[ad_1]
ନୂଆଦିଲ୍ଲୀ: ତେଲେଙ୍ଗାନାରେ ଧର୍ମ ଭିତ୍ତିକ ସଂରକ୍ଷଣକୁ ନେଇ ବଡ ବୟାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି ଯେ ଯେପର୍ଯ୍ୟନ୍ତ ସେ ଜୀବିତ ଅଛନ୍ତି, ଦେଶର ମୁସଲମାନମାନଙ୍କୁ ଧର୍ମ ଆଧାରରେ ସଂରକ୍ଷଣ ଦିଆଯିବ ନାହିଁ। ପ୍ରଧାନମନ୍ତ୍ରୀ କଂଗ୍ରେସକୁ ଟାର୍ଗେଟ୍ କରି କହିଛନ୍ତି ଯେ ଯେପର୍ଯ୍ୟନ୍ତ ସେ ବଞ୍ଚିରହିବେ ଅନୁସୂଚିତ ଜାତି, ଜନଜାତି ଓ ଓବିସିଙ୍କ ବଦଳରେ ଧର୍ମ ଆଧାରରେ ମୁସଲମାନମାନଙ୍କୁ ସଂରକ୍ଷଣ ଦେବାକୁ ସେ ଅନୁମତି ଦେବେ ନାହିଁ। ମେଡକ ଜିଲ୍ଲାରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରି ମୋଦି ପ୍ରତିଶ୍ରୁତି ଦେଇଛନ୍ତି ଯେ ସେ ତାଙ୍କ ତୃତୀୟ ପାଳିରେ ସମ୍ବିଧାନର ୭୫ ବର୍ଷ ପୂର୍ତ୍ତିକୁ ବଡ଼ ଧରଣରେ ପାଳନ କରାଯିବ।
Sambad is now on WhatsApp
Join and get latest news updates delivered to you via WhatsApp
ତେଲେଙ୍ଗାନାରେ କେସିଆର ସରକାର ମୁସଲିମମାନଙ୍କୁ ୪ ପ୍ରତିଶତ ସଂରକ୍ଷଣ ଦେଇଥିଲେ । ଧର୍ମ ଭିତ୍ତିରେ ସଂରକ୍ଷଣକୁ ବିଜେପି ବିରୋଧ କରିଆସିଛି । ଗତ ବର୍ଷ ତେଲେଙ୍ଗାନା ବିଧାନସଭା ନିର୍ବାଚନ ସମୟରେ ଗୃହମନ୍ତ୍ରୀ ଅମିତ ଶାହା କହିଥିଲେ ଯେ ରାଜ୍ୟରେ ତାଙ୍କ ସରକାର କ୍ଷମତାକୁ ଆସିଲେ ଏହି କୋଟା ଉଠାଇଦେବ ।
ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କୁ ଟାର୍ଗେଟ କରି ମୋଦି ଅଭିଯୋଗ କରିଛନ୍ତି ଯେ ରାଜ୍ୟରେ ଡବଲ ଆର (ଆରଆର) ଟିକସ ଜରିଆରେ ଆଦାୟ ହୋଇଥିବା ଟଙ୍କା ଦିଲ୍ଲୀ ପଠାଯାଉଛି। ପ୍ରଧାନମନ୍ତ୍ରୀ ‘ଆରଆରଆର’ ନାମକ ବ୍ଲକବଷ୍ଟର ତେଲୁଗୁ ଚଳଚ୍ଚିତ୍ର ବିଷୟରେ ଉଲ୍ଲେଖ କରି ଏହି ମନ୍ତବ୍ୟ ଦେଇଛନ୍ତି । ଏକ ନକଲି ଭିଡିଓ ମାମଲାକୁ ନେଇ କଂଗ୍ରେସ ଦଳକୁ ସମାଲୋଚନା କରି ସେ କହିଛନ୍ତି ଯେ ଲୋକଙ୍କୁ ବିଭ୍ରାନ୍ତ କରିବା ଏବଂ ସମାଜରେ ଉତ୍ତେଜନା ସୃଷ୍ଟି କରିବା ପାଇଁ ଏହା କରାଯାଉଛି। ସେ ଆହୁରି ମଧ୍ୟ କହିଛନ୍ତି ଯେ କଂଗ୍ରେସ କ୍ଷମତାକୁ ଆସିଲେ ୫୫ ପ୍ରତିଶତ ଉତ୍ତରାଧିକାର ଟିକସ ଲଗାଇବ ।
[ad_2]
