ରାଜନୀତିରେ ଯୋଗ ଦେଇପାରନ୍ତି ଅକ୍ଷୟ, ବିଜେପି ଟିକେଟରେ ଚାନ୍ଦନୀ ଚୌକରୁ ଲଢ଼ିପାରନ୍ତି ନିର୍ବାଚନ – Kalinga News
[ad_1]
ମୁମ୍ବାଇ: ଦିଲ୍ଲୀର ଚାନ୍ଦନୀ ଚୌକରୁ ନିର୍ବାଚନ ଲଢ଼ିବେ ବଲିଉଡର ଖିଲାଡି କୁମାର ଅକ୍ଷୟ। ବିଜେପି ଟିକେଟରେ ଆଗାମୀ ଲୋକସଭା ନିର୍ବାଚନରେ ଅକ୍ଷୟ ପ୍ରତିଦ୍ୱନ୍ଦ୍ୱିତା କରିବେ ବୋଲି ଚର୍ଚ୍ଚା ହେଉଛି। କିଛି ମାସ ମଧ୍ୟରେ ଲୋକସଭା ନିର୍ବାଚନ ହେବାକୁ ଥିବା ବେଳେ ଏହାକୁ ନେଇ ଲୋକଙ୍କ ଉତ୍ସାହ ବଢ଼ିଛି। ଆଗାମୀ ନିର୍ବାଚନ ପାଇଁ ପ୍ରତ୍ୟେକ ଦଳ ମଧ୍ୟ ରଣନୀତି ପ୍ରସ୍ତୁତ କରିବା ଆରମ୍ଭ କରିଛନ୍ତି। ଦେଶର ରାଜଧାନୀ ଦିଲ୍ଲୀରେ ଆମ୍ ଆଦମୀ ପାର୍ଟି ଏବଂ କଂଗ୍ରେସ ଏକ ମେଣ୍ଟ ଗଠନ କରି ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀର ୪ଟି ଆସନରେ ଆପ୍ ଦଳ ପ୍ରତିଦ୍ୱନ୍ଦ୍ୱିତା କରୁଥିବାବେଳେ କଂଗ୍ରେସ ୩ଟି ଆସନରେ ପ୍ରତିଦ୍ୱନ୍ଦ୍ୱିତା କରିବ ବୋଲି ଜଣାପଡ଼ିଛି । ଏହି ୨ଦଳକୁ ଟକ୍କର ଦେବା ପାଇଁ ଏବେ ନୂଆ ଚେହେରାକୁ ଟିକେଟ ଦେଇ ଦିଲ୍ଲୀରେ ନିର୍ବାଚନ ଲଢ଼ିବାକୁ ବିଜେପି ନିଷ୍ପତ୍ତି ନେଇପାରେ ବୋଲି ଚର୍ଚ୍ଚା ହେଉଛି । ଏଭଳି ପରିସ୍ଥିତିରେ ବିଜେପି ବଲିଉଡ ଅଭିନେତା ଅକ୍ଷୟ କୁମାରଙ୍କୁ ଟିକେଟ ଦେବ ବୋଲି କୁହାଯାଉଛି ।
ଜାତୀୟ ଗଣମାଧ୍ୟମ ନବଭାରତ ଟାଇମ୍ସର ରିପୋର୍ଟ ଅନୁଯାୟୀ ବଲିଉଡର ଖିଲାଡି କୁମାର ଅର୍ଥାତ୍ ଅକ୍ଷୟ କୁମାରଙ୍କୁ ଦିଲ୍ଲୀର ଚାନ୍ଦନୀ ଚୌକ୍ ଆସନରୁ ନିର୍ବାଚନ ଲଢ଼ିବାକୁ ଅଫର ଦେଇପାରେ ବିଜେପି । କୁହାଯାଉଛି ଯେ ଦଳର କିଛି ନେତା ଅଭିନେତାଙ୍କ ସହ ଯୋଗାଯୋଗରେ ଅଛନ୍ତି । ତେବେ ଏ ସମ୍ପର୍କରେ ଏପର୍ଯ୍ୟନ୍ତ କୌଣସି ଅଧିକାରୀକ ଘୋଷଣା କରାଯାଇ ନାହିଁ ।
[ad_2]
