ଆସାମ ହିଂସାକୁ ନେଇ ରାହୁଲ ଗାନ୍ଧୀଙ୍କ ବିରୋଧରେ ମାମଲା ରୁଜୁ – Kalinga News
[ad_1]
ଗୌହ୍ବାଟୀ: ଆସାମରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ବିରୋଧରେ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି। ରାହୁଲ ଗାନ୍ଧୀଙ୍କ ବିରୋଧରେ ‘ଭାରତ ଯୋଡୋ ନୟା ଯାତ୍ରା’ ସମୟରେ ହିଂସା ସୃଷ୍ଟି କରିଥିବା ଅଭିଯୋଗ ହୋଇଛି। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ମଙ୍ଗଳବାର ଏହି ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ‘‘କଂଗ୍ରେସ ସଦସ୍ୟଙ୍କ ତରଫରୁ ଆଜି ହିଂସା, ଉତ୍ତେଜନା, ଜନସାଧାରଣଙ୍କ ସମ୍ପତ୍ତି ନଷ୍ଟ କରିବା ଏବଂ ପୁଲିସ୍ ଉପରେ ଆକ୍ରମଣ ଘଟଣାରେ ରାହୁଲ ଗାନ୍ଧୀ, କେସି ଭେନୁଗୋପାଲ, କହ୍ନେୟା କୁମାର ଏବଂ ଅନ୍ୟ ବ୍ୟକ୍ତିଙ୍କ ବିରୋଧରେ ଆଜି ମାମଲା ରୁଜୁ ହୋଇଛି।
With reference to wanton acts of violence, provocation , damage to public property and assault on police personnel today by Cong members , a FIR has been registered against Rahul Gandhi, KC Venugopal , Kanhaiya Kumar and other individuals under section…
— Himanta Biswa Sarma (@himantabiswa) January 23, 2024
ରାହୁଲ ଗାନ୍ଧୀଙ୍କ ‘ଭାରତ ଯୋଡୋ ନୟା’ ଯାତ୍ରା ମଙ୍ଗଳବାର ଦିନ ଗୌହ୍ବାଟୀରେ ପହଞ୍ଚିଥିଲା, ଯାହାକୁ ଆସାମ ପୁଲିସ ଅଟକାଇଥିଲା। ରାହୁଲ ତାଙ୍କ ସମର୍ଥକଙ୍କ ସହ ଗୌହ୍ବାଟୀ ସହର ଦେଇ ଯିବାକୁ ଚାହୁଁଥିଲେ, କିନ୍ତୁ ପ୍ରଶାସନ ଏହାକୁ ଅନୁମତି ଦେଇନଥିଲା। ଗୌହ୍ଟାଟୀ ସହରକୁ ଯାଉଥିବା ରାସ୍ତାରେ ପୁଲିସ ବ୍ୟାରିକେଡ୍ କରିଥିଲା। ଏହା ପରେ କଂଗ୍ରେସ ସମର୍ଥକମାନେ ପୁଲିସ ସହିତ ମୁହାଁମୁହିଁ ହୋଇଥିଲେ। ତା’ପରେ ରାହୁଲ ଗାନ୍ଧୀଙ୍କ ବିରୋଧରେ ମାମଲା ରୁଜୁ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ।
ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା କହିଛନ୍ତି, “ଏଭଳି ଆଚରଣ ଆସାମ ସଂସ୍କୃତିର ଏକ ଅଂଶ ନୁହେଁ। ଏହି ନକ୍ସଲ କାର୍ଯ୍ୟକଳାପ ଆମ ସଂସ୍କୃତିଠାରୁ ଭିନ୍ନ ଅଟେ। ମାଓବାଦୀଙ୍କ ଉତ୍ତେଜନା ପାଇଁ ରାହୁଲ ଗାନ୍ଧୀଙ୍କ ବିରୋଧରେ ଏଫଆଇଆର ପଞ୍ଜିକରଣ କରିବାକୁ ମୁଁ ଆସାମ ପୁଲିସର ଡିଜିପିଙ୍କୁ ନିର୍ଦ୍ଦେଶ ଦେଇଛି।”
[ad_2]