ମୁମ୍ବାଇ: ୯୦ ଦଶନ୍ଧିରେ ପିଲାମାନଙ୍କର ହୃଦୟରେ ରାଜ କରୁଥିବା ଧାରାବାହିକ ‘ଶକ୍ତିମାନ’ ଖୁବଶୀଘ୍ର ଫେରିବାକୁ ଯାଉଛି। ଶୋ’ର ଅଭିନେତା ମୁକେଶ ଖାନ୍ନା ନିଜେ ଏହା ଘୋଷଣା କରିଛନ୍ତି। ତେବେ ରିଲିଜ ହୋଇଥିବା ଟିଜରରେ ସେ ଏ ବିଷୟରେ ଅଧିକ ସୂଚନା ଦେଇନାହାଁନ୍ତି। ନିକଟରେ ମୁକେଶ ଖାନ୍ନା ନିଜ ୟୁଟ୍ୟୁବ ଚ୍ୟାନେଲ ଜରିଆରେ ଏହା ଘୋଷଣା କରିଛନ୍ତି, ଯେଉଁଥିରେ ଶୋ’ର କିଛି ପୁରୁଣା କ୍ଲିପ୍ ଯୋଡା ଯାଇଛି।
ଏଥିରେ ଏହା ଲେଖାଯାଇଛି ଯେ ତାଙ୍କ ଫେରିବା ସମୟ ଆସିଛି।
ପ୍ରଥମ ଧାରାବାହିକ ସୁପରହିରୋ ‘ଶକ୍ତିମାନ’ ୯୦ ଦଶନ୍ଧିରେ ସବୁଠୁ ଚର୍ଚ୍ଚିତ କାର୍ଯ୍ୟକ୍ରମ ମଧ୍ୟରୁ ଗୋଟିଏ ଥିଲା। ଏମିତି ଏକ ସୁପରହିରୋ ଯାହାକୁ ଦେଖିବା ପାଇଁ ଦେଶର ପ୍ରତ୍ୟେକ ପିଲା ଚାତକ ପରି ଚାହିଁ ରହୁଥିଲେ। ସେ ହେଉଛି ଶକ୍ତିମାନ। ଯିଏ ନିଜର ଶକ୍ତି ଜରିଆରେ ସଭିଙ୍କୁ ଚକିତ କରିବା ସହ ଲୋକଙ୍କୁ ଜରୁରୀ ସନ୍ଦେଶ ଦେଉଥିଲେ। ଶକ୍ତିମାନ୍ ଭୂମିକାରେ ଅଭିନୟ କରିଥିବା ମୁକେଶ ଖାନ୍ନା ବେଶ୍ ଲୋକପ୍ରିୟ ହୋଇଥିଲେ।
୧୯୯୭ରୁ ୨୦୦୫ ପର୍ଯ୍ୟନ୍ତ ଏତେ ବର୍ଷର ଲୋକଙ୍କୁ ମନୋରଞ୍ଜନ କରିବା ପରେ ‘ଶକ୍ତିମାନ’ ପୁଣି ଥରେ ଆସୁଛି। ମୁକେଶ ଖାନ୍ନା କିଛି ସମୟ ପୂର୍ବରୁ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରିଥିଲେ, ଯେଉଁଥିରେ ସେ ଲେଖିଥିଲେ ଯେ ଏହା ହେଉଛି ପୁରା ଫିଲ୍ମର ଶେଷ। ଖୁବ୍ ଶୀଘ୍ର, ‘ଶକ୍ତିମାନ’ର ପ୍ରଶଂସକମାନେ ସେମାନଙ୍କର ପିଲାଦିନ ଏବଂ ଭାରତର ପ୍ରଥମ ସୁପରହିଟ୍ ସହିତ ସମୟ ଅତିବାହିତ କରିବେ। ତେବେ ଏହା ଲୋକମାନଙ୍କ ମଧ୍ୟରେ କେବେ ପ୍ରସାରିତ ହେବ ତାହା ଏପର୍ଯ୍ୟନ୍ତ ଜଣା ପଡିନାହିଁ।
ଏହି ଘୋଷଣା ହେବା ପରେ ଲୋକଙ୍କ ମନରେ ବହୁତ ଉତ୍ସାହ ରହିଛି। ୧୯୯୭ରୁ ୨୦୦୫ ମଧ୍ୟରେ ଏହି ଶୋ’ର ୪୦୦ରୁ ଅଧିକ ଏପିସୋଡ୍ ଟେଲିକାଷ୍ଟ କରାଯାଇଥିଲା। ସେହି ସମୟରେ ଏହି ଶୋ’କୁ ଦୁରଦର୍ଶନ ନ୍ୟାସନାଲ ଚ୍ୟାନେଲରେ ପ୍ରଦର୍ଶନ କରାଯାଉଥିଲା। ବର୍ତ୍ତମାନ ଆଶା କରାଯାଉଛି ଯେ ଫିଲ୍ମ ‘ଶକ୍ତିମାନ’ ପ୍ରେକ୍ଷାଳୟରେ ମୁକ୍ତିଲାଭ କରିବ, ଖୁବ୍ ଶୀଘ୍ର ଅଭିନେତା ଏହା ପ୍ରକାଶ କରିବେ।
