[ad_1]
ନୂଆଦିଲ୍ଲୀ : ଦିଲ୍ଲୀର ବିବେକ ବିହାରସ୍ଥିତ ନବଜାତ ବେବି କେୟାର ହସ୍ପିଟାଲରେ ବିସ୍ଫୋରଣ ହେତୁ ୭ଜଣ ଶିଶୁଙ୍କ ମୃତ୍ୟୁ ହୋଇଯାଇଛି। ୭ମୃତ ଶିଶୁଙ୍କୁ ସେମାନଙ୍କ ପରିବାରଲୋକଙ୍କୁ ହସ୍ତାନ୍ତର କରି ଦିଆଯାଇଛି। ଏହି ଘଟଣାର ଯାଞ୍ଚ ଜାରି ରହିଥିବା ବେଳେ ପ୍ରତିଦିନ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସୁଛି।
Sambad is now on WhatsApp
Join and get latest news updates delivered to you via WhatsApp
ହସ୍ପିଟାଲର କିଛି ତ୍ରୁଟିକୁ ଦେଖି ଲୋକେ କହୁଛନ୍ତି କାସ୍ ହସ୍ପିଟାଲରେ ଯଦି ଉକ୍ତ ତ୍ରୁଟିକୁ ସୁଧାରା ଯାଇଥାଆନ୍ତା ତେବେ ଆଜି ସେହି ୭ଜଣ ଶିଶୁ ମା’ ଓ ବାପାଙ୍କ କୋଳରେ ଜୀବିତ ଥାଇ ଖେଳୁ ଥାଆନ୍ତେ।
ପୁଲିସର ଯାଞ୍ଚରୁ ଜଣାପଡିଛି ଯେ ଗତ ଶନିବାର ରାତି ୧୦.୫୫ରେ ସର୍ଟ ସର୍କିଟ ଯୋଗୁଁ ଡାକ୍ତରଖାନାରେ ନିଆଁ ଲାଗିଯାଇଥିଲା। ପ୍ରଥମେ ଡାକ୍ତରଖାନାର ଲୋକମାନେ ନିଆଁ ଲିଭାଇବାକୁ ଚେଷ୍ଟା କରିଥିଲେ। ତେବେ ପ୍ରାୟ ଅଧଘଣ୍ଟା ଚେଷ୍ଟା କରିବା ପରେ ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯିବାରୁ ୧୧.୨୯ରେ ପିସିଆରକୁ କଲ କରାଯାଇଥିଲା। ଏଭଳି ପରିସ୍ଥିତିରେ ପୁଲିସକୁ ସୂଚନା ଦେବାରେ ୩୪ ମିନିଟର ବିଳମ୍ବ ହୋଇଯାଇଥିଲା। ଏହି ୩୪ ମିନିଟ ବିଳମ୍ବ ନବଜାତ ଶିଶୁଙ୍କ ଜୀବନ ଉପରେ ଭାରି ପଡ଼ିଗଲା ବୋଲି ଲୋକେ କହୁଛନ୍ତି।
ଏହି ନିଆଁ ସର୍ଟ ସର୍କିଟ ଯୋଗୁଁ ଲାଗିଥିବାରୁ ବିଦ୍ୟୁତ ଚାଲିଯାଇଥିଲା। ଡାକ୍ତରଖାନା ଅନ୍ଧକାର ହୋଇଯାଇଥିଲା। ଏହି କାରଣରୁ ପିଲାମାନଙ୍କୁ ଠିକ୍ ସମୟରେ ସେଠାରୁ ବାହାର କରିବାରେ ଅସୁବିଧାର ସମ୍ମୁଖୀନ ହେବାକୁ ପଡିଲା ।
ସାମ୍ନା କୋଠରୀ ନିକଟରେ ନିଆଁ ଲାଗିଥିବାରୁ ସେଠାରେ ରଖାଯାଇଥିବା ସମସ୍ତ ୭ଜଣ ପିଲା ଏହା ଦ୍ୱାରା ପ୍ରଭାବିତ ହୋଇଥିଲେ। ପଛ କୋଠରୀରେ ରଖାଯାଇଥିବା ସମସ୍ତ ଶିଶୁଙ୍କୁ ସ୍ଥାନୀୟଲୋକ, ପୁଲିସ ଏବଂ ଅଗ୍ନିଶମ ବାହିନୀ ସହାୟତାରେ ଡାକ୍ତରଖାନା କର୍ମଚାରୀମାନେ ଠିକ୍ ସମୟରେ ଉଦ୍ଧାର କରି ଅନ୍ୟ ଡାକ୍ତରଖାନାକୁ ପଠାଇ ଦେଇଥିଲେ।
ଯାଞ୍ଚରୁ ଜଣାପଡିଛି ଯେ ଡାକ୍ତରଖାନା ବେଆଇନ ଭାବେ ଚାଲୁଥିଲା ଏବଂ ଏହାର ଲାଇସେନ୍ସ ମଧ୍ୟ ଶେଷ ହୋଇଯାଇଥିଲା। ଏହି ଅନିୟମିତତା ହେତୁ ପୁଲିସ ଡାକ୍ତରଖାନା ମାଲିକ ଡାକ୍ତର ନବୀନ ଖିଚି ଏବଂ ଘଟଣା ସମୟରେ ଡ୍ୟୁଟିରେ ଥିବା ଡାକ୍ତର ଆକାଶଙ୍କୁ ରବିବାର ଗିରଫ କରି କୋର୍ଟରେ ହାଜର କରିଥିଲା। ଏହାପରେ ଦୁଇଜଣ ଡାକ୍ତର ତିନିଦିନ ପାଇଁ ପୁଲିସ ହେପାଜତରେ ଅଛନ୍ତି।
[ad_2]
