[ad_1]
କୋଟା: ଡାକ୍ତରୀ ପାଠ୍ୟକ୍ରମରେ ନାମଲେଖା ପାଇଁ ଜାତୀୟ ଯୋଗ୍ୟତା ପ୍ରବେଶିକା ପରୀକ୍ଷା (ନିଟ୍) ପାଇଁ ପ୍ରସ୍ତୁତ ହେଉଥିବା ଜଣେ ୨୦ ବର୍ଷୀୟ ଛାତ୍ର ମଙ୍ଗଳବାର ରାଜସ୍ଥାନର କୋଟାରେ ଆତ୍ମହତ୍ୟା କରିଛନ୍ତି। ଗତବର୍ଷ ଜିଲ୍ଲାରେ ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ୨୭ ଜଣ ଛାତ୍ରଛାତ୍ରୀ ଆତ୍ମହତ୍ୟା କରିଥିଲେ। ଏ ବର୍ଷ ବର୍ତ୍ତମାନ ସୁଦ୍ଧା ଏହି ସଂଖ୍ୟା ୬ରେ ପହଞ୍ଚିଛି। କୋଟାର ବିଜ୍ଞାନ ନଗର ଥାନା ଅଧିକାରୀ ସତୀଶ ଚାନ୍ଦ ମଙ୍ଗଳବାରର ଘଟଣା ସମ୍ପର୍କରେ ସୂଚନା ଦେଇ କହିଛନ୍ତି ଯେ ଉତ୍ତରପ୍ରଦେଶ କନୌଜର ଜଣେ ଛାତ୍ର ନିଜ ଭଡ଼ା ଘରେ ଥିବା ସିଲିଂ ଫ୍ୟାନ୍ରୁ ଝୁଲି ଆତ୍ମହତ୍ୟା କରିଛନ୍ତି। ସକାଳେ ସେ ତାଙ୍କ ପିତାମାତାଙ୍କ ଫୋନ୍ର ଉତ୍ତର ନ ଦେବାରୁ ଏହି ଘଟଣା ସାମ୍ନାକୁ ଆସିଥିଲା, ଯାହା ପରେ ସେମାନେ ଜବାହର ନଗର ଅଞ୍ଚଳରେ ରହୁଥିବା ପୁଅର ସାଙ୍ଗମାନଙ୍କୁ ଫୋନ୍ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସାଙ୍ଗମାନେ ତାଙ୍କ ଆପାର୍ଟମେଣ୍ଟରେ ପହଞ୍ଚି ଘରମାଲିକ ଓ ସିକ୍ୟୁରିଟି ଗାର୍ଡଙ୍କୁ ଡାକି କବାଟ ଭାଙ୍ଗି ତାଙ୍କ ମୃତଦେହ ଉଦ୍ଧାର କରିଥିଲେ। ମୃତକ ଜଣକ ଗତ ଏକ ବର୍ଷ ହେବ କୋଟାରେ ପାଠ ପଢୁଥିଲେ ଏବଂ କିଛି ଦିନ ତଳେ ଏହି ଆପାର୍ଟମେଣ୍ଟରେ ରହୁଥିଲେ। ତାଙ୍କ କୋଠରିରୁ କୌଣସି ସୁଇସାଇଡ୍ ନୋଟ୍ ମିଳି ନ ଥିବା ବେଳେ ତାଙ୍କ ମୃତ୍ୟୁ ସମ୍ପର୍କରେ ପିତାମାତାଙ୍କୁ ଅବଗତ କରାଯାଇଛି ବୋଲି ପୁଲିସ କହିଛି। ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି। ତାଙ୍କ ଆଚରଣରେ କୌଣସି ପରିବର୍ତ୍ତନ ହୋଇଥିଲା କି ନାହିଁ ଆମେ ଅନୁସନ୍ଧାନ କରୁଛୁ ବୋଲି ଚାନ୍ଦ କହିଛନ୍ତି।
[ad_2]
