ପ୍ରୋଟୀନରେ ଭରପୂର ପନୀର ଶାକାହାରୀ ଲୋକଙ୍କ ପାଇଁ ପ୍ରିୟ ଫୁଡ୍ ମଧ୍ୟରୁ ଗୋଟିଏ। ଏହାକୁ ସମସ୍ତଙ୍କ ଘରେ ଭିନ୍ନ ଭିନ୍ନ ପ୍ରକାରର ତିଆରି କରାଯାଇଥାଏ। କ୍ଷୀରରେ ଏହି ପନୀରକୁ ତିଆରି କରାଯାଇଥାଏ। ଆପଣ ପନୀର ରେସିପି ବନାଇବାକୁ ଚାହୁଁଥିଲେ ବଜାରକୁ ଯିବାକୁ ପଡିଥାଏ କିନ୍ତୁ ଆଜି ଆମେ ଆପଣଙ୍କୁ ଘରେ କେମିତି ସହଜରେ ଏହାକ ପ୍ରସ୍ତୁତ କରିବେ ତାହା ଜଣାଇବୁ।
ପନୀରରେ ଭରପୂର ମାତ୍ରାରେ ପ୍ରୋଟୀନ ରହିଥାଏ। ଏହା ସହିତ କମ୍ କ୍ୟାଲୋରୀ ହୋଇଥାଏ ଯେଉଁ କାରଣରୁ ଏହା ସ୍ବାସ୍ଥ୍ୟ ପାଇଁ ଭଲ ବୋଲି କୁହାଯାଏ। ୧୦୦ ଗ୍ରାମ ପନୀରରେ ୧୧ ଗ୍ରାମ ପ୍ରୋଟୀନ ସହିତ ବହୁତ ମାତ୍ରାରେ କ୍ୟାଲସିୟମ ମିଳିଥାଏ।
ପନୀର ପ୍ରସ୍ତୁତ କରିବା ପାଇଁ କ୍ଷୀର, ଅଳ୍ପ ପାଣି ଏବଂ ଲେମ୍ବୁର ଆବଶ୍ୟକତା ହୋଇଥାଏ। ପନୀରକୁ ପ୍ରସ୍ତୁତ କରିବା ପାଇଁ ଏକ ପାତ୍ରରେ କ୍ଷୀର ନେଇ ଫୁଟାନ୍ତୁ। ଏହାପରେ ଲେମ୍ବୁ ରସରେ ପାଣି ମିଶାଇ କ୍ଷୀରରେ ମିଶାଇ ଦିଅନ୍ତୁ।
ଆପଣ ଦେଖିବେ କିଛି ସମୟ ପରେ କ୍ଷୀର ଫାଟିବାରେ ଲାଗିବ। ଯେତେବେଳେ ଏହା ସମ୍ପୂର୍ଣ୍ଣ ଭାବରେ ଥଣ୍ଡା ହୋଇଯିବ ତେବେ ଏହାକୁ ଏକ କଟନ କପଡାରେ ଛାଣି ଦିଅନ୍ତୁ। ଏହାକୁ ଚାପି ଚାପି ବଳକା ପାଣି ବାହାର କରିଦିଅନ୍ତୁ।
ଆପଣଙ୍କ ଫ୍ରେସ୍ ପନୀର ଏବେ ପ୍ରସ୍ତୁତ ହୋଇଯାଇଛି। ପନୀରକୁ କଞ୍ଚା ଖାଇବା ବହୁତ ଭଲ ବୋଲି ଧରାଯାଇଛି। ଆପଣ ଚାହିଁଲେ ଏହାକୁ ସାଲାଡ୍ ଭାବରେ ମଧ୍ୟ ବ୍ୟବହାର କରିପାରିବେ।
