[ad_1]
ନୂଆଦିଲ୍ଲୀ: ଗ୍ରେଟର ନୋଏଡାର ଏକ ବିଦ୍ୟାଳୟରେ ଜଣେ ଶିକ୍ଷକଙ୍କ ମାଡ଼ରେ ଛାତ୍ର ଗୁରୁତର ଆହତ ହୋଇଥିବା ଅଭିଯୋଗ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାଟି ଖେଡି ଭନୋତା ଗ୍ରାମରେ ଅବସ୍ଥିତ ଗୋପୀଚନ୍ଦ ଇଣ୍ଟର କଲେଜରେ ଘଟିଛି। ଏଠାରେ ଜଣେ ଚତୁର୍ଥଶ୍ରେଣୀ ଛାତ୍ରଙ୍କ ମୁଣ୍ଡରେ କେଶ ବଡ଼ବଡ଼ ହୋଇଯାଇଥିଲା। ଯାହାକୁ ଦେଖିବା ପରେ ଶିକ୍ଷକ ରାଗି ଯାଇଥିଲେ। କାରଣ ଛାତ୍ରଙ୍କୁ କେଶ କାଟି ସ୍କୁଲ ଆସିବା ପାଇଁ ଶିକ୍ଷକ କହିଥିଲେ। କିନ୍ତୁ ଛାତ୍ର ଜଣକ ଶିକ୍ଷକଙ୍କ କଥା ମାନି ନଥିଲେ। ଏହାପରେ ଉକ୍ତ ଛାତ୍ରଙ୍କୁ ଶିକ୍ଷକ ନିଜ ପାଖକୁ ଡାକି ଦୁଇଗୋଡ଼ ମଧ୍ୟରେ ମୁଣ୍ଡକୁ ଫସାଇ ନିସ୍ତୁକମାଡ଼ ମାରିଥିଲେ। ଯଦ୍ବାରା ଛାତ୍ରଙ୍କ ପିଠି, ଜଙ୍ଘ ଫାଟି ଯାଇଥିଲା।
ଛାତ୍ର ଜଣକ ଗୁରୁତର ଅବସ୍ଥାରେ ଘରେ ପହଞ୍ଚି ସମସ୍ତ ଘଟଣା ବିଷୟରେ ବାପା ଓ ମା’ଙ୍କୁ ଜଣାଇଥିଲେ। ପୁଅଠାରୁ ଏଭଳି କଥା ଶୁଣିବା ପରେ ପରିବାର ଲୋକ ସୁରଜପୁର ଥାନାରେ ଶିକ୍ଷକଙ୍କ ବିରୋଧରେ ଅଭିଯୋଗ କରିଥିଲେ। ଏହି ଅଭିଯୋଗକୁ କେନ୍ଦ୍ର କରି ପୁଲିସ ଯାଞ୍ଚ ଆରମ୍ଭ କରିଥିଲା। ଏଥିସହିତ ସ୍କୁଲରେ ଲାଗିଥିବା ସିସିଟିଭି ଫୁଟେଜ ଜବତ କରି ଶିକ୍ଷକଙ୍କୁ ଥାନାକୁ ଡକାଇ ପୁଲିସ ପଚରାଉଚରା ଜାରି ରଖିଛି।
ଶିକ୍ଷକଙ୍କ ଏଭଳି କାମକୁ ନେଇ ଉକ୍ତ ଅଞ୍ଚଳରେ ତୀବ୍ର ସମାଲୋଚନା କରାଯାଉଛି।
[ad_2]
