[ad_1]
ନୂଆଦିଲ୍ଲୀ : କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଆଜି ମହାରାଷ୍ଟ୍ରର ନନ୍ଦୁରବାରରେ ଏକ ନିର୍ବାଚନ ରାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭାଷଣକୁ କଡ଼ା ସମାଲୋଚନା କରିଛନ୍ତି। ମୋଦୀଙ୍କ ଭାଷଣକୁ ଫମ୍ପା ବାର୍ତ୍ତା କହି ପ୍ରିୟଙ୍କା ପ୍ରଧାନମନ୍ତ୍ରୀ ମୋଦୀଙ୍କୁ ଦେଶର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କଠାରୁ କିଛି ଶିଖିବାପାଇଁ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରିୟଙ୍କା କହିଛନ୍ତି ମୋଦୀ ଇନ୍ଦିରାଙ୍କଠାରୁ ସାହସ ଏବଂ ପ୍ରତିବଦ୍ଧତା ଶିଖନ୍ତୁ। ମୋଦୀ ମଞ୍ଚ ଉପରକୁ ଆସୁଛନ୍ତି ଏବଂ ତାଙ୍କୁ ଦୁର୍ବ୍ୟବହାର କରାଯାଉଥିବା କହି କାନ୍ଦୁଛନ୍ତି। କିନ୍ତୁ ସେ ସାହସ ରଖିବା ସରକାର। ଇନ୍ଦିରାଙ୍କଠାରୁ ସେ ସାହସ କ’ଣ ଶିଖିବା ଉଚିତ। ମହାରାଷ୍ଟ୍ରରେ ମୋଦୀ ଲୋକଙ୍କୁ ଅପମାନିତ କରିଛନ୍ତି ବୋଲି ପ୍ରିୟଙ୍କା ଦାବି କରିଛନ୍ତି। ସେ କହିଛନ୍ତି, ଭୋଟ୍ ଦେଇ ଆପଣମାନେ ରାଜ୍ୟରେ ସରକାର ବାଛିଲେ। ଆପଣମାନେ ମହାରାଷ୍ଟ୍ରରେ ଆପଣଙ୍କ ନିଜର ସରକାର ଗଢ଼ିଲେ। କିନ୍ତୁ ମୋଦୀଜୀ ଏହାକୁ ସମ୍ମାନ ଦେଲେନାହିଁ। ଟଙ୍କା ଏବଂ କ୍ଷମତା ବଳରେ ମୋଦୀ ଆପଣମାନଙ୍କ ସରକାର ଭାଙ୍ଗି ସେମାନଙ୍କ ନିଜ ସରକାର ଗଢ଼ିଲେ। ଏହାଦ୍ବାରା ଲୋକଙ୍କ ନିଷ୍ପତ୍ତି ଓ ଅଧିକାର ପ୍ରତି ଅନ୍ୟାୟ କରାଗଲା ବୋଲି ପ୍ରିୟଙ୍କା କହିଛନ୍ତି। ବିଜେପି ଆଦିବାସୀ ସମ୍ପ୍ରଦାୟର ସଂସ୍କୃତି ଏବଂ ପରମ୍ପରାକୁ ଅସମ୍ମାନ କରୁଛି ବୋଲି ପ୍ରିୟଙ୍କା ଅଭିଯୋଗ କରିଛନ୍ତି। ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ବାଦ୍ ଦିଆଯାଇଥିବା ଏହାର ଏକ ପ୍ରକୃଷ୍ଟ ଉଦାହରଣ ବୋଲି ପ୍ରିୟଙ୍କା ତାଙ୍କ ଉଦ୍ବୋଧନରେ କହିଛନ୍ତି।
[ad_2]
