ମୁଁ ଜଣେ ବଦନାମ୍ ଅଭିନେତ୍ରୀ: ନିଜକୁ ନେଇ ରେଖାଙ୍କ ବଡ଼ ମନ୍ତବ୍ୟ

ରେଖା ମଧ୍ୟ ତାଙ୍କ କଥାକୁ ସୁନ୍ଦର ଏବଂ ସାହସର ସହିତ କହିବା ପାଇଁ ବେଶ୍ ଜଣାଶୁଣା।

ରେଖା ତାଙ୍କ ଜୀବନ ବିଷୟରେ ବହୁତ ଖୋଲାଖୋଲି କଥା ହୋଇଛନ୍ତି। ବେଳେବେଳେ ସେ ବିବାହ ତଥା ପ୍ରେମ ସମ୍ପର୍କ ବିଷୟରେ ଆଲୋଚନା କରିଛନ୍ତି ଏବଂ ବେଳେବେଳେ କାର୍ଯ୍ୟ ବିଷୟରେ ଆଲୋଚନା କରିଛନ୍ତି । ରେଖା ଝିଅ-ଝିଅ ମଧ୍ୟରେ ଶାରୀରିକ ସମ୍ପର୍କକୁ ସମର୍ଥନ କରିଥାନ୍ତି। ଏହି ପରି ପ୍ରସଙ୍ଗରେ ରେଖା ଅନେକ ଥର ହେଡଲାଇନରେ ରହିଛନ୍ତି। କିନ୍ତୁ, ରେଖା ନିଜକୁ ଜଣେ ବଦନାମ୍ ଅଭିନେତ୍ରୀ ବୋଲି କହିଥିଲେ। ଏହାର କାରଣ କ’ଣ ତାହା କିଛି ଅଳ୍ପ ଲୋକଙ୍କୁ ଜଣା।

ଲେଖକ ୟାସିର ଉସମାନ ‘ରେଖା: ଦି ଅନଟୋଲ୍ଡ ଷ୍ଟୋରୀ’ ନାମକ ଏକ ଜୀବନୀ ପୁସ୍ତକ ଲେଖିଥିଲେ। ସେହି ସମୟ ମଧ୍ୟରେ ସେ ଅଭିନେତ୍ରୀ ରେଖାଙ୍କ ସାକ୍ଷାତକାର ନେଇଥିଲେ। ଯେଉଁଥିରେ ରେଖା ତାଙ୍କ ଜୀବନର ଅନେକ ତଥ୍ୟ ବଖାଣିଥିଲେ। ରେଖାଙ୍କ ସେହି ଜୀବନୀ ପୁସ୍ତକରେ ସବୁକିଛି ଲେଖା ହୋଇଛି ଏବଂ ତାଙ୍କର ପ୍ରେମ ସମ୍ପର୍କ, ବିବାହ ଏବଂ ଗର୍ଭଧାରଣ ବିଷୟରେ ମଧ୍ୟ ଏଥିରେ ଲେଖାଯାଇଛି।

‘ରେଖା: ଦି ଅନଟୋଲ୍ଡ ଷ୍ଟୋରୀ’ ଅନୁଯାୟୀ, ରେଖା କହିଥିଲେ, ‘ମୁଁ ଫିଲ୍ମ ଇଣ୍ଡଷ୍ଟ୍ରିରେ ବହୁତ ପ୍ରସିଦ୍ଧ ହୋଇପାରେ କିନ୍ତୁ ସତ୍ୟ ହେଉଛି ମୋ ଜୀବନ ଏତେ ଭଲ ରହିନାହିଁ। ମୁଁ କେବଳ ଜଣେ ଅଭିନେତ୍ରୀ ନୁହେଁ ବରଂ ମୁଁ ଅତ୍ୟନ୍ତ ଖରାପ ଅତୀତ ସହିତ ଜଣେ ବଦନାମ୍ ଅଭିନେତ୍ରୀ | ମୁଁ ପ୍ରେମରେ ପଡ଼ିଥିଲି ଏବଂ ବିବାହ କରିଥିଲି କିନ୍ତୁ କେବେ ମା’ ହୋଇପାରି ନ ଥିଲି। କାରଣ ମୁଁ ବର୍ତ୍ତମାନ ପର୍ଯ୍ୟନ୍ତ ଗର୍ଭବତୀ ହୋଇ ନାହିଁ । ତଥାପି, ଜୀବନକୁ ନେଇ ମୋର କୌଣସି ଅଭିଯୋଗ ନାହିଁ ଏବଂ ମୁଁ ସବୁକିଛି ଗ୍ରହଣ କରୁଛି।

ରେଖା ସବୁକିଛି ଖୋଲାଖୋଲି ଭାବରେ କହିବାକୁ ପସନ୍ଦ କରିଥାନ୍ତି ଏବଂ ତାଙ୍କ ପ୍ରଶଂସକମାନେ ତାଙ୍କ ଶୈଳୀକୁ ସର୍ବଦା ପସନ୍ଦ କରିଥାନ୍ତି।

ରେଖା ଏବଂ ବିନୋଦ ମେହେରାଙ୍କ ବିବାହକୁ ନେଇ ଅନେକ ଚର୍ଚ୍ଚା ହୋଇଛି। କିନ୍ତୁ ରେଖା ଏହାକୁ କେବେ ସ୍ବୀକାର କରିନାହାଁନ୍ତି। ରେଖା ଅମିତାଭ ବଚ୍ଚନଙ୍କ ସହ ମଧ୍ୟ ଦୀର୍ଘ ସମୟ ଧରି ସମ୍ପର୍କ ରଖିଥିଲେ, ଯାହା ସିମି ଗାରେୱାଲଙ୍କ ସୋ’ରେ ରେଖା ଖୋଲାଖୋଲି ଭାବରେ ସ୍ବୀକାର କରିଥିଲେ। ଏହା ବ୍ୟତୀତ ରେଖା ସର୍ବସାଧାରଣରେ ଅମିତାଭ ବଚ୍ଚନଙ୍କ ପାଇଁ ତାଙ୍କ ନାମ ନ ନେଇ କିଛି ମଧ୍ୟ କହିଥାନ୍ତି।

୧୯୯୦ ମସିହାରେ, ରେଖା ବ୍ୟବସାୟୀ ମୁକେଶ ଅଗ୍ରୱାଲଙ୍କୁ ବିବାହ କରିଥିଲେ। କିନ୍ତୁ ବିବାହର କିଛି ମାସ ପରେ ତାଙ୍କ ସ୍ୱାମୀଙ୍କର ମୃତ୍ୟୁ ହୋଇଥିଲା। ରେଖା ଏହା ପରେ ଆଉ ବିବାହ କରି ନ ଥିଲେ ଏବଂ ଏପର୍ଯ୍ୟନ୍ତ ଅବିବାହିତା ଅଛନ୍ତି। ରେଖାଙ୍କର ଫରଜାନା ନାମକ ଜଣେ ମ୍ୟାନେଜର ଅଛନ୍ତି ଯିଏ ବର୍ଷ ବର୍ଷ ଧରି ତାଙ୍କ ସୁଖ-ଦୁଃଖର ସାଥୀ ଭାବେ ରହିଛନ୍ତି। ଫରଜାନା ରେଖାଙ୍କର ଯତ୍ନର ଧ୍ୟାନ ରଖିଥାନ୍ତି ।