ମୁମ୍ବାଇ ୧୪।୦୯ : ଆଇପିଏଲ୍ ୨୦୨୫ କାଉଣ୍ଟଡାଉନ୍ । ଆଗାମୀ ସିଜିନ୍ର ମେଗା ଅକ୍ସନ ନେଇ ଆସିଛି ଲାଟେଷ୍ଟ ଅପ୍ଡେଟ୍ । ମେଗା ଅକ୍ସନ ପୂର୍ବରୁ ପ୍ରଥମ ଖେଳାଳିଙ୍କ ରିଟେନି ଏବଂ ରିଲିଜ୍ ଲିଷ୍ଟ ଜାରି କରାଯିବ ।
କ୍ରିକ୍ବଜର ଏକ ରିପୋର୍ଟ ଅନୁସାରେ, ଆଇପିଏଲ୍ ୨୦୨୫ର ମେଗା ଅକ୍ସନର ଆୟୋଜନ ଆସନ୍ତା ଡିସେମ୍ବରରେ ହୋଇପାରେ । ଏହାପୂର୍ବରୁ ୧୫ ନଭେମ୍ବର ପର୍ଯ୍ୟନ୍ତ ସମସ୍ତ ପ୍ରାଞ୍ଚାଇଜ୍ ନିଜ ନିଜର ରିଟେନ୍ ଏବଂ ରିଲିଜ୍ ଖେଳାଳିଙ୍କ ନାଁ ଘୋଷଣା କରିବେ ।
ସେପ୍ଟେମ୍ବର ଶେଷ ଆଡକୁ ବିସିସିଆଇର ବାର୍ଷିକ ବୈଠକ ହେବ । ଏହା ତାରିଖ ପାଖାପାଖି ଆଇପିଏଲ୍ର କିଛି ନୂଆ ନିୟମର ଘୋଷଣା ବି ହୋଇପାରେ । ଏହାପରେ ଆଗାମୀ ସିଜିନ୍ ପାଇଁ ପ୍ରସ୍ତୁତି ଆରମ୍ଭ ହୋଇଯିବ ।
ତେବେ ଆଇପିଏଲ୍ ୨୦୨୪ର ଅକ୍ସନ ଦୁବାଇର ଆୟୋଜନ ହୋଇଥିଲା । କିନ୍ତୁ ଏଥର ମାନେ ୨୦୨୫ ସିଜିନ୍ ପାଇଁ ଅକ୍ସନ ଭାରତରେ ଆୟୋଜନ ହୋଇପାରେ । ଏଥିପାଇଁ ମୁମ୍ବାଇ, ଦିଲ୍ଲୀ କିମ୍ବା କୋଲକାତା ଭେନ୍ୟୁ ଉପରେ ବିଚାର କରାଯାଉଛି । କିନ୍ତୁ ବୋର୍ଡ ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିନାହିଁ ।
