[ad_1]
ହାଇଦ୍ରାବାଦ: ଟ୍ରାଫିକ ପୁଲିସଙ୍କ ଉପରକୁ ହାତ ଉଠାଇଲେ ଅଭିନେତ୍ରୀ। ହାଇଦ୍ରାବାଦରେ ଘଟିଛି ଏଭଳି ଘଟଣା। ରାସ୍ତାର ଡାହାଣ ପଟେ ଆସୁଥିବାରୁ ତେଲୁଗୁ ଅଭିନେତ୍ରୀ ସୌମ୍ୟା ଜାନୁଙ୍କୁ ଅଟକାଇଥିଲେ ଟ୍ରାଫିକ ପୁଲିସ। ଅନେକ ଲୋକ ଏଭଳି ଆସୁଛନ୍ତି। ମୋତେ କାହିଁକି ଅଟକାଉଛ ବୋଲି କହି ଯୁକ୍ତି କରିଥିଲେ ସୌମ୍ୟା। ଯୁକ୍ତିତର୍କ ଏତେ ବଢ଼ିଯାଇଥିଲା ଯେ, ସୌମ୍ୟା ଟ୍ରାଫିକ ପୁଲିସଙ୍କ ସହ ଅସଦାଚରଣ କରି ତାଙ୍କ ପୋଷାକ ଫାଡ଼ି ଦେଇଥିବା କୁହାଯାଉଛି। ଫେବ୍ରୁଆରି ୨୪ରେ ଏହି ଘଟଣା ଘଟିଥିବା ବେଳେ ଏବେ ଏହାର ଭିଡିଓ ଭାଇରାଲ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ପୂରା ଘଟଣା କଏଦ ହୋଇଛି। ଭିଡିଓରେ ଦେଖାଯାଇଛି ଯେ, ରାସ୍ତାର ଡାହାଣ ପଟେ ଆସୁଥିବା ଦେଖି ଟ୍ରାଫିକ ପୁଲିସ ସୌମ୍ୟାଙ୍କୁ ଅଟକାଉଛନ୍ତି। ଏହା ଦେଖି ସୌମ୍ୟା ରାଗି ଯାଉଛନ୍ତି। ଗାଡ଼ିରୁ ବାହାରି ସେ ଟ୍ରାଫିକ ପୁଲିସଙ୍କ ସହ ଝଗଡ଼ା କରିବା ଆରମ୍ଭ କରିଦେଉଛନ୍ତି। ଭୁଲ ମାନିବା ପରିବର୍ତ୍ତେ ସମସ୍ତେ ଯାଉଛନ୍ତି, ମୁଁ ଗଲେ କ’ଣ ଅସୁବିଧା ହେଲା ବୋଲି କହୁଛନ୍ତି ସୌମ୍ୟା। ଟ୍ରାଫିକ ପୁଲିସଙ୍କ ବ୍ୟତୀତ ଅନ୍ୟ ଲୋକମାନେ ମଧ୍ୟ ସୌମ୍ୟାଙ୍କୁ ବୁଝାଇବାକୁ ଚେଷ୍ଟା କରୁଥିବା ବେଳେ କାହା କଥା ନଶୁଣି ଟ୍ରାଫିକ ପୁଲିସଙ୍କ ସହ ଅସଦାଚରଣ କରୁଛନ୍ତି।
Telugu actress Sowmya Janu attacked a traffic home guard after she was stopped by the guard for driving her Jaguar car on the wrong side in Banjara Hills, Hyderabad. In the video she is admitting that she was driving in the wrong direction but still she is defending her action. pic.twitter.com/mvov3dSVMr
— NCMIndia Council For Men Affairs (@NCMIndiaa) February 27, 2024
କୁହାଯାଉଛି ଯେ, ରାଗରେ ସେ ଟ୍ରାଫିକ ପୁଲିସଙ୍କ ପୋଷାକ ଫାଡ଼ି ଦେଇଥିଲେ। ତେବେ ଏହି ଘଟଣା ପରେ ତାଙ୍କ ବିରୋଧରେ ଏତଲା ରୁଜୁ କରିଛି ପୁଲିସ।
[ad_2]
