ଭଞ୍ଜନଗର : ଗଞ୍ଜାମ ଜିଲ୍ଲା ବୁଗୁଡ଼ାର ହୀରାପଲ୍ଲୀରେ ବୁଲୁଛି ବାଘ । ଲୋକ ଆତଙ୍କିତ । ଗାଁ ପାଖ ଜଙ୍ଗଲରେ ବାଘ ଆକ୍ରମଣରେ ଗୋଟିଏ ବଳଦର ମୃତ୍ୟୁ ହୋଇଥିବା କୁହାଯାଉଛି । ବୁଗୁଡ଼ା ବନାଞ୍ଚଳ ଓ ଓଡ଼ଗାଁ ବନାଞ୍ଚଳ ଅଧିକାରୀ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରି ବାଘ ପାଦଚିହ୍ନକୁ ଠାବ କରିଛନ୍ତି । ହୀରାପଲ୍ଲୀ ଅଞ୍ଚଳରେ ବାଘ ବୁଲୁଥିବାରୁ ସଞ୍ଜ ନଇଁଲେ ଗ୍ରାମବାସୀ ଭୟଭୀତ ହୋଇ ପଡ଼ିଛନ୍ତି ।
ନୟାଗଡ଼ – ଖୋର୍ଦ୍ଧା ଓ ଦକ୍ଷିଣ ଘୁମୁସର ବନଖଣ୍ଡର ଜଙ୍ଗଲରେ ବାଘ ଘୂରି ବୁଲୁଥିବା ସୂଚନା ଦେଇଛନ୍ତି ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ବିନୋଦ ଆଚାର୍ଯ୍ୟ । ତେବେ ଘଟଣା ଉପରେ ନଜର ରଖାଯାଇଛି ବୋଲି ସୂଚନା ଦେଇଛନ୍ତି ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ବିନୋଦ ଆଚାର୍ଯ୍ୟ ।
