କଟକ: ଜମୁଛି ଐତିହାସିକ ବାଲିଯାତ୍ରା। ବାଲିଯାତ୍ରାର ସପ୍ତମ ସନ୍ଧ୍ୟାରେ ଦର୍ଶକଙ୍କ ମଧ୍ୟରେ ସଂଗୀତର ସ୍ୱାଦ ଭରିଥିଲେ ବର୍ଷିଆନ ବଲିଉଡ ଗାୟକ ପଦ୍ମଶ୍ରୀ ପ୍ରାପ୍ତ ସୁରେଶ ୱାଡକର। ମନ ଛୁଆଁ ହିନ୍ଦୀ ଗୀତ ସହ ଓଡ଼ିଆ ଗୀତ ଗାଇ ଉପସ୍ଥିତ ଦର୍ଶକଙ୍କ ମନ ଜିଣି ଥିଲେ ସୁରେଶ । ତେବେ ବାଲିଯାତ୍ରାକୁ ସେ ପ୍ରଥମ ଥର ପାଇଁ ଆସିଥିଲେ ମଧ୍ୟ ଓଡିଶା ଓ ଓଡ଼ିଆ ଗୀତ ସହ ତାଙ୍କର ସମ୍ପର୍କ ବେଶ ପୁରୁଣା ବୋଲି କହିଥିଲେ। ହିନ୍ଦୀ ଗୀତ ମଧ୍ୟରେ ଅର ଇସି ଦିଲ ମେ କ୍ୟା ରଖା ହେ , ମେଘରେ ମେଘରେ, ମେ ହୁଁ ପ୍ରେମ ରୋଗୀ, ଛପା ଛପା କରେ କଚଲେ, ସପନେ ମେ ମିଲତି ହେ । ସେହପରି ଓଡ଼ିଆ ଗୀତରେ ଶୋଇଜା ମାମା, ମାଆ ତୁମେ ଜଗତର, ସୀମା ହୀନ ସାଗର ଗୀତ ଗାଇ ଦର୍ଶକ ମାନଙ୍କୁ ସଙ୍ଗୀତରେ ବାନ୍ଧି ରଖିଥିଲେ। ଅନ୍ୟପଟେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ମଧ୍ୟ ୱାଡକରଙ୍କ ଗୀତକୁ ଶୁଣିବା ପାଇଁ ବାଲିଯାତ୍ରା ପଡିଆରେ ପହଁଚିଥିଲେ। କିଛି ସମୟ ଗୀତ ଶୁଣିବା ପରେ ଜିଲ୍ଲାପାଳଙ୍କ ସହ ଆଲୋଚନା କରିଥିଲେ। ଅନ୍ୟପଟେ ପଦ୍ମଶ୍ରୀ ସୁରେଶ ୱାଡକର ବାଲିଯାତ୍ରାରେ ଆସି ଯୋଗ ଦେଇଥିବାରୁ ଗୌରବ ଅନୁଭବ କରିବା ସହ ଏହା କେବଳ ଜଗନ୍ନାଥ ପାଇଁ ସମ୍ଭବ ବୋଲି ସେ କହିଥିଲେ।
