ମୁମ୍ଵାଇ ୦୨।୧୦; ମହାରାଷ୍ଟ୍ରର ନାଗପୁରରେ ଅଭାବନୀୟ ଘଟଣା । ଗୋଟିଏ ପରିବାରର ଚାରି ଜଣଙ୍କ ମୃତଦେହ ଝୁଲୁଥିବାର ଦେଖିବାକୁ ମିଳିଥିଲା। ନାଗପୁର ଜିଲ୍ଲାର ଗାଁରେ ଅବସରପ୍ରାପ୍ତ ଶିକ୍ଷକ, ତାଙ୍କ ପତ୍ନୀ ଏବଂ ଦୁଇ ପୁଅଙ୍କ ମୃତଦେହ ଉଦ୍ଧାର କରାଯାଇଛି। ଆତ୍ମହତ୍ୟାକୁ ନେଇ ପୋଲିସ ସନ୍ଦେହ ପ୍ରକଟ କରିଛି।
ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ସୁଇସାଇଡାଲ ନୋଟ୍ ପାଇଥିଲା।
ଯେଉଁଥିରେ ଚାରିଜଣଙ୍କ ଦସ୍ତଖତ ରହିଛି। ଘଟଣାର ତଦନ୍ତ କରାଯାଉଥିବା ନେଇ ପୋଲିସ କହିଛି। ସେ କହିଛନ୍ତି ଯେ ମୃତ୍ୟୁର କାରଣ ଏପର୍ଯ୍ୟନ୍ତ ଜଣା ପଡିନାହିଁ, କିନ୍ତୁ ପ୍ରାଥମିକ ଅନୁସନ୍ଧାନରେ ଏହା ଆତ୍ମହତ୍ୟା ମାମଲା ବୋଲି ଜଣାପଡିଛି। ତେବେ ହତ୍ୟା ସମେତ ଅନ୍ୟ ଦିଗରୁ ପୋଲିସ ତଦନ୍ତ କରୁଛି।
ପୁଅ ବିରୋଧରେ ଠକେଇ ମାମଲା
କୁହାଯାଉଛି ଯେ ଅବସରପ୍ରାପ୍ତ ଶିକ୍ଷକ ବିଜୟ ତାଙ୍କ ପତ୍ନୀ ମାଲାଙ୍କ ସହ ରହୁଥିଲେ। ତାଙ୍କର ଦୁଇ ପୁଅ ଥିଲେ ଦୀପକ ଏବଂ ଗଣେଶ । ଉଭୟ ବାହା ହୋଇନଥିଲେ । ସୂଚନାନୁସାରେ, ମଧ୍ୟପ୍ରଦେଶର ସମବାୟ ସମିତିରେ ସେମାନଙ୍କ ଗୋଟିଏ ପୁଅ ବିରୋଧରେ ଠକେଇ ମାମଲା ଚାଲିଥିଲା । ଯେଉଁଥିରେ ତାଙ୍କୁ ଗିରଫ କରାଯାଇଥିଲା। ତାଙ୍କୁ ମାତ୍ର ଏକ ମାସ ପୂର୍ବରୁ ଜାମିନ ମିଳିଥିଲା।
ଆତ୍ମହତ୍ୟା ନୋଟରେ ଏହା ଉଲ୍ଲେଖ କରାଯାଇଛି ଯେ ଏହି ଠକେଇରେ ମୋ ନାଁ ଆସିବା ପରେ ସେ ଚିନ୍ତିତ ହୋଇ ଆତ୍ମହତ୍ୟା କରୁଛୁ। ତେବେ ପୋଲିସ ସନ୍ଦେହ କରୁଛି ଯେ ଯଦି ଗୋଟିଏ ପୁଅ ବିରୋଧରେ ମାମଲା ରୁଜୁ ହୋଇଛି। ତେବେ ସମଗ୍ର ପରିବାର କାହିଁକି ଆତ୍ମହତ୍ୟା କଲେ?
