ମୁମ୍ବାଇ : ଶୁକ୍ରବାର ଭାରତୀୟ ଷ୍ଟକ ବଜାରରେ ଉତ୍ସାହ ଦେଖାଦେଇଛି । ଉଭୟ ସେନସେକ୍ସ ଓ ନିଫଟି ବୃଦ୍ଧି ସହ ବନ୍ଦ ହୋଇଛନ୍ତି । ସେନସେକ୍ସ ୧୩୩୧ ପଏଣ୍ଟ ବୃଦ୍ଧି ସହ ୮୦୪୩୬.୮୪ ପଏଣ୍ଟରେ ବନ୍ଦ ହୋଇଛି । ନ୍ୟାସନାଲ ଷ୍ଟକ ଏକ୍ସଚେଞ୍ଜର ନିଫ୍ଟିରେ ୩୯୭ ପଏଣ୍ଟ ବୃଦ୍ଧି ସହ ୨୪୫୪୧.୧୫ ପଏଣ୍ଟରେ ବନ୍ଦ ହୋଇଛି ।
ବଜାରରେ ଏହି ବୃଦ୍ଧିର ଏକ ପ୍ରମୁଖ ଯୋଗଦାନ ହେଉଛି ଆଇଟି ଷ୍ଟକ, ଯେଉଁଥିରେ ବହୁତ ଉନ୍ନତି ହୋଇଛି ।
ନିଫ୍ଟିର ଆଇଟି ଇଣ୍ଡେକ୍ସ ୧୦୩୭ ପଏଣ୍ଟ ବୃଦ୍ଧି ସହ କାରବାର କରୁଛି। ଷ୍ଟକ ଗୁଡ଼ିକ ମଧ୍ୟରେ ଏମ୍ଫାସିସ୍ ୬.୭୭ ପ୍ରତିଶତ ଏବଂ ଏଲ୍ ଆଣ୍ଡ୍ ଟି ଟେକ୍ନୋଲୋଜି ୫.୭୮ ପ୍ରତିଶତ ବୃଦ୍ଧି ସହ କାରବାର କରୁଛି। ୱିପ୍ରୋ ଏବଂ କୋଫୋର୍ଜ ମଧ୍ୟ ଉତ୍ସାହିତ ଅଛନ୍ତି ଏବଂ ଉଭୟ ଷ୍ଟକ ୩ ପ୍ରତିଶତରୁ ଅଧିକ ବୃଦ୍ଧି ସହିତ କାରବାର କରୁଛନ୍ତି ।
ଭାରତୀୟ ଷ୍ଟକ ବଜାରରେ ଜୋରଦାର ବୃଦ୍ଧି ଯୋଗୁଁ ନିବେଶକଙ୍କ ସମ୍ପତ୍ତିରେ ଜୋରଦାର ବୃଦ୍ଧି ଘଟିଛି। ବିଏସଇ ତାଲିକାଭୁକ୍ତ ଷ୍ଟକଗୁଡ଼ିକର ବଜାର ପୁଞ୍ଜି ଗତ ଅଧିବେଶନରେ ୪.୨୯ ଲକ୍ଷ କୋଟି ଟଙ୍କାରୁ ୪୫୦.୩୫ ଲକ୍ଷ କୋଟି ଟଙ୍କାରେ ପହଞ୍ଚିଛି। ଆଜିର ଅଧିବେଶନରେ ନିବେଶକଙ୍କ ସମ୍ପତ୍ତିରେ ୬ ଲକ୍ଷ କୋଟି ଟଙ୍କାରୁ ଅଧିକ ବୃଦ୍ଧି ଦେଖିବାକୁ ମିଳୁଛି।
