[ad_1]
ମୁମ୍ବାଇ: ସୋନୁ ସୁଦ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନ୍ୟତମ ଦକ୍ଷ ଅଭିନେତା । କରୋନା ମହାମାରୀ ସମୟରେ ସେ ଗରିବ, ପ୍ରବାସୀ ଶ୍ରମିକ ଏବଂ ଶ୍ରମିକମାନଙ୍କୁ ଖୁବ ସାହାଯ୍ୟ କରିଥିଲେ। ଏହାପରେ ଲୋକମାନେ ସୋନୁଙ୍କୁ ବାସ୍ତବ ହିରୋ ବୋଲି କହିବା ସହିତ ଦେବଦୂତ ବୋଲି ବି କହିଥିଲେ। ସୋନୁଙ୍କୁ ଭେଟି ଉପହାର ଦେବା ପାଇଁ ତାଙ୍କ ଫ୍ୟାନ୍ସମାନେ ଖୁବ ଭଲପାଇ ଥାଆନ୍ତି। ଅଭିନେତା ବି ଫ୍ୟାନ୍ସଙ୍କ ସମସ୍ତ ଉପହାରକୁ ସ୍ନେହର ସହ ଗ୍ରହଣ କରନ୍ତି।
Sambad is now on WhatsApp
Join and get latest news updates delivered to you via WhatsApp
ସୋନୁ ସୁଦ ସୋସିଆଲ ମିଡିଆରେ ଖୁବ ସକ୍ରିୟ। କିଛି ଘଣ୍ଟା ପୂର୍ବରୁ ସେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ପୋଷ୍ଟ ସେୟାର କରିଥିଲେ। ଏହି ପୋଷ୍ଟରେ ସୋନୁ ଏକ ରେସ୍ତୋରାଁ ଓ ଚିଠିର ଫଟୋ ସେୟାର କରିଛନ୍ତି।
ଏଥିସହିତ ସେ କହିଛନ୍ତି କି, ‘ମୁଁ ଏକ ରେସ୍ତୋରାଁକୁ ରାତ୍ରି ଭୋଜନ ପାଇଁ ଯାଇଥିଲି। ସେଠାରେ କେହି ଜଣେ ଅଜ୍ଞାତ ବ୍ୟକ୍ତି ମୋର ରାତ୍ରୀ ଭୋଜନ ପାଇଁ ବିଲ ପୈଠ କରି ଏକ ସ୍ନେହର ଚିଠି ଛାଡ଼ି ଯାଇଛନ୍ତି। ଏହି ଚିଠିରେ ଅଜ୍ଞାତ ବ୍ୟକ୍ତି ଜଣକ ମୋର କାମକୁ ଭୁରିଭୁରି ପ୍ରଶଂସା କରିଛନ୍ତି। ଏଥିସହିତ ସେ ମୋ କାମରେ ପ୍ରଭାବିତ ହୋଇ ଏହି ଛୋଟ ଉପହାର ଦେଇଥିବା କଥା ଉଲ୍ଲେଖ କରିଛନ୍ତି।
[ad_2]
