କେନ୍ଦ୍ର ସରକାରର ବିଭିନ୍ନ ମନ୍ତ୍ରାଳୟ ଏବଂ ବିଭାଗରେ ଚାକିରି କରିବା ଅପେକ୍ଷା ଥିବା ପ୍ରାର୍ଥୀଙ୍କ ପାଇଁ ବଡ଼ ଖୁସି ଖବର । ଚଳିତ ବର୍ଷ UPSC ପାଇଁ ଏକ ନୂତନ ନିଯୁକ୍ତି ବିଜ୍ଞପ୍ତି ଜାରି କରିଛି । ଯେଉଁଥିରେ ମୋଟ ୧୯୪ଟି ଗ୍ରୁପ୍ A ଏବଂ ଗ୍ରୁପ୍ B ପଦବୀ ପୂରଣ କରାଯାଇଛି । ଏହି ନିଯୁକ୍ତି ପ୍ରକ୍ରିୟା ବିଭିନ୍ନ କେନ୍ଦ୍ରୀୟ ମନ୍ତ୍ରଣାଳୟରେ ପରିଚାଳିତ ହେବ । ଯେଉଁଥିରେ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA), ଡାକ ବିଭାଗ, ଭାରତୀୟ ପାଣିପାଗ ବିଭାଗ (IMD), ପୁରାତତ୍ତ୍ବ ସର୍ବେକ୍ଷଣ ବିଭାଗ (ASI), ପ୍ରତିରକ୍ଷା ମନ୍ତ୍ରଣାଳୟ ଏବଂ MSME ମନ୍ତ୍ରଣାଳୟ ସହିତ ଅନ୍ୟାନ୍ୟ ବିଭାଗ ସାମିଲ ରହିଛି । ଇଚ୍ଛୁକ ପ୍ରାର୍ଥୀ ଅଧିକ ବିବରଣୀ ପାଇଁ ଏହାର ଅଫିସିଆଲ ୱେବସାଇଟକୁ ଯାଇ ଚେକ୍ କରିପାରିବେ ।
ପଦବୀ ବିବରଣୀ : ଏଥିରେ ଅଲଗା ଅଲଗା କରି ୩୨ ଟି ପଦବୀ ସାମିଲ ଅଛି । ଯେଉଁଥିରେ ମ୍ୟାନେଜର, ଆସିଷ୍ଟାଣ୍ଟ କଣ୍ଟ୍ରୋଲର, ଏୟାୱର୍ଥନେସ୍ ଅଫିସର ସମେତ ଅନ୍ୟ ପଦବୀ ରହିଛି ।
ଆବେଦନ ତାରିଖ : ଏହି ନିଯୁକ୍ତି ପ୍ରକ୍ରିୟା ମେ ୨୩ରୁ ଆରମ୍ଭ ହୋଇଯାଇଛି । ଇଚ୍ଛୁକ ପ୍ରାର୍ଥୀ ଅନଲାଇନ୍ ମାଧ୍ୟମରେ ୧୨ ଜୁନ୍ ସନ୍ଧ୍ୟା ୬ ଟା ପର୍ଯ୍ୟନ୍ତ ଆବେଦନ କରିପାରିବେ । UPSC ଦ୍ବାରା ଜାରି ହୋଇଥିବା ବିଜ୍ଞପ୍ତି ନମ୍ବର ୦୫/୨୦୨୬ ଅନୁଯାୟୀ, ଏହି ଭର୍ତ୍ତି ଡାଇରେକ୍ଟ ରିକ୍ୟୁରମେଣ୍ଟ ବାଏ ସିଲେକ୍ସନ ଆଧାରରେ କରାଯିବ ।
ଯୋଗ୍ୟତା ଏବଂ ଚୟନ ମାନଦଣ୍ଡ : ଏହି ନିଯୁକ୍ତି ଭର୍ତ୍ତି ପାଇଁ ଶିକ୍ଷାଗତ ଯୋଗ୍ୟତା ପଦବୀ ଅନୁସାରେ ଭିନ୍ନ ହୋଇପାରେ। ପ୍ରାର୍ଥୀମାନଙ୍କର B.Sc, B.Tech/BE, MA, M.Sc, ME/M.Tech, PG ଡିପ୍ଲୋମା କିମ୍ବା ସମକକ୍ଷ ଡିଗ୍ରୀ ହାସଲ କରିଥିବା ଆବଶ୍ୟକ । କିଛି ପଦବୀ ପାଇଁ ସମ୍ବନ୍ଧିତ କ୍ଷେତ୍ରରେ ଅଭିଜ୍ଞତା ମଧ୍ୟ ଆବଶ୍ୟକ । ଚୟନ ପ୍ରକ୍ରିୟାରେ ସର୍ଟଲିଷ୍ଟିଂ, ଇଣ୍ଟରଭ୍ୟୁ ଏବଂ ଅନ୍ୟାନ୍ୟ ଚୟନ ପର୍ଯ୍ୟାୟ ସାମିଲ ହୋଇପାରେ ।
ସଂରକ୍ଷଣ ଏବଂ ଅନ୍ୟାନ୍ୟ ତଥ୍ୟ : ଭର୍ତ୍ତି ପାଇଁ ସଂରକ୍ଷଣ ନୀତି ଅନୁସାରେ UR, EWS, OBC, SC ଏବଂ ST ବର୍ଗର ପ୍ରାର୍ଥୀଙ୍କ ପାଇଁ ଅଲଗା ଅଲଗା ସିଟ୍ ନିଦ୍ଧାରିତ କରାଯାଇଛି । ଏହା ବ୍ୟତୀତ PwBD ପ୍ରାର୍ଥୀଙ୍କ ପାଇଁ ହରାଇଜେଣ୍ଟାଲ ରିଜର୍ଭେସନ୍ ଲାଗୁ କରାଯାଇଛି । ଆୟୋଗ ଏହା ମଧ୍ୟ ସ୍ପଷ୍ଟ କରିଛି ଯେ, ସେବା ଆବଶ୍ୟକତା ଅନୁସାରେ ଖାଲି ପଦବୀ ସଂଖ୍ୟା ଭିନ୍ନ ହୋଇପାରେ ।
UPSC ଦ୍ବାରା ଜାରି ହୋଇଥିବା ବିଜ୍ଞପ୍ତି ନମ୍ବର ୦୫/୨୦୨୬ ଅନୁଯାୟୀ ବିଭିନ୍ନ ଗ୍ରୁପ୍ ‘A’ ଏବଂ ‘B’ ପଦବୀରେ ନିଯୁକ୍ତି ପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇଛି । ଏହି ନିଯୁକ୍ତି ପାଇଁ ଆବେଦନ କରୁଥିବା ପ୍ରାର୍ଥୀମାନଙ୍କୁ ଅନଲାଇନ୍ ଆବେଦନ ପୂରଣ କରୁଥିବା ସମୟରେ କେତକ ଜରୁରୀ ଡକ୍ୟୁମେଣ୍ଟ ଅପଲୋଡ କରିବାକୁ ପଡିବ । ଆୟୋଗ ଏହା ମଧ୍ୟ ସ୍ପଷ୍ଟ ଭାବେ ନିର୍ଦ୍ଦେଶ ଦେଇଛନ୍ତି ଯେ, ସମସ୍ତ ଡକ୍ୟୁମେଣ୍ଟ ନିର୍ଦ୍ଧାରିତ ଫର୍ମାଟ୍ ଏବଂ ଗୁଣବତ୍ତା ଅନୁସାରେ ଅପଲୋଡ୍ କରିବାକୁ ପଡିବ । ନଚେତ୍ ଆବେଦନ ପ୍ରତ୍ୟାଖ୍ୟାନ ହୋଇପାରେ ।
ବାଧ୍ୟତାମୂଳକ ଡକ୍ୟୁମେଣ୍ଟ : ଆବେଦନ ପ୍ରକ୍ରିୟା ସମୟରେ ପ୍ରାର୍ଥୀମାନଙ୍କୁ ଏକ ଲାଇଭ୍ ଫଟୋ ଉଠାଇବାକୁ ପଡିବ । ଯାହା ବାଧ୍ୟତାମୂଳକ ରହିଛି । ଏଥିସହିତ ପାସପୋର୍ଟ ଆକାରର ଫଟୋଗ୍ରାଫ୍ ଏବଂ ଏକ ସ୍କାନ୍ କରାଯାଇଥିବା ସିଗ୍ନେଚର ଅପଲୋଡ୍ କରିବାକୁ ପଡିବ । ବାର୍ଥ ସାର୍ଟିଫିଟେକ ପାଇଁ ଦଶମ ସାର୍ଟିଫିକେଟ ଏବଂ ମାର୍କସିଟ୍ ଜରୁରୀ । ଶିକ୍ଷାଗତ ଯୋଗ୍ୟତା ପ୍ରମାଣ କରିବା ପାଇଁ ଏକ ଡିଗ୍ରୀ କିମ୍ବା ଡିପ୍ଲୋମା ପ୍ରମାଣପତ୍ର ଅପଲୋଡ୍ କରିବାକୁ ପଡିବ। ଯଦି ଏକ ଚୂଡ଼ାନ୍ତ ଡିଗ୍ରୀ ଉପଲବ୍ଧ ନାହିଁ, ତେବେ ସମସ୍ତ ବର୍ଷର ମାର୍କ ସିଟ୍ ସହିତ ଏକ ଅସ୍ଥାୟୀ ପ୍ରମାଣପତ୍ର ଗ୍ରହଣ କରାଯିବ ।
ଅଭିଜ୍ଞତା, ସଂରକ୍ଷଣ ଏବଂ ଅନ୍ୟାନ୍ୟ ପ୍ରମାଣପତ୍ର ଆବଶ୍ୟକ : ଯେଉଁ ପଦବୀ ପାଇଁ ଅଭିଜ୍ଞତାର ଆବଶ୍ୟକତା ରହିଛି ସେଥିପାଇଁ ସମ୍ବନ୍ଧିତ ସଂଗଠନ ମୁଖ୍ୟଙ୍କ ଦ୍ୱାରା ଜାରି କରାଯାଇଥିବା ଅଭିଜ୍ଞତା ପ୍ରମାଣପତ୍ର, ଯେଉଁଥିରେ ସେବାର ଅବଧି, ଦରମା ଏବଂ ଚାକିରି ବିବରଣୀ ସାମିଲ ଥିବ ଯାହା ଦାଖଲ କରିବାକୁ ପଡିବ । ସଂରକ୍ଷିତ ବର୍ଗର ପ୍ରାର୍ଥୀଙ୍କ ନିର୍ଦ୍ଧାରିତ ଫର୍ମାଟରେ ଏକ ଜାତି/ସମ୍ପ୍ରଦାୟ ପ୍ରମାଣପତ୍ର ଅପଲୋଡ୍ କରିବାକୁ ପଡିବ । OBC ପ୍ରାର୍ଥୀଙ୍କ ପାଇଁ ଏକ ନନ୍-କ୍ରିମି ଲେୟର ପ୍ରମାଣପତ୍ର ବାଧ୍ୟତାମୂଳକ ଥିବାବେଳେ EWS ପ୍ରାର୍ଥୀଙ୍କ ପାଇଁ ଏକ ବୈଧ ଆୟ ପ୍ରମାଣପତ୍ର ଆବଶ୍ୟକ । PwBD ବର୍ଗର ପ୍ରାର୍ଥୀମାନଙ୍କୁ ଏକ ମେଡିକାଲ ବୋର୍ଡ ଦ୍ୱାରା ଜାରି କରାଯାଇଥିବା ଏକ ଦିବ୍ୟାଙ୍ଗ ପ୍ରମାଣପତ୍ର ଦାଖଲ କରିବାକୁ ପଡିବ ।
ଜରୁରୀ ଡକ୍ୟୁମେଣ୍ଟ : ପୂର୍ବତନ ସୈନିକ କିମ୍ବା ସରକାରୀ କର୍ମଚାରୀମାନଙ୍କୁ ବୟସ ଛାଡ଼ ଲାଭ ପାଇବା ପାଇଁ ପ୍ରାସଙ୍ଗିକ ପ୍ରମାଣପତ୍ର ପ୍ରଦାନ କରିବାକୁ ପଡିବ। ଯଦି ଜଣେ ପ୍ରାର୍ଥୀଙ୍କ ସମକକ୍ଷ ଯୋଗ୍ୟତା ଥାଏ, ତେବେ ସେମାନଙ୍କୁ ସକ୍ଷମ କର୍ତ୍ତୃପକ୍ଷଙ୍କ ଦ୍ୱାରା ଜାରି କରାଯାଇଥିବା ଏକ ଆଦେଶ ଅପଲୋଡ୍ କରିବା ଜରୁରୀ । ନାମ ପରିବର୍ତ୍ତନ କରିବା ପାଇଁ ହେଲେ ମ୍ୟାରେଜ୍ ସାର୍ଟିଫିକେଟ୍ , ଡିଭୋର୍ସ ସାର୍ଟିଫିକେଟ କିମ୍ବା ଆଫିଡେଭିଟ୍ ଦାଖଲ କରିବାକୁ ପଡିବ । ଏହା ବ୍ୟତୀତ ପ୍ରଫେସନାଲ ରେଜିଷ୍ଟ୍ରେସନ୍, ପବ୍ଲିକେସନ, GATE/NET ଆଦି ପାଇଁ ଡକ୍ୟୁମେଣ୍ଟାରୀ ପ୍ରମାଣ ଅପଲୋଡ କରିବା ନିହାତି ଆବଶ୍ୟକ ।
ଆବେଦନ ପ୍ରକ୍ରିୟା : ଇଚ୍ଛୁକ ପ୍ରାର୍ଥୀ UPSC ପାଇଁ ଅନଲାଇନ୍ ଭର୍ତ୍ତି ପୋର୍ଟାଲକୁ ଯାଇ ଆବେଦନ କରିପାରିବେ । ଆବେଦନ ସମ୍ବନ୍ଧିତ ସମସ୍ତ ବିବରଣୀ, ନୋଟିଫିକେସନ୍ PDF ଏବଂ ନିର୍ଦ୍ଦେଶାବଳୀ ଉପଲବ୍ଧ । କେବଳ ସରକାରୀ ୱେବସାଇଟରେ ପ୍ରଦାନ କରାଯାଇଥିବା ସବୁଠାରୁ ଅଦ୍ୟତନ ସୂଚନା ବୈଧ ହେବ ବୋଲି ପ୍ରାର୍ଥୀମାନଙ୍କୁ ପରାମର୍ଶ ଦିଆଯାଉଛି । ନିଯୁକ୍ତି ଭର୍ତ୍ତି ସହିତ ଜଡିତ ଥିବା ସମସ୍ତ ବିବରଣୀ ପାଇଁ ଅଫିସିଆଲ ୱେବସାଇଟକୁ ଫଲୋ କରିପାରିବେ ।
