[ad_1]
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶନିବାର ଜନସାଧାରଣଙ୍କୁ ସମ୍ବୋଧିତ କରୁଛନ୍ତି। ତିହାର ଜେଲରେ ୫୦ ଦିନରୁ ଅଧିକ ସମୟ ବିତାଇବା ପରେ ଅରବିନ୍ଦ କେଜ୍ରିୱାଲ ପ୍ରଥମ ଥର ପାଇଁ ଗଣମାଧ୍ୟମକୁ ଭେଟିଛନ୍ତି। ସେ ଭାରତୀୟ ଜନତା ପାର୍ଟି (ବିଜେପି) କୁ ଟାର୍ଗେଟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସିଏମ୍ କହିଛନ୍ତି ଯେ ମୁଁ ୫୦ଦିନ ପରେ ସିଧା ଜେଲରୁ ଆସୁଛି। ଆମ ପାର୍ଟି ବହୁତ ଛୋଟ ରାଜନୈତିକ ଦଳ। କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମକୁ ହଇରାଣ କରିବାକୁ ସମସ୍ତ ପ୍ରୟାସ କରିଛନ୍ତି। ଆମ ଦଳର ଚାରିଜଣ ବରିଷ୍ଠ ନେତାଙ୍କୁ ଜେଲକୁ ପଠାଇଛନ୍ତି। ସେମାନେ ଭାବିଥିଲେ ଏଭଳିଡ଼ ଷଡ଼ଯନ୍ତ୍ର ଦ୍ବାରା ଏଏପି ଦଳ ଶେଷ ହୋଇଯିବ। କିନ୍ତୁ ଏହା ଏକ ପାର୍ଟି ନୁହେଁ, ଏହା ଏକ ଚିନ୍ତାଧାରା। ସେମାନେ ଯେତେ ଏଏପିକୁ ଶେଷ କରିବାକୁ ଚାହିଁଲେ ଆମର ସାହାସ ସେତେ ବଢ଼ିବଢ଼ି ଯିବ।
आप सब लोगों के बीच वापस लौट कर मुझे बेहद ख़ुशी हो रही है। हमें मिलकर अपने देश को तानाशाही से बचाना है, मैं अपनी पूरी ताक़त से लड़ूँगा, मुझे देश के 140 करोड़ लोगों का समर्थन चाहिए। – CM @ArvindKejriwal | LIVE
— AAP (@AamAadmiParty) May 11, 2024
ବିଜେପିକୁ ଲକ୍ଷ୍ୟ କରି ସିଏମ କହିଛନ୍ତି ସେମାନେ ଦେଶର ସମସ୍ତ ଚୋରଙ୍କୁ ନିଜ ଦଳରେ ସାମିଲ କରିଛନ୍ତି। କାହାକୁ ସିଏମ୍ କରାଯାଇଛି ତ ଅନ୍ୟ କାହାକୁ ଡେପୁଟି ସିଏମ୍ କରାଯାଇଛି। ସେମାନଙ୍କ ବିରୋଧରେ ଥିବା ସମସ୍ତ ଇଡି ମାମଲାକୁ ଖାରଜ କରାଯାଇଛି। ଏଭଳି କାମ କରୁଥିବା ବିଜେପି କହୁଛି ଆମେ ଦୁର୍ନୀତି ବିରୋଧରେ ଲଢୁଛୁ। ଏହା ଅତ୍ୟନ୍ତ ହାସ୍ୟାସ୍ପଦ।
ସାମ୍ବାଦିକ ସମ୍ମିଳନୀରେ କେଜ୍ରିୱାଲ କହିଛନ୍ତି ମୋଦୀ ଜୀ ଦେଶ ବିରୋଧରେ ଏକ ନୂଆ ମିଶନ ଆରମ୍ଭ କରିଛନ୍ତି। ଏହା ଅତ୍ୟନ୍ତ ବିପଜ୍ଜନକ ମିଶନ୍, ଯାହାର ନାମ ହେଉଛି ୱାନ୍ ନେସନ୍ ୱାନ୍ ଲିଡର୍ । ବିଜେପି ଧୀରେ ଧୀରେ ଦେଶର ସମସ୍ତ ରାଜନୈତିକ ଦଳକୁ ଧ୍ୱଂସ କରୁଛି।
ଯଦି ସେମାନେ ନିର୍ବାଚନରେ ଜିତନ୍ତି ତେବେ ସେମାନେ ୨ ମାସ ମଧ୍ୟରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ମଧ୍ୟ ପରିବର୍ତ୍ତନ କରିବେ। ଯୋଗୀ ଆଦିତ୍ୟନାଥ ସମ୍ପୂର୍ଣ୍ଣ ଶେଷ ହେବେ। ସେମାନେ ଚାହୁଁଛନ୍ତି ଯେ ଏହି ଦେଶରେ କେବଳ ଜଣେ ନେତା ବଞ୍ଚିବେ। ସେମାନେ ଦେଶରେ ଏକଛତ୍ରବାଦୀ ଶାସନ ପ୍ରତିଷ୍ଠା କରିବାକୁ ଚାହୁଁଛନ୍ତି।
ଦିଲ୍ଲୀର ଲୋକଙ୍କୁ ସମ୍ବୋଧିତ କରିବାବେଳେ ସିଏମ କେଜ୍ରିୱାଲ କହିଛନ୍ତି ଆଜି ମୁଁ ଏହି ଏକଛତ୍ରବାଦୀ ଶାସନ ବିରୁଦ୍ଧରେ ଲଢୁଛି କିନ୍ତୁ ମୁଁ ଏକୁଟିଆ କାମ କରିପାରିବି ନାହିଁ। ମୋର ୧୪୦ କୋଟି ଲୋକଙ୍କ ସମର୍ଥନ ଦରକାର। ମୋ ଦେଶକୁ ବଞ୍ଚାଅ ।
କେଜ୍ରିୱାଲ କହିଛନ୍ତି ଯେ ମୋଦୀ ଜୀ ଏକ ନିୟମ କରିଛନ୍ତି ଯେ ବିଜେପି ନେତାମାନେ ୭୫ ବର୍ଷ ପରେ ଅବସର ନେବେ। ପ୍ରଥମେ ଅଟଳ ବିହାରୀ ବାଜପେୟୀ ଜୀ ଅବସର ନେଇଥିଲେ ଏବଂ ପରେ ଲାଲକୃଷ୍ଣ ଆଡଭାନୀ ନେଇଥିଲେ। କିନ୍ତୁ ମୋଦୀ ଜୀ ଅବସର ନେଉନାହାନ୍ତି। ଯଦି ସେମାନଙ୍କ ସରକାର ଗଠନ ହୁଏ ତେବେ ସେମାନେ ଯୋଗୀ ଆଦିତ୍ୟନାଥଙ୍କୁ ଅବସର ପ୍ରଦାନ କରିବେ ଏବଂ ଅମିତ ଶାହା ଦେଶର ପରବର୍ତ୍ତୀ ପ୍ରଧାନମନ୍ତ୍ରୀ ହେବେ। ତେଣୁ ଯିଏ ବିଜେପିକୁ ଭୋଟ୍ ଦେବାକୁ ଯାଉଛନ୍ତି ତେବେ ଭାବଚିନ୍ତି ଭାବପ୍ରବଣ କରନ୍ତୁ କାରଣ ଆପଣ ଅମିତ ଶାହାଙ୍କୁ ଭୋଟ୍ ଦେବେ ଏବଂ ମୋଦୀଙ୍କୁ ନୁହେଁ।
[ad_2]
