ଆପଣ ଜାଣିଥିବେ ହିନ୍ଦୁ ଶାସ୍ତ୍ରରେ ମହିଳାମାନଙ୍କୁ ଶବଦାହକୁ ଯିବାକୁ ବାରଣ କରାଯାଇଛି ଏବଂ ଝିଅ ନୁହେଁ କେବଳ ପୁଅମାନେ ହିଁ ଦେଇଥାନ୍ତି ମୁଖାଗ୍ନୀ, ତେବେ ଏହାର କାରଣ କଣ ରହିଛି ଆସନ୍ତୁ ଜାଣିବା
ହିନ୍ଦୁ ଧର୍ମରେ ଅନେକ ପ୍ରଥା ଓ ପରମ୍ପରା ରହିଛି । ସେ ବିବାହ ସମୟର ହେଉ କି ଜନ୍ମ ଆଉ ମୃତ୍ୟୁ ସମୟର । ଏ ସବୁକୁ ଏକ ନିର୍ଦ୍ଧିଷ୍ଟ ନୀତି ନିୟମ ଅନୁସାରେ ପାଳନ କରାଯାଇଥାଏ । ତେବେ ସବୁର ଯେ କେବଳ ଧାର୍ମିକ ଭିତ୍ତି ଭୂମି ରହିଛି ତାହା ନୁହେଁ ଏପରି ଅନେକ କିଛି ପରମ୍ପରା ରହିଛି ଯାହାର ବୈଜ୍ଞାନିକ ଦୃଷ୍ଟି କୋଣ ମଧ୍ୟ ରହିଛି ।
ତେବେ ଆମେ ଆଜି ମୃତ୍ୟୁ ସମୟର କିଛି ନିୟମ ବିଷୟରେ ଜାଣିବା ଯାହା ଗରୁଡ଼ ପୁରାଣରେ ବର୍ଣ୍ଣନା କରାଯାଇଛି । ଗରୁଡ ପୁରାଣ ଅନୁସାରେ ଯେ ଜୀବନ ଧରି ପୃଥିବୀ ପୃଷ୍ଠରେ ଜନ୍ମ ଗ୍ରହଣ କରିଛି ସେ ଦିନେ ନା ଦିନେ ପୃଥିବୀ ଛାଡ଼ିବ ଏବଂ ନିଜର କର୍ମ ଅନୁସାରେ ନର୍କ କିମ୍ବା ସ୍ୱର୍ଗ ପ୍ରାପ୍ତି ହେବ । ଏହି ଗରୁଡ଼ ପୁରାଣରେ ବିଶେଷ କରି ମୃତ୍ୟୁ ପରର ଦଣ୍ଡ ବିଷୟରେ ଲେଖା ଯାଇଛି ।
ବିଶ୍ୱାସ କରାଯାଏ ଯେ ନକାରାତ୍ମକ ଶକ୍ତି ସର୍ବଦା ଶବଦାହରେ ବ୍ୟାପିଥାଏ। ଯେତେବେଳେ ମହିଳାମାନେ ଶବଦାହକୁ ଯାଆନ୍ତି, ନକାରାତ୍ମକ ଶକ୍ତି ସହଜରେ ସେମାନଙ୍କ ଶରୀରରେ ପ୍ରବେଶ କରିପାରେ କାରଣ ମହିଳାମାନେ ନରମ ହୃଦୟ ବୋଲି ବିବେଚନା କରାଯାଏ। ଆହୁରି ମଧ୍ୟ, ନକାରାତ୍ମକ ଶକ୍ତି ଯୋଗୁଁ ସେମାନଙ୍କ ଭିତରେ ରୋଗ ବ୍ୟାପିବାର ଅଧିକ ସମ୍ଭାବନା ଅଛି।
ମହିଳାମାନଙ୍କର ମନ ଦୁର୍ବଳ ଏବଂ ନରମ ଅଟେ। ଶବଦାହରେ ଘଟୁଥିବା ଦୃଶ୍ୟ ଦେଖିବା ପରେ ସେ ନିଜକୁ କାନ୍ଦିବା ବନ୍ଦ କରିପାରିବ ନାହିଁ। ଯେଉଁଥିପାଇଁ ମୃତ ଆତ୍ମା ମଧ୍ୟ ଦୁଃଖ ଅନୁଭବ କରିବା ଆରମ୍ଭ କରନ୍ତି। ଏହି କାରଣରୁ ମହିଳାମାନେ ଶବଦାହକୁ ଯାଆନ୍ତି ନାହିଁ।
ଗରୁଡ ପୁରାଣ ଅନୁସାରେ ଘରର ସଦସ୍ୟଙ୍କ ମୃତ୍ୟୁରେ ଘରର ପୁଅ ମାନେ ହିଁ ମୁଖାଗ୍ନି ଦେବା ଉଚିତ୍ । ପୁ ଶବ୍ଦର ଅର୍ଥ ହେଉଛି ନର୍କ ଓ ତ୍ର ଶବ୍ଦର ଅର୍ଥ ହେଉଛି ମୁକ୍ତି ଅର୍ଥାତ୍ ପୁତ୍ରର ମୁଖାଗ୍ନୀ ଦ୍ୱାରା ହିଁ ମୃତ ଲୋକ ନର୍କରୁ ତ୍ରାହି ପାଇଥାଏ ।
