[ad_1]
କଟକ: ବାରବାଟୀ-କଟକ ବିଧାନସଭାର କଂଗ୍ରେସ ପ୍ରାର୍ଥୀ ସୋଫିଆ ଫିରଦୋସ ଆଜି ୯ ନମ୍ବର ୱାର୍ଡର ବିଭିନ୍ନ ଅଞ୍ଚଳକୁ ଯାଇ ପ୍ରଚାର କରିଛନ୍ତି। ସୋଫିଆଙ୍କ ସହିତ ତାଙ୍କ ବାପା ତଥା ବିଧାୟକ ମହମ୍ମଦ ମୋକିମ ବିଭିନ୍ନ ଅଞ୍ଚଳ ବୁଲିବା ସହିତ ଲୋକଙ୍କ ସମର୍ଥନ ଲୋଡିଛନ୍ତି। ଷ୍ଟୁଆର୍ଟ ପାଟଣା, ବାଉରିସାହି, ଖ୍ରୀଷ୍ଟିଆନ ସାହି, ତୁଳସୀପୁର, ସେଲ୍ଟର ଛକ ଆଦି ଅଞ୍ଚଳର ଲୋକ ବିଭିନ୍ନ ମୌଳିକ ସମସ୍ୟାର ସମାଧାନ ପାଇଁ ମୋକିମଙ୍କୁ ଧନ୍ୟବାଦ ଦେବା ସହିତ ସୋଫିଆଙ୍କୁ ଆଶୀର୍ବାଦ ଦେଇଥିଲେ। ଛାତ୍ର, ଯୁବକ, ମହିଳାଙ୍କର ବିକାଶ ପାଇଁ ସ୍ବତନ୍ତ୍ର ଗୁରୁତ୍ୱ ଦେବେ ବୋଲି ସୋଫିଆ ପ୍ରତିଶ୍ରୁତି ଦେଇଥିଲେ। ଏଥିରେ ନଗର କଂଗ୍ରେସ ପୂର୍ବତନ ସଭାପତି ଗିରିବାଳା ବେହେରା, ଶୈଳବାଳା ଜେନା, କେଦାର ପୃଷ୍ଟି, ୱାର୍ଡ ସଂଯୋଜକ ମହମ୍ମଦ ଅଲିମ, ସୁଧାଂଶୁ ଆଚାର୍ଯ୍ୟ, ଜନ ଆଶୁତୋଷ ଦାସ, ଗୁଣନିଧି ପୁଲାର, ସଞ୍ଜୟ ସେନାପତି, ସୁରଜିତ ସାହୁ, ଟିକି ବାବୁ, ମୁନି ସାହୁ, ବୀରେନ୍ଦ୍ର ଦାସ, ବିକ୍ରମ ସାମଲ, ସୂର୍ଯ୍ୟକାନ୍ତ ରାଉତ, ଶରତ ଚନ୍ଦ୍ର ସେଠୀ, ଆର୍ଯ୍ୟବୀର ଲେଙ୍କା, ବିକି ଚକ୍ରବର୍ତ୍ତୀ, ସନ୍ତୋଷ ପାତ୍ର, ବିକ୍ରମ ବିଶ୍ୱାଳ, ଦେବେନ୍ଦ୍ର ସେଠୀ, ସୟଦ ରମଜାନ ଅଲ୍ଲୀ, ସେକ ଗୁଲାମମୋଇଦ୍ଦିନ, ରାକେଶ ମହାରଣା ପ୍ରମୁଖ ସାମିଲ ହୋଇଥିଲେ।
[ad_2]
