ନିର୍ବାଚନ ଲଢ଼େଇକୁ ପ୍ରିୟଙ୍କାଙ୍କ ‘ନା’ – Kalinga News
[ad_1]
ନୂଆଦିଲ୍ଲୀ: ଉତ୍ତରପ୍ରଦେଶର ଦୁଇ ସମ୍ମାନଜନକ ଆସନ ଆମେଥି ଓ ରାଏବରେଲି ପାଇଁ କଂଗ୍ରେସର ପ୍ରାର୍ଥୀ ଘୋଷଣା ପରେ ଦଳର ବରିଷ୍ଠ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ନିର୍ବାଚନୀ ପଦାର୍ପଣକୁ ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟିଛି। ଦଳୀୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ, କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖଡ଼ଗେ ଗାନ୍ଧୀ ଭଦ୍ରାଙ୍କୁ ଆମେଥି କିମ୍ବା ରାଏବରେଲିରୁ ନିର୍ବାଚନ ଲଢ଼ିବାକୁ ଅନୁରୋଧ କରିଥିଲେ, କିନ୍ତୁ ସେ ମନା କରିଦେଇଥିଲେ। ତାଙ୍କ ଅନିଚ୍ଛା ପଛରେ ରହିଛି ବଂଶବାଦ ନେଇ ବିଜେପିର ନିରନ୍ତର ଆକ୍ରମଣ। ଏଣେ ସେ ହାରିଲେ ବି ଅସୁବିଧା, ଜିତିଲେ ବି ଅସୁବିଧା। ହାରିଲେ ଗାନ୍ଧୀ ପରିବାର ପ୍ରତି ଆଉ ଲୋକଙ୍କ ସମର୍ଥନ ନଥିବା ପ୍ରମାଣିତ ହେବ ଏବଂ ଜିତିଲେ ସେ, ତାଙ୍କ ଭାଇ ରାହୁଲ ଓ ମାଆ ସୋନିଆ- ଗାନ୍ଧୀ ପରିବାରର ତିନି ଜଣ ସଦସ୍ୟଙ୍କୁ ସଂସଦରେ ଦେଖିବାକୁ ମିଳିବ। ଏହାଦ୍ୱାରା ବଂଶବାଦ ରାଜନୀତିକୁ ନେଇ ବିଜେପିର କଟାକ୍ଷ ଆହୁରି ଦୃଢ଼ ହେବ।
Sambad is now on WhatsApp
Join and get latest news updates delivered to you via WhatsApp
ତେବେ ତାଙ୍କର ଏହି ନିଷ୍ପତ୍ତି ଭୋଟରଙ୍କ ମଧ୍ୟରେ ନକାରାତ୍ମକ ଧାରଣା ସୃଷ୍ଟି କରିପାରେ ବୋଲି କିଛି ନେତା ଆଶଙ୍କା କରୁଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଙ୍ଗଳସୂତ୍ର ଆକ୍ରମଣ ପରେ ଶ୍ରୀମତୀ ଗାନ୍ଧୀ ଭଦ୍ରା ବ୍ୟାପକ ପ୍ରଚାର କରୁଛନ୍ତି ଏବଂ କଂଗ୍ରେସର ପ୍ରତିବାଦର ଚେହେରା ପାଲଟିଛନ୍ତି। ଯଦି ସେ ନିର୍ବାଚନ ଲଢ଼ିଥାନ୍ତେ ତେବେ କଂଗ୍ରେସ ତାଙ୍କ ଷ୍ଟାର୍ ପାୱାରରୁ ଫାଇଦା ପାଇଥାନ୍ତା ବୋଲି ଅନେକ ଅନୁଭବ କରୁଛନ୍ତି। ଏହି ଦୁଇଟି ଆସନକୁ ନେଇ କଂଗ୍ରେସର ବହୁ ପ୍ରତୀକ୍ଷିତ ନିଷ୍ପତ୍ତି ଆଜି ସକାଳେ ଆସିଛି। ସବୁଠାରୁ ଆଶ୍ଚର୍ଯ୍ୟର କଥା ହେଉଛି ରାହୁଲ ଗାନ୍ଧୀଙ୍କୁ ଆମେଥି ନୁହେଁ, ରାଏବରେଲିରୁ ପ୍ରାର୍ଥୀ କରାଯାଇଛି। ପ୍ରିୟଙ୍କା ହିଁ ରାୟବରେଲିରୁ ପ୍ରାର୍ଥୀ ହେବେ ବୋଲି ପୂର୍ବରୁ ସଙ୍କେତ ମିଳିଥିବାରୁ ଗତ ରାତିସାରା ପ୍ରସ୍ତୁତି ଚାଲିଥିଲା। ରାହୁଲ ଗାନ୍ଧୀଙ୍କୁ ଆମେଥିରୁ ରାଏବରେଲିକୁ ବଦଳାଇବାକୁ ନେଇ ବିଜେପି କଡ଼ା ସମାଲୋଚନା କରିଛି। ଦଳର ମୁଖପାତ୍ର ଜୟବୀର ସେର୍ଗିଲ୍ କହିଛନ୍ତି, ରାହୁଲ ଗାନ୍ଧୀଙ୍କ ନିଷ୍ପତ୍ତି ଦର୍ଶାଉଛି ଯେ କଂଗ୍ରେସରେ ଆତ୍ମବିଶ୍ୱାସର ଅଭାବ ରହିଛି।
[ad_2]