଛି। କଂଗ୍ରେସ ଇଣ୍ଡିଆ ମେଣ୍ଟର ନେତୃତ୍ୱକୁ ଅପହରଣ କରିବାକୁ ଚେଷ୍ଟା କରୁଛି ବୋଲି ଦଳର ମୁଖପାତ୍ର କେସି ତ୍ୟାଗୀ ଅଭିଯୋଗ କରିଛନ୍ତି। ସେ ଅଭିଯୋଗ କରିଛନ୍ତି ଯେ କଂଗ୍ରେସ ତୃଣମୂଳ ନେତା ମମତା ବାନାର୍ଜୀଙ୍କ ସହ ମିଶି ମେଣ୍ଟର ନେତୃତ୍ୱ ଚୋରି କରିବାକୁ ଷଡ଼ଯନ୍ତ୍ର କରିଛି। ଡିସେମ୍ବର ୧୯ ତାରିଖରେ ଇଣ୍ଡିଆ ମେଣ୍ଟ ବୈଠକରେ ମଲ୍ଲିକାର୍ଜୁନ ଖଡ଼ଗେଙ୍କ ନାମ ଷଡ଼ଯନ୍ତ୍ର ମାଧ୍ୟମରେ ପ୍ରସ୍ତାବ ଦିଆଯାଇଥିଲା। ଏକ ଷଡ଼ଯନ୍ତ୍ର ମାଧ୍ୟମରେ ମମତା ବାନାର୍ଜୀ ପ୍ରଧାନମନ୍ତ୍ରୀ ଚେହେରା ଭାବେ ଖଡ଼ଗେଙ୍କ ନାମ ପ୍ରସ୍ତାବ ଦେଇଥିଲେ। ଅନ୍ୟ ସବୁ ଦଳ କଂଗ୍ରେସ ବିରୋଧରେ ଲଢ଼େଇ କରି ନିଜର ପରିଚୟ ସୃଷ୍ଟି କରିଛନ୍ତି ବୋଲି ଶ୍ରୀ ତ୍ୟାଗୀ କହିଛନ୍ତି। ଜେଡିୟୁ ଆହୁରି ଅଭିଯୋଗ କରିଛି ଯେ କଂଗ୍ରେସ ଆସନ ବୁଝାମଣା ପ୍ରକ୍ରିୟାରେ ବାଧା ସୃଷ୍ଟି କରୁଛି, ସହଯୋଗୀ ଦଳଗୁଡ଼ିକ ଉପରେ ଅଯଥା ଦାବି କରୁଛି ଏବଂ ଅନ୍ୟ ନେତାମାନଙ୍କୁ ଅପମାନିତ କରୁଛି। କଂଗ୍ରେସର ଏଭଳି କାର୍ଯ୍ୟ ଇଣ୍ଡିଆ ମେଣ୍ଟର ଏକତା ଓ କାର୍ଯ୍ୟକାରିତା ପାଇଁ କ୍ଷତିକାରକ ବୋଲି ଦଳ ଯୁକ୍ତି ବାଢ଼ିଛି। କଂଗ୍ରେସ ଆସନ ବୁଝାମଣାକୁ ବିଳମ୍ବିତ କରୁଛି, ଆମେ କହୁଥିଲୁ ଯେ ଆସନ ବଣ୍ଟନ ତୁରନ୍ତ ହେବା ଦରକାର। ବିଜେପି ବିରୋଧରେ ଲଢ଼ିବା ପାଇଁ ବିରୋଧୀ ମେଣ୍ଟରେ ଯୋଜନାର ଅଭାବ ରହିଛି ବୋଲି ତ୍ୟାଗୀ କହିଛନ୍ତି।
[ad_2]
