ମାଡ଼ି ଚାଲିଛି ଡେଙ୍ଗୁ, କେମିତି ବର୍ତ୍ତିବେ ଡେଙ୍ଗୁ ରୁ? ଡେଙ୍ଗୁ ହେଲେ କଣ କରିବେ କଣ କରିବେନି, ଜାଣନ୍ତୁ ସବୁକିଛି

ଦେଶରେ ଏବେ ଡେଙ୍ଗୁ ସୃଷ୍ଟି କରୁଛି ଭୟ।ନିଜ କାୟା ବିସ୍ତାର କରିବାରେ ଲାଗିଛି ଡେଙ୍ଗୁ । ଗାଁ ଠାରୁ ଆରମ୍ଭ କରି ସହରରେ ମାଡ଼ିବାରେ ଲାଗିଛି ଡେଙ୍ଗୁ । ଲୋକେ ଏବେ ଭୟଭୀତ । ମେଡିକାଲ ରେ ଲାଗିଛି ଡେଙ୍ଗୁ ଲୋକଙ୍କର ଭିଡ଼ । ଏଥି ମଧ୍ୟରେ କଣ ରହିଛି ପ୍ରତିକାର ଓ ପଦକ୍ଷେପ ଆସନ୍ତୁ ଜାଣିବା-

ଡେଙ୍ଗୁ ନାଁ ଟି ସାଧାରଣ ଲାଗୁଥିଲେ ମଧ୍ୟ ଏହା ଏକ ଗୁରୁତର ରୋଗ ଅଟେ । ଆମେ ଜାଣିଥାଉ ଯେ ଡେଙ୍ଗୁ ରୋଗ ସାଧରଣତଃ ଏଡିସ୍ ମଶା କାମୁଡିବା ଦ୍ବାରା ହେଇଥାଏ । ଏହା ଏକ ଭାଇରାଲ ସଂକ୍ରମଣ ଅଟେ । ଯାହାର ଚିକିସ୍ୟା ଠିକ୍ ରୂପେ ନ କଲେ ଏହା ଦ୍ରୁତ ଗତିରେ ଶରୀରରେ ବ୍ୟାପିବା ସହିତ ମୃତ୍ୟୁର କାରଣ ମଧ୍ୟ ହୋଇଥାଏ । ମଶା ଯେତେବେଳେ ରକ୍ତରେ ଡେଙ୍ଗୁ ଜୀବାଣୁ ଥିବା ବ୍ୟକ୍ତିଙ୍କୁ କାମୁଡ଼େ ସେତେବେଳେ ସଂକ୍ରମିତ ହୁଏ । ଏହା ସିଧାସଳଖ ବ୍ୟକ୍ତିଙ୍କ ଠାରୁ ଅନ୍ୟକୁ ବ୍ୟାପିପାରିବ ନାହିଁ ।

୧. ନିଜ ଶରୀରର ଜଳୀୟ ଅଂଶ ବଜାୟ ରଖନ୍ତୁ :-

ପ୍ଲେଟଲେଟ ଗଣନା ବଜାୟ ରଖିବାକୁ ହେଲେ ପ୍ରଚୁର ପାଣି ପିଅନ୍ତୁ । ଡେ଼ଙ୍ଗୁ ଜ୍ବର ସାଧରଣତଃ ଜ୍ବର ବାନ୍ତି ଓ ଝାଡ଼ା ସୃଷ୍ଟି କରାଇଥାଏ । ଯାହା ଦ୍ଵାରା ଶରୀର ଡି ହାଇଡ୍ରେଡ ହେଇଥାଏ । ତେଣୁକରି ଏହି ପରିସ୍ଥିତିରେ ପାଣି,ନଡ଼ିଆ ରସ ଓ ବିଭିନ୍ନ ପ୍ରକାରର ଜୁସ ସେବନ କରନ୍ତୁ ଯାହା ଅପଣଙ୍କ ପାଇଁ ଫଳପ୍ରଦ ହବ ।

୨. ପୁଷ୍ଟିକର ଖାଦ୍ୟ ଖାଆନ୍ତୁ :-

ଶରୀରରେ ରୋଗ ପ୍ରତିରୋଧକ ଶକ୍ତି ବଢ଼ାଇବା ପାଇଁ ଭିଟାମିନ ଓ ମିନେରାଲ ଯୁକ୍ତ ଖାଦ୍ୟ ଖାଆନ୍ତୁ । ସବୁଜ ପନିପରିବା ଡାଳିମ୍ବ ଓ ପିଜୁଳି ଭଳି ତନ୍ତୁ ଯୁକ୍ତ ଫଳ ଖାଆନ୍ତୁ । ଯାହା ଆପଣଙ୍କ ଶରୀରର ପ୍ଲେଟଲେଟର ବୃଦ୍ଧିରେ ସହାୟକ ହବ ।

୩. ଅମୃତ ଭଣ୍ଡା ପତ୍ରର ସେବନ :-

କିଛି ସୂତ୍ରରୁ ଜଣାଯାଇଛି ଯେ ଅମୃତ ଭଣ୍ଡା ପତ୍ରର ସେବନ ଡେଙ୍ଗୁ ପାଇଁ ଫଳପ୍ରଦ ହୋଇଥାଏ ହେଲେ ଏହା ଆପଣଙ୍କ ପାଇଁ ଉପୋଯୋଗୀ କି ନୁହେଁ ସେବନ ପୂର୍ବରୁ ଥରେ ଡାକ୍ତରଙ୍କ ପରାମର୍ଶ କରିନିଅନ୍ତୁ ।

୪. ନିଜ ପରିବେଶ ସଫା ରଖନ୍ତୁ :-

ଏହାର ଏକ ପ୍ରାଥମିକ ପଦକ୍ଷେପ ହେବା ବେଳେ ଆମେ ଏଥିପ୍ରତି ଧ୍ୟାନ ଦେଇ ନଥାଏ । ପାଣି ଜମିରହୁଥିବା ସ୍ଥାନକୁ ବିଶୋଧନ କରନ୍ତୁ । ଫୁଲ୍ ପୋଷାକ ପରିଧାନ କରନ୍ତୁ । ଶୋଇବା ସମୟରେ ମଶାରୀ ଟାଣି ଶୋଇବାକୁ ଚେଷ୍ଟା କରନ୍ତୁ ।

୫. କୌଣସି ପଦକ୍ଷେପ ନେବା ପୂର୍ବରୁ ଡାକ୍ତରଙ୍କ ସହ ପରାମର୍ଶ କରନ୍ତୁ :-

ଆମେ ଅନେକ ସମୟରେ ଉପଚାର ପାଇଁ ଘରୋଇ ପଦ୍ଧତିର ଅବଲମ୍ବନ କରିଥାଏ ଯାହା ଅନେକ ସମୟରେ ଆମକୁ ଅଧିକ ବିପଦମୁଖୀ କରିଦେଇଥାଏ ତେଣୁ କରି ନିୟମିତ ଡାକ୍ତରଙ୍କ ପରାମର୍ଶ ନିଅନ୍ତୁ ।

ସଠିକ୍ ସମୟରେ ସଠିକ୍ ପଦକ୍ଷପ ନିଅନ୍ତୁ ଯାହା ଆପଣଙ୍କର ଓ ଆପଣଙ୍କ ପରିବାରର ଜୀବନ ବଞ୍ଚାଇ ପାରିବ । ସତର୍କ ରୁହନ୍ତୁ, ସୁରକ୍ଷିତ ରୁହନ୍ତୁ