ହେମାମାଳିନୀଙ୍କୁ ନେଇ ମନ୍ତବ୍ୟ ଦେବା ପରେ କଂଗ୍ରେସ ସାଂସଦଙ୍କୁ ସମନ କଲା ହରିୟାଣା ମହିଳା କମିଶନ – Kalinga News
[ad_1]
ନୂଆଦିଲ୍ଲୀ: ହରିୟାଣା ରାଜ୍ୟ ମହିଳା କମିଶନ କଂଗ୍ରେସ ନେତା ତଥା ସାଂସଦ ରଣଦୀପ ସିଂହ ସୁରଜେୱାଲାଙ୍କୁ ଏପ୍ରିଲ ୧୮ ତାରିଖରେ ହାଜର ହୋଇ ବିଜେପି ନେତ୍ରୀ ହେମାମାଳିନୀଙ୍କ ବିରୋଧରେ ଦେଇଥିବା ମନ୍ତବ୍ୟର ସ୍ପଷ୍ଟୀକରଣ ଦେବାକୁ ସମନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
କମିଶନ କହିଛନ୍ତି ଯେ କଂଗ୍ରେସ ନେତାଙ୍କ ମନ୍ତବ୍ୟ ଜଣେ ମହିଳାଙ୍କ ମର୍ଯ୍ୟାଦାକୁ ଆଘାତ ଦେଇଛି ଏବଂ ଏହା ଅନୁଚିତ।
ବିଜେପି ଆଇଟି ବିଭାଗ ମୁଖ୍ୟ ଅମିତ ମାଲବ୍ୟଙ୍କ ଦ୍ୱାରା ସେୟାର କରାଯାଇଥିବା ଏକ ଭିଡିଓରେ ରଣଦୀପ ସୁରଜେୱାଲା ବିଜେପିକୁ ସମାଲୋଚନା କରିବା ସହ ହେମାମାଳିନୀଙ୍କ ବିଷୟରେ ଆପତ୍ତିଜନକ ମନ୍ତବ୍ୟ ଦେଉଥିବାର ଦୃଶ୍ୟ ଦେଖିବାକୁ ମିଳିଥିଲା।
ରଣଦୀପ ସୁରଜେୱାଲାଙ୍କ ମନ୍ତବ୍ୟକୁ ଅଶ୍ଳୀଳ, ଲିଙ୍ଗଗତ ଏବଂ ଅପମାନଜନକ ବୋଲି ନିନ୍ଦା କରି ବିଜେପି ତୁରନ୍ତ ନିର୍ବାଚନ କମିଶନଙ୍କ ନିକଟରେ ଅଭିଯୋଗ କରିଥିଲା।
ତେବେ ରଣଦୀପ ସୁରଜେୱାଲା ନିଜ ପକ୍ଷ ରଖି କହିଛନ୍ତି ଯେ ଏହି ଭିଡିଓକୁ ଭୁଲ ଭାବେ ବ୍ୟବହାର କରାଯାଇଛି। ସେ ଦୃଢ଼ୋକ୍ତି ପ୍ରକାଶ କରିଛନ୍ତି ଯେ ସେ ବିଜେପି ସାଂସଦଙ୍କୁ ଅପମାନିତ କିମ୍ବା ଅପନିନ୍ଦିତ କରିବାକୁ ସେ କେବେ ବି ଚାହୁଁ ନଥିଲେ।
ନିର୍ବାଚନ କମିଶନ ମଧ୍ୟ ରଣଦୀପ ସୁରଜେୱାଲାଙ୍କ ବିରୋଧରେ କଠୋର ଆଭିମୁଖ୍ୟ ଗ୍ରହଣ କରିବା ସହ ଅଭିନେତ୍ରୀ-ରାଜନେତାଙ୍କ ବିରୋଧରେ ଅସମ୍ମାନଜନକ, ଅସଭ୍ୟ ଏବଂ ଅଶ୍ଳୀଳ ମନ୍ତବ୍ୟ ଦେଇଥିବାରୁ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି।
ତେବେ ରଣଦୀପ ସୁରଜେୱାଲା କହିଛନ୍ତି ଯେ ଏହି ଭିଡିଓକୁ ଭୁଲ ଭାବେ ବ୍ୟବହାର କରାଯାଇଛି। ସେ ବିଜେପି ସାଂସଦଙ୍କୁ ଅପମାନିତ କରିବାକୁ କେବେ ବି ଚାହୁଁ ନଥିଲେ।
[ad_2]
