[ad_1]
ଚନ୍ଦ୍ରଶେଖର ଇସ୍ତାହାର କମିଟି ଅଧ୍ୟକ୍ଷ
ଭୁବନେଶ୍ବର: ବିଜେପି ନେତା ଭୃଗୁ ବକ୍ସିପାତ୍ର ଆଜି ବିଜେପିରୁ ଇସ୍ତଫା ଦେଇ ବିଜେଡିରେ ଯୋଗ ଦେଇଛନ୍ତି। ଯୋଗ ଦେବାର କିଛି ଘଣ୍ଟା ପରେ ତାଙ୍କ ନାମ ବ୍ରହ୍ମପୁର ଲୋକସଭା ଆସନ ପାଇଁ ବିଜେଡି ଘୋଷଣା କରିଛି। ସେହିପରି ବରଗଡ଼ ଜିଲ୍ଲା ବିଜେପି ଉପସଭାପତି ସୁଶାନ୍ତ ମିଶ୍ର ଓ ତାଙ୍କ ପତ୍ନୀ ସମାଜସେବୀ ପରିଣୀତା ମିଶ୍ର ଆଜି ବିଜେଡିରେ ସାମିଲ ହୋଇଛନ୍ତି। ସଙ୍ଗେ ସଙ୍ଗେ ପରିଣୀତାଙ୍କୁ ବିଜେଡିର ବରଗଡ଼ ଲୋକସଭା ଆସନ ପ୍ରାର୍ଥୀ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ପୂର୍ବାହ୍ନରେ ଶଙ୍ଖ ଭବନରେ ସାଂସଦ ଚନ୍ଦ୍ରଶେଖର ସାହୁ, ବିଧାୟକ ବିକ୍ରମ ପଣ୍ଡା, ସାଂସଦ ମାନସ ରଞ୍ଜନ ମଙ୍ଗରାଜ ଓ ସସ୍ମିତ ପାତ୍ରଙ୍କ ଉପସ୍ଥିତିରେ ଶ୍ରୀ ବକ୍ସିପାତ୍ର ବିଜେଡିରେ ସାମିଲ ହୋଇଥିଲେ। ନିଜ ପ୍ରତିକ୍ରିୟାରେ ସେ କହିଥିଲେ, ଆଜିଠାରୁ ମୋ ରାଜନୈତିକ ଜୀବନରେ ନୂଆ ଅଧ୍ୟାୟ ଆରମ୍ଭ ହେଲା। ନବୀନ ବାବୁଙ୍କ ନେତୃତ୍ବରେ ଗୁଣ୍ଡୁଚି ମୂଷା ଭଳି କାମ କରିବାକୁ ଆସିଛି। ଆଉ ଏକ ମିଶ୍ରଣ ପର୍ବରେ ବିଧାୟକ ସୁଶାନ୍ତ ସିଂହ ଓ ଦୀପାଳି ଦାସ, ସସ୍ମିତ ପାତ୍ରଙ୍କ ଉପସ୍ଥିତିରେ ସୁଶାନ୍ତ ମିଶ୍ର ଓ ପରିଣୀତା ମିଶ୍ର ବିଜେଡିରେ ସାମିଲ ହୋଇଥିଲେ। ସୁଶାନ୍ତ ଓ ପରିଣତୀ କହିଥିଲେ ଯେ ବରଗଡ଼ ଜିଲ୍ଲାରେ ଯେପରି ବିକାଶମୂଳକ କାମ ହେଉଛି ତାହା ଅବର୍ଣ୍ଣନୀୟ। ଓଡ଼ିଶାକୁ ଦେଶର ଏକ ନମ୍ବର ରାଜ୍ୟ କରିବା ପାଇଁ ଆମେ ମୁଖ୍ୟମନ୍ତ୍ରୀଙ୍କ ନେତୃତ୍ବରେ କାମ କରିବୁ। ବିଜେଡି ମୁଖପାତ୍ର ପ୍ରିୟବ୍ରତ ମାଝୀ ଧନ୍ୟବାଦ ଅର୍ପଣ କରିଥିଲେ।
[ad_2]
