ନୂଆଦିଲ୍ଲୀ: ଭାରତର ପୂର୍ବତନ କ୍ରିକେଟର ଯୁବରାଜ ସିଂଙ୍କ ପିତା ଯୋଗରାଜ ସିଂ ପୁଣି ଥରେ ଭାରତର ଷ୍ଟାର କ୍ରିକେଟର ତଥା ପୂର୍ବତନ ଅଧିନାୟକ ଏମଏସ ଧୋନିଙ୍କ ଉପରେ ବର୍ଷିଛନ୍ତି । ଅତୀତରେ ସର୍ବୋଚ୍ଚ ସ୍ତରରେ ଭାରତ ପାଇଁ ୭ଟି ମ୍ୟାଚ ଖେଳି ଖେଳିଥିବା ଯୋଗରାଜ, ଧୋନିଙ୍କୁ ସମାଲୋଚନା କରି ତାଙ୍କ ପୁଅ ଯୁବରାଜଙ୍କ କ୍ୟାରିୟର ନଷ୍ଟ କରିଥିବା ଅଭିଯୋଗ କରିଛନ୍ତି ।
ଧୋନିଙ୍କୁ ଟାର୍ଗେଟ କରି ଯୋଗରାଜ କହିଛନ୍ତି ଯେ ଧୋନିଙ୍କୁ ଜୀବନରେ କେବେ କ୍ଷମା କରାଯିବ ନାହିଁ । ଯୋଗରାଜଙ୍କ ମନ୍ତବ୍ୟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
ଜି ସୁଇଚ୍ ୟୁଟ୍ୟୁବ୍ ଚ୍ୟାନେଲକୁ ସାକ୍ଷାତକାର ଦେଇ ସେ କହିଛନ୍ତି। “ମୁଁ ଏମଏସ ଧୋନିଙ୍କୁ କ୍ଷମା କରିବି ନାହିଁ। ସେ ଦର୍ପଣରେ ତାଙ୍କ ମୁହଁକୁ ଦେଖିବା ଉଚିତ୍ । ସେ ଜଣେ ବହୁତ ବଡ କ୍ରିକେଟର, କିନ୍ତୁ ମୋ ପୁଅ ବିରୋଧରେ ସେ ଯାହା କରିଛନ୍ତି, ତାହା ବର୍ତ୍ତମାନ ବାହାରକୁ ଆସୁଛି । ଏହାକୁ ଜୀବନରେ କେବେ କ୍ଷମା କରାଯାଇପାରିବ ନାହିଁ। ମୁଁ ଜୀବନରେ କେବେବି ଦୁଇଟି ଜିନିଷ କରିନାହିଁ – ପ୍ରଥମ, ମୁଁ କାହାକୁ କ୍ଷମା କରି ନାହିଁ, ଯିଏ ମୋ ସହିତ ଭୁଲ କରିଛନ୍ତି ଏବଂ ଦ୍ୱିତୀୟରେ ମୁଁ ମୋ ଜୀବନରେ କେବେବି ସେମାନଙ୍କୁ ଆଲିଙ୍ଗନ କରି ନାହିଁ, ସେ ମୋ ପରିବାର ସଦସ୍ୟ ହୁଅନ୍ତୁ କି ମୋର ପିଲାମାନେ ।”
୨୦୨୪ରେ ସିଏସକେ ଆଇପିଏଲ ହାରିବା ପରେ ବି ଯୋଗରାଜ, ଧୋନିଙ୍କୁ ଟାର୍ଗେଟ କରିଥିଲେ। ଧୋନୀ, ଯୁବରାଜଙ୍କୁ ଈର୍ଷା କରନ୍ତି ବୋଲି କହିଥିଲେ ଯୋଗରାଜ। ସେ ଏହା ବି କହିଥିଲେ ଯେ,”ସିଏସକେ ଆଇପିଏଲ-୨୦୨୪ ହାରିଗଲା । ସେମାନେ କାହିଁକି ହାରିଲେ? କାରଣ ଯିଏ ଯେମିତି କରେ, ତାକୁ ସେହିଭଳି ଫଳ ମିଳେ । ଯୁବରାଜ ସିଂ ଆଇସିସିର ଆମ୍ବାସାଡାର। ତାଙ୍କୁ ଈର୍ଷା କରୁଥିବା ଧୋନି ଏବେ କେଉଁଠି ? ଧୋନୀଙ୍କ କର୍ମ ପାଇଁ ଆଜି ସିଏସକେ ହାରିଛି ।”
