ନୂଆଦିଲ୍ଲୀ,୦୨/୧୦: ପୁଣେରେ ଭୟଙ୍କର ବିମାନ ଦୁର୍ଘଟଣା । ଫଳରେ ୩ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ତେବେ ମୃତକଙ୍କ ମଧ୍ୟରେ ୨ ଜଣ ପାଇଲଟ ଓ ଜଣେ ଏୟାରକ୍ରାଫ୍ଟ ମେଣ୍ଟେନାନ୍ସ ଇଞ୍ଜିନିୟର ପ୍ରାଣ ହରାଇଥିବା କୁହାଯାଇଛି । ପୁଣେ ନିକଟରେ ଅଗଷ୍ଟା ୧୦୯ ଚପର କ୍ରାସ୍ ହୋଇଥିବା କୁହାଯାଇଛି । ଉକ୍ତ ବିମାନରେ କୌଣସି ଯାତ୍ରୀ ନଥିଲେ ।
ପୁଣେର ବାବଧନଠାରେ ଏହି ହେଲିକପ୍ଟର କ୍ରାସ୍ ହୋଇଥିବା ଜଣାପଡିଛି।
ସୂଚନା ମୁତାବକ, ହେଲିକପ୍ଟରଟି ଅକ୍ସଫୋର୍ଡ ଗୋଲ୍ଫ କୋର୍ସ ନିକଟରେ ଉଡ଼ାଣ ଭରିଥିଲା । ଆଉ କିଛି ସମୟ ମଧ୍ୟରେ ତାହା ଦୁର୍ଘଟଣାର ଶିକାର ହୋଇଥିଲା । ଏହି ଦୁର୍ଘଟଣା ଆଜି ସକାଳ ପାଖାପାଖି ୭.୩୦ ସମୟରେ ହୋଇଥିଲା । ଫଳରେ ଦୁର୍ଘଟଣାରେ ୨ ଜଣ ପାଇଲଟ ଓ ଜଣେ ଇଞ୍ଜିନିୟରଙ୍କ ମୃତ୍ୟୁ ଘଟିଛି। ଦୁର୍ଘଟଣା ପରେ ଘଟଣାସ୍ଥଳରେ ଫାୟାର ବ୍ରିଗେଡର ଟିମ୍ ପହଞ୍ଚିବା ସହ ମାମଲାର ତଦନ୍ତ ଆରମ୍ଭ କରିଛି। ସୂଚନାଯୋଗ୍ୟ ଯେ, ଏହା ପୂର୍ବରୁ ଗତ ଅଗଷ୍ଟ ମାସ ୨୪ ତାରିଖରେ ମଧ୍ୟ ପୁଣେରେ ଏକ ଅଘଟଣ ଘଟିଥିଲା । ଏକ ଘରୋଇ କମ୍ପାନୀର ହେଲିକପ୍ଟର କ୍ରାସ ହୋଇଯାଇଥିଲା । ଉକ୍ତ ଦୁର୍ଘଟଣାରେ ୪ ଜଣ ଲୋକ ଆହତ ହୋଇଥିଲେ । ହେଲିକପ୍ଟରଟି ମୁମ୍ବାଇର ଜୁହୁ ଠାରୁ ହାଇଦ୍ରାବାଦ ଅଭିମୂଖେ ଉଡ଼ାଣ ଭରିଥିଲା ।
