[ad_1]
ନୂଆଦିଲ୍ଲୀ: ନିକଟରେ ଲୋକସଭା ନିର୍ବାଚନରେ ଶାସକ ଦଳର ଅଭାବନୀୟ ପ୍ରଦର୍ଶନକୁ ଆରଏସଏସ ନେତା ଇନ୍ଦ୍ରେଶ କୁମାର ଦର୍ଶାଇ ସମାଲୋଚନା କରିଥିବା ବେଳେ ଏବେ ନିଜର ବୟାନ ବଦଳାଇ ଦେଇଛନ୍ତି। ପୂର୍ବରୁ ସେ କହିଥିଲେ ‘‘ଯେଉଁମାନେ ପ୍ରଭୁ ରାମଙ୍କ ଭକ୍ତି କରିଥିଲେ ସେମାନେ ଧୀରେ ଧୀରେ ଅହଂକାର କଲେ। ସେହି ଦଳକୁ ସବୁଠୁ ବଡ ଦଳ ଘୋଷିତ କରାଯାଇଥିଲା। କିନ୍ତୁ ଅହଂକାର ହେତୁ ପ୍ରଭୁ ରାମ ୨୪୧ ରେ ଅଟକାଇ ଦେଲେ।’’
Sambad is now on WhatsApp
Join and get latest news updates delivered to you via WhatsApp
ହେଲେ ଗତକାଲି ସେ ଏକ ସାକ୍ଷାତ୍କାରରେ ତା’ର ଠିକ୍ ପରିପୂରକ ବୟାନ ଦେଇଛନ୍ତି। ସେ କହିଛନ୍ତି କି ଯେଉଁମାନେ ରାମଙ୍କୁ ବିରୋଧ କରୁଥିଲେ ସେମାନେ କ୍ଷମତା ହରାଇଲେ। ଯେଉଁମାନଙ୍କ ଉପରେ ରାମଙ୍କ ଆଶୀର୍ବାଦ ଥିଲା ସେମାନେ କ୍ଷମତାକୁ ଆସିଲେ।’’
ଲୋକସଭା ନିର୍ବାଚନରେ ୨୪୦ ଟି ଆସନ ଜିତି ସଂଖ୍ୟାଗରିଷ୍ଠତା ହାସଲ କରିବାରେ ବିଫଳ ହୋଇଥିବା ବିଜେପିକୁ ଏହି ମନ୍ତବ୍ୟ ଦିଆଯାଇଥିବା ଜଣାପଡିଛି। ୨୦୧୪ ପରଠାରୁ ଏହା ଦଳର ସବୁଠାରୁ ଖରାପ ପ୍ରଦର୍ଶନ ଥିଲା।
କୁମାର ବିରୋଧୀ ଇଣ୍ଡିଆ ବ୍ଲକକୁ ବି ଟାର୍ଗେଟ କରିଛନ୍ତି। ସେ ସେମାନଙ୍କୁ ରାମ ବିରୋଧୀ ବୋଲି କହିଛନ୍ତି। ବିରୋଧୀଦଳର ନାମ ନନେଇ ସେ କହିଛନ୍ତି। ସେ ପୂର୍ବରୁ କହିଛନ୍ତି କି ଯେଉଁମାନେ ରାମଙ୍କୁ ବିଶ୍ବାସ କରନ୍ତି ନାହିଁ ସେମାନେ ୨୩୪ ଆସନରେ ଅଟକିଗଲେ।
ଆରଏସଏସ ମୁଖ୍ୟ ମୋହନ ଭଗବତ ଜନସେବାରେ ନମ୍ରତାର ଗୁରୁତ୍ୱ ପ୍ରଚାର କରିବାର କିଛି ଦିନ ପରେ ଆରଏସଏସ ନେତାଙ୍କ ଏପରି ମନ୍ତବ୍ୟ ଆସିଛି।
ଭାଗବତ କହିଥିଲେ, “ଜଣେ ପ୍ରକୃତ ସେବକ ସ୍ବାଭିମାନ ରକ୍ଷା କରିଥାନ୍ତି। କାମ କରିବା ସମୟରେ ନୀତିନିୟମକୁ ଅନୁସରଣ କରନ୍ତି। ‘ମୁଁ ଏହି କାମ କରିଛି ବୋଲି ଅହଂକାର ରହିବା ଅନୁଚିତ। କେବଳ ତାହାକୁ ପ୍ରକୃତ ସେବା ବୋଲି କୁହାଯାଇପାରିବ।”
ଅହିଂସା ଏବଂ ସତ୍ୟର ନୀତିକୁ ଦର୍ଶାଇ ଭାଗବତ ସମସ୍ତଙ୍କ ପ୍ରତି ନମ୍ରତା ଏବଂ ଶୁଭେଚ୍ଛାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ।
[ad_2]
